प्रकाशितवाक्य 13:7 - सोरियाली नय्या नियम

⁷ ऊस यो ले अधिकार दीई ग्योछ कि उ परमेश्वरा का लोगून का दगाड़ लड़ौ, और उनून हारा सको, और ऊस हरेक कुल और लोग, भाषान और जातिन में अधिकार दी ग्योछ।

प्रकाशितवाक्य 13:7 Iomraidhean Croise

लूका 4:6

और शैतान ले यीशुथैं क्योछ, मैं यो संसारो को पुरो राजपाठ तैंस द्यूलो, क्याखिनकि यो सब म्यारा अधिकार में छै, और जैस मैं चाँ ऊस दी सकछूँ।

यहूना 19:11

यीशु ले जवाब दीछ, अगर तैंस परमेश्वरा का तरफ भटे नी दिईजानो, त तेरो मैंमें के अधिकार नै हुनो; येक कारण जेलै मैंस त्यार हवाला करछ्य, उको पाप ज्यादा छै।

प्रकाशितवाक्य 10:11

तब मैंथै यो कईग्यो, “तैंस अलग-अलग समूह और देशा का लोगून, अलग-अलग भाषा बोलून वाला लोगून और राजान एक बार फिर है बतून होलो, जो परमेश्वर तैंस बतून खिन कुंछो।”

प्रकाशितवाक्य 11:18

उन लोग जो तैमें विश्वास नै करना भौत गुस्सा में छन। किलैकी अब उ बखत आग्योछ कि तेरो गुस्सा गैर-यहूदीन में अ, और उ बखत ले आग्योछ कि तै मरिना का लोगून को न्याय करो, अब उ बखत ले छै जब उन परमेश्वरो को संदेश दिनवाला लोगून ईनाम द्योलो, जो तेरि सेवा करनान और उन सब लोगून जो तेरो सम्मान करनान। जब कि उई बखत तै उनून नाश कर देले जिनूनले धरती में बिनाश करछ्य।

प्रकाशितवाक्य 11:7

जब उन द्वीवै गवा परमेश्वरो को संदेशो को प्रचार कर चूकाला, त उ जानवर, जो गैरा गड्डा में भटे निकलोल, उ उन द्वीवैन का दगाड़ लड़ोलो, उनून हरालो और मार डालोलो।

प्रकाशितवाक्य 12:17

तब अजगर उ स्यैनि खिन गुस्सा भ्योछ, येक कारण उले स्यैनि का सन्तानून का बिरोध में लड़ाई घोषणा करछ्य। मतलब उन लोगून का खिलाफ जो परमेश्वरा का हुकमून मान्नान और यीशु का द्वारा सिखाईना का बातुन में मजबूतीले बनिना का रूनान।

प्रकाशितवाक्य 17:15

फिर स्वर्गदूत ले मैंथैं यो ले क्योछ, “जो पानि तैले पैलि देख्यान, जैमें उ ठूली वेश्या बैठिना की छी, उन पुर जाति का लोगून, और देशून और भाषान देखूनान।”

प्रकाशितवाक्य 5:9

उन यो गीत मेम्ना मतलब यीशु मसीह का बारिमें गान मरेछ्या, “यो किताब की मोहर तोड़ून और यैस खोलना को अधिकार त्यारा पास छै। किलैकी तैंस मार डाली ग्योछ और तैंले अपून खून ले हर गोत्र, भाषा, लोग और राज्य है परमेश्वर खिन लोगून मोल लीछ।”