प्रकाशितवाक्य 15:2 - सोरियाली नय्या नियम

² तब मैंले कुछ देखछ्य जो समुद्रो जसो देखीछ्यो जो काँच का नियाती चमकून मरैछ्यो और उमें आगो ले मिलीना को छ्यो मैंले उन लोगून ले देखछ्य जो जानवर भटे हारिना का नी छ्या। उनूनले पैल जानवर और उकी मूर्ति की पूजा नी करिना की छी, और उनूनमें जानवर को नामोको अंको चिन नी लगाई ग्योछ्यो। वाँ उन उ समुद्रा का किनार में ठाड़ छ्या और उन सब एक वीणा पकड़िनाक छ्या जो परमेश्वरै ले उनून दीईना की छी।

प्रकाशितवाक्य 15:2 Iomraidhean Croise

मत्ती 3:11

मैंले त तुमून पानि ले पापून को पश्चताप करून खिन बपतिस्मा दी छूँ, लेकिन जो म्यारा बाद उनवालो छै, उ मैं है महान छै। और मैं इसो लाकारी को ले नाहातिनू कि उको सेवक बनभेरन उको जूताका खोलि सकू लेकिन मैंले त तुमून पानि को बपतिस्मा दीछ, लेकिन उ तुमून पवित्र आत्मा और आगा ले बपतिस्मा द्यालो।

1 पतरस 1:7

इन परेशानीन को मक्शद यो दिखूनो छै कि क्या तुम सच्ची में परमेश्वर में भरोसा करछा। यीशु मसीह में तुमोरो विश्वास सुनो है ज्यादा कीमती छै। जसीकैं नाश हुन वाला सुना स आग में परखी जाछो और शुद्ध करि जाछो, उसिकैं अगर तुमोरो विश्वास परीक्षान का द्वारा परखी जाना का बाद ले मजबूत रूछो, त यो उ दिन तुमून भौत बड़ाई और महिमा और सम्मान दिलालो जब यीशु मसीह फिर वापस आलो।

1 पतरस 4:12

हे म्यारा विश्वासी भाईयो, जो दर्दनाक दुख तुम सहछा, उनार बारिमें हैरान जन हो, किलैकी तुम मसीह का छा। लेकिन यो बात दिखून खिन हो रैछ कि क्या तुम सच्ची में परमेश्वर में विश्वास करछा। येक कारण, यो जन सोचा कि तुमार दगाड़ कुछ अजीब घटना होर्यान।

प्रकाशितवाक्य 12:11

उनून उ मेम्ना का खून की सामर्थ ले हराछ। जो उनून उनार पापून छुड़ून खिन मर गैछ्यो। उनूनले ऊस हरा दीछ किलैकी उन यो कुंनै रियान कि मेम्‍ना उनोरो परमेश्वर छै। याँ तक कि मार डाली ग्यान, लेकिन उन यो कुंन है पछिल नै हटिया।

प्रकाशितवाक्य 13:1

तब मैंले एक जानवर स समुद्र में भटे निकलून देखछय, जैका दस सींग और सात ख्वारा छ्या। उक सींगून में दस राजमुकुट और उक हरेक ख्वारान में परमेश्वरे की बुराई का नाम लिखीना को छ्यो।

प्रकाशितवाक्य 13:14

भौत लोग उ दुसारा जानवरक चमत्कारा का कामून देखभेरन ध्वाका खा ग्या जो पैला जानवरै की शक्ति ले देखूछ्यो। दुसारा जानवरक द्वारा लोगून थैं कयी ग्यो उन उ पैला जानवरै की पूजा करून खिन एक मूर्ति बना, जो तलवारै घायल करि गेछ्यो, लेकिन उ फिर चंगो हो गेछ्यो।

प्रकाशितवाक्य 13:17

सिर्फ उई लोग जिनूनमें यो छाप छी उन चीजून खरीद और बैच सकछ्या। उ छाप पैलि जानवरै की नामकी छी या उकी नामस बतून वाली संख्या छी।

प्रकाशितवाक्य 21:18

शैहर चोखा सुना ले बनाई को छ्यो जो काँचा का नियाती चमक छ्यो, उकी दिवाल, यशब नामक कीमती ढ़ुगा ले बनिनाकी छी।

प्रकाशितवाक्य 4:6

उ सिंहासना का सामुनि एक फर्श छ्यो जो समुन्द्रो को जसो चौड़ो और काँच जसो साफ छयो। और उ ठूलो सिंहासन उन सबून का बिल्कुल बीच में छ्यो, और उक चारू तरफ मैंले चार प्राणी देख्यान, जिनारा आंग पुर तरीका ले आँखान ले ढकीना का छ्या।

प्रकाशितवाक्य 5:8

जब उले किताब ली लीछ, तो उन चारों प्राणी और चौबीसूं प्राचीन उ मेम्‍ना का सामुनि झुक ग्या; हरेक प्राचीन ले एक वीणा और सुना ले बनिना को कटरो पकड़ीनाको छ्यो। कटरो धूप ले भरिना को छ्यो, और उ धूप की सुगंध उन लोगून की प्रार्थनान को चिन्न छै जो परमेश्वरे की सेवा करनान।