प्रकाशितवाक्य 13:8 - सोरियाली नय्या नियम

⁸ संसारा का सब लोग उकी पूजा करून लाग्यान। सिर्फ उनी लोगून ले उकी पूजा नै करि जिनारा नाम संसारा बनून है पैलि जीवन की किताब में लिखीना का छ्या। यो जीवन की किताब उ मेम्ना की किताब छै जैस बलिदान का रूप मारिना को छ्यो।

प्रकाशितवाक्य 13:8 Iomraidhean Croise

मत्ती 25:34

तब प्रभु अपून दैन तरफ वालान थैं कलौ, ‘हे म्यारा स्वर्गीय पिता धन्य लोगो, आ, उ राज्य का अधिकारी होज्या, जो संसारा का पैलि भटे तुमून खिन तैय्यार करिना को छै।

लूका 10:20

तब ले तुम यो बात ले खुश जन हो कि भूत तुमार बश में छै, लेकिन यो बात ले खुश हो कि तुमार नाम स्वर्ग में लिखीनाका छन।”

यहूना 1:29

दुसारा दिना यहूना ले यीशुस अपून तरफ ऊँन देखिभेरन क्योछ, “देखा यो परमेश्वरो को मेम्ना छै, जो संसारा का पापून उठा लिजाछो।

इफिसियून 1:4

खाशकर मसीहाक दगाड़ हमरि एकता का कारण परमेश्वर ले हमून यो संसारे स बनून है पैलिक चुन लीछ। ताकि हम उक सामुनि पवित्र और निर्दोष हो।

फिलिप्पिन 4:3

हे सच्चा दगड़ियो सुन्तुखे, मैं तैथैं ले बिनती करछूँ, कि तैं इन स्यैनिन का मेल मिलाप करून में मद्दत कर। किलैकी उनूनले म्यारा दगाड़ सुसमाचार फैलून में, क्लेमेंस और म्यारा दगड़ियान ले म्यारा दगाड़ हिम्मत करछ्य, जिनारा-जिनारा नाम जीवन की किताब में लिखीना का छन।

तीतुस 1:2

येक कारण उन परमेश्वरा का दगाड़ हमेशा खिन रून की आश करनान, क्याखिनकि परमेश्वर जो कभै झूठ नै बोलूनो, उले संसारा बनून है पैलि वादा करिना को छ्यो कि उक लोग हमेशा खिन ज्यूना रौला।

प्रकाशितवाक्य 12:15

फिर उ स्यैनि स बगून खिन, उ अजगर ले अपून मुँख भटे पानि एक नदी उगल छै।

प्रकाशितवाक्य 13:12

यो दुसोरो जानवर उ पैला जानवरो को सब अधिकार इस्तमाल करछो, दुसोरो जानवर संसार और येमें रूनवालान थैं उ पैला जानवरै की पूजा करूछो, जैको मरन वालो घ ठीक होग्यो छ्यो।

प्रकाशितवाक्य 17:8

जो जानवर स तैले एल देखछ्य, एक बखत ज्यून छ्यो, लेकिन अब ज्यून नाहातिन; उ गैरा गड्डा भटे भ्यार उनवालो छै और परमेश्वर ऊस पुर तरीका ले नाश कर द्योलो; और संसारा का लोग जिनारा नाम संसार बनून है पैलि जीवनै की किताब में नै लिख रै, उन सब हैरान हो जाला जब उन यो जानवरै स देखाला। जो एक बखत ज्यून छ्यो; अब उ ज्यून नाहातिन; लेकिन उ फिर वापस आ जालो।

प्रकाशितवाक्य 21:27

और कोई ले अशुद्ध चीज उ शैहर में प्रवेश नी करली। कोई ले जो गन्दा काम करनान या झूठ बोलनान वाँ प्रवेश नी कराला। वाँ केवल उनी लोग प्रवेश कर सकनान जिनारा नाम जीवनै की किताब में लिखी ग्यान, यो उ किताब छै जैमें उन लोगून का नाम लिखीनाका छन जिनारा पास अनन्त जीवन छै।

प्रकाशितवाक्य 3:10

तैले म्यारा संदेश मानछ्य ताकि जब तै दुख उठालै त ऊस बड़ा धैर्य का दगाड़ सहन कर सके। योई कारण, मैं उ ठूली परीक्षा का बखत तेरि रक्षा करूलो। जो यो संसाराक सब लोगून में आलो।

प्रकाशितवाक्य 3:20

सुणा, मैं तुमार दिल में ऊँन खिन उ आदिमी की नियाती छूँ जो घरा का भ्यार ठाड़ छै और द्वार स खटखटूछो। अगर तुम मेरि आवाज स सुणछा और मैंखिन अपूनो दिल खोलछा त मैं भितर ऊँलो और हम एक-दुसरा का दगाड़ संगति करला।

प्रकाशितवाक्य 3:5

जो आदिमी शैतानी ताकतून हरा द्योलो, उले इनारा नियाती सफेद कपाड़ा पैनोलो। मैं उ आदिमी को नाम उ किताब में है नी मिटूलो जैमें उन लोगून का नाम लिखीना का छन जिनारा पास सच्चो जीवन छै। जब कि मैं अपून पिता और स्वर्गदूतून का सामुनि ठाड़ हुलो जो उकी सेवा करनान, त मैं घोषणा करूलो कि उन म्यारा छन।

प्रकाशितवाक्य 5:12

उन जोर-जोर की आवाज ले गाँ छ्या, “धन्य छै उ मेम्‍ना जैस मार दीई ग्यो, उ महिमा का योग्य छै। उको अधिकार महान छै। उको ज्ञान गैरो छै। उ भौत शक्तिशाली छै और उ भौत धनवान छै। आ हम उको आदर और स्तुति करा।”

प्रकाशितवाक्य 5:13

फिर मैंले स्वर्ग में, और धरती में, और धरतीका तलि, और समुद्र की सब बनाईना की चीजून, और सब कुछ जो उनूनमें छै, यो कुन सुणछ्य, “आ हम उकी महिमा करा जो सिंहासन में बैठिना को छै। आ हम मेम्ना की महिमा करा। आ हम हमेशा खिन उको आदर करा और ऊस सम्मान दी, किलैकी उ सबून है ज्यादा शक्तिशाली छै।”

प्रकाशितवाक्य 6:1

फिर मैंले देखछ्य कि मेम्‍ना ले उन सात मुहरून में भटे एक स खोलछ्य; और मैंले चार ज्यून प्राणिन में भटे एक स ध्यदूनै सुणछै। उकी आवाज गर्जन की नियाती तेज छी। उले क्योछ,“अब जा, अघिल बढ़।”