प्रकाशितवाक्य 15:3 - सोरियाली नय्या नियम

³ उन एक इसो गीत गान मरैछ्या जसो परमेश्वरा का दास मूसा भौत पैलि गाईना को छ्यो। उनूनले यीशु की महिमा करून खिन, जो कि एक मेम्ना को जसो छै, इसा तरीका ले गाछ, “हे सर्वशक्तिमान प्रभु परमेश्वर, जो तैले करिना को छै उ महान और अद्धभुत छन। तै सब देशून को राजा छै, तै जो ले करछै उ सच्चो और धर्मी छै।”

प्रकाशितवाक्य 15:3 Iomraidhean Croise

यहूना 1:17

नियम-कानून त मूसा का द्वारा दीई ग्यान; लेकिन परमेश्वर ले अनुग्रह और सच्चाई यीशु मसीह का द्वारा दीछ।

1 तीमुथियुस 1:17

उ राजा जो हमेशा राज्य करछो, जो हमेशा खिन ज्यूनो रूछो, और जैस कोई नै देख सकूनो, और उई एकमात्र सच्चो परमेश्वर छै, उको आदर और महिमा हमेशा-हमेशा हुनै रौ। आमीन।

इब्रानियों 3:5

मूसा त परमेश्वरा का सब लोगून खिन विश्वासयोग्य र्योछ, जो केले मूसा ले करछ्य उ, उ तरफ इशारा करूनमर्योछ जो परमेश्वर बाद में कुंनवालो छ्यो।

प्रकाशितवाक्य 1:8

प्रभु परमेश्वर कुंछो, “मैं अल्फा और ओमेगा छूँ, जैको मतलब छै पैलो और आखरी। मैं उई परमेश्वर छूँ जो छै, जो हमेशा भटे छयो, और जो ऊँनवाला छै, और सर्वशक्तिमान छै।”

प्रकाशितवाक्य 11:17

यो कुंन लाग्यान, “हे सर्वशक्तिमान प्रभु परमेश्वर, उ परमेश्वर छै जो हमेशा छ्यो और जो उनवालो छै, हम तेरो धन्यबाद करनू किलैकी तैले अपूनी महान सामर्थ दिखाईना की छै और तैले संसारा में अपूनो राज्य कर दी हैछ।”

प्रकाशितवाक्य 14:3

एक लाख चौवालीस हजार (144,0000) लोग सिंहासना और चारू प्राणी और प्रचीनून का सामुनि ठाड़ छ्या; उन एक नय्या गीत गान मरेछ्या, जैस सिर्फ उनी सिख सकछ्या। सिर्फ उनी छन जिनून परमेश्वर ले संसार में रूनवाला लोगून का बीच में भटे छुड़ाईना को छ्यो।

प्रकाशितवाक्य 14:8

वाँ एक दुसोरो स्वर्गदूत छ्यो जो पैल वाला स्वर्गदूता का पछिल भटे यो कुंनै आछ, “नाश हो ग्योछ, यो बेबीलोन देश बुरी तरीका नाश हो ग्योछ। उले अपून ब्यविचार ले मदहोश करून वाली मदिरा ले धुत कर दीयान। जैको मतलब यो छै कि उले भौत भद्दो ब्यवहार करछ्य की उले सब जातिन मूर्तिन की पूजा करून सिखाछ। किलैकी उले उनून मूर्तिन की पूजा करून सिखाछ।”

प्रकाशितवाक्य 17:14

जानवर और दस राजान ले मेम्ना का बिरोध में लड़ाई लड़ाला, लेकिन मेम्ना उनून हरा द्योलो, किलैकी उ प्रभुन को प्रभु और राजान को राजा छै, उक लोग उन छन जिनून परमेश्वर ले बुला रैछ और चुन रैछ, और जो उक प्रति वफादार छन।

प्रकाशितवाक्य 19:16

और उक कपाड़ा और दैंन जंगाड़ में यो नाम लिखीना को छै, “उ प्रभुन को प्रभु और राजान को राजा छै।”

प्रकाशितवाक्य 19:2

उकी अराधना करा किलैकी उक सब फैसला सही और सच्चा छन। येक कारण उले उ ठूली वेश्या को न्याय करछ्य, किलैकी उले संसारा का लोगून पाप करून खिन मजबूर करछ्य। परमेश्वरेले उको न्याय करिना को छै किलैकी उक सेवकून उक द्वारा मारी गैछ्या।

प्रकाशितवाक्य 4:8

और चारू प्राणिन का छः-छः पंख छन, और उनार आंग में चारू तरफ आँखा छ्या, याँ तक कि उनार पंखून का भितर ले आँखा छ्या और उन रात-दिन बिना आराम करिना का यो कुनै रूनान, “पवित्र, पवित्र, पवित्र प्रभु सर्वशक्तिमान परमेश्वर! और उ उई परमेश्वर छै जो हमेशा भटे छयो और ऐल तक जो ऊँनवाला छै।”