प्रकाशितवाक्य 13:6 - सोरियाली नय्या नियम

⁶ जानवर ले परमेश्वरै की निन्दा करून शुरू कर दीछ, उक नामाका बिरोध में और स्वर्ग का बिरोध में बोलछो जाँ परमेश्वर रूछो, और उन सबून का बिरोध में जो स्वर्ग में रूनान।

प्रकाशितवाक्य 13:6 Iomraidhean Croise

मत्ती 12:34

तुम जहरीला स्यापा का ननतिना का नियाति छा, तुम बुर हो भेरन कसीकैं भलि बात कै सकछा? क्याखिनकि जो तुमार मन में भरिना को छै, उई तुमार मुँख भटे उछो।

मत्ती 15:19

क्याखिनकि मन भटे बुर-बुर बिचार, ब्यभिचार, चोरी, हत्या, परस्त्रीगमन, झूठ्ठी गैवे, और निन्दा जस विचार मन भटे निकलानान।

यहूना 1:14

और बचन एक आदिमी बनछै; और अनुग्रह ले और सच्चाई भरिभेरन हमार बीच में डेरा करछ्य, और हमूले उकी इसी महिमा देखछ्य, जसीकैं पिता परमेश्वरा का तरफ भटे आईना का एकलौता च्याला की महिमा।

रोमियून 3:13

उनोरो मुँख खुलीना की कबर की जसी छै, जैमें भटे वास उछी और उनेरि बातचीत गंदा छन। और उनोरो जिबोड़ो झूठ ले भरिना को छै। उनार बात स्यापाक जहरा का नियाती छन।

कुलुस्सियून 1:19

क्याखिनकि पिता परमेश्वर की खुशी येमें छै कि परमेश्वरो को पुर स्वभाव मसीह में हो।

कुलुस्सियून 2:9

येक कारण इन लोगून भटे ध्वाका जन खा, क्याखिनकि जब मसीह आदिमी बनछ्य तब ले उ पूर्ण रूप ले परमेश्वर छ्यो।

इब्रानियों 9:2

यो तम्बू जानवरून का खाल ले बनिना को छ्यो। उ तम्बू का बीच में, उनूनले एक परदा लटका दीछ और उक द्वी कमरा बनायान। पैला कमरा में एक धूपदान छ्यो और एक मेज छी जैमें परमेश्वरे स भेंट में चढ़ाई जानवाला रोटा राखि जाछ्या। यो कमरा स पवित्र जाग कई जाछ्यो।

इब्रानियों 9:24

उक कारण, मसीह उ पवित्र जाग में नै ग्यो जैस लोगून ले बनाछ, जो कि परम पवित्र जाग की सिर्फ एक छवि छै। लेकिन उ स्वर्ग में ग्योछ जैले उ हमार फैदा खिन परमेश्वरा का सामुनि हाजिर हो सको।

प्रकाशितवाक्य 11:12

येक बाद उन द्वीवै लोगून ले स्वर्ग भटे एक बोलून सुणछ्य, जैले उनून जोरले धध्याभेरन क्योछ, “याँ मलि आ!” जब उनार दुशमन देखून मरैछ्या, तब उन बादलून में चढ़भेरन स्वर्ग में न्हैग्या।

प्रकाशितवाक्य 12:12

येक कारण तुम सबून खुश हुन चैछो जो याँ स्वर्ग में रूनान। लेकिन तुम जो धरती में छा और जो समुद्र में छा, तरस खायी जान चैछो किलैकी शैतान तुमार पास तलि आग्योछ, और उ भौत गुस्सा में छै क्याखिनकि उ जाणछो कि उको पास काम करून खिन ज्यादा बखत नाहातिन।

प्रकाशितवाक्य 15:5

येका बाद जब इन लोगून ले गीत गान बन्द कर दीछ, तब मैंले देखछ्य कि स्वर्ग में मन्दिर खुलीना को छ्यो। जो मिलाप वाला तम्बू जसो छै।

प्रकाशितवाक्य 18:20

“तुम जो स्वर्ग में रूछा, और हे परमेश्वरा का लोगो, और प्रेरितो, और परमेश्वरो को संदेश दिनवाला लोगून यो बारिमें भौत खुशी मना, किलैकी परमेश्वर उ शैहर में अपूनो न्याय भेजिना को छै, उ बुराईक कारण जो उले तुमार दगाड़ करिना की छै।”

प्रकाशितवाक्य 21:3

फिर मैंले एक आवाज सुणछ्य जो परमेश्वरा का सिंहासन भटे जोरले बोलछ्य, “देख, अब परमेश्वरा का लोगून का बीच में अपूनो घर बनूलो। उन उनार दगाड़ रौल, और उन उनार लोग होला, परमेश्वर खुद, उनून अपून लोगूनका रूप में स्वीकार करोलो और उ उनार दगाड़ रोलो, और उन ले ऊस अपून परमेश्वरा का रूप में स्वीकार कराला।

प्रकाशितवाक्य 4:1

म्यारा इन सब बातुन का देखना का बाद, मैंले स्वर्ग में एक द्वार खुलीना को देखछ्य, और फिर मैंले उई पैलि वाली आवाज सुणछ्य जो कि एक तुरी की आवाज जसी छी। उले मैंथैं क्योछ, “म्यारा पास याँ मलि अ, और मैं उन बातुन तैंस देखूलो, जिनोरो इन बातुन का बाद पुर हुनो जरूरी छै।”

प्रकाशितवाक्य 4:4

उ सिंहासन का चारू तरफ चौबीस और सिंहासन छन। और इन सिंहासनून में चौबीस प्राचीन सफैद कपाड़ा पैन भेरन बैठिना का छन, और उनार ख्वारान में सुनाक मुकुट छन।

प्रकाशितवाक्य 5:13

फिर मैंले स्वर्ग में, और धरती में, और धरतीका तलि, और समुद्र की सब बनाईना की चीजून, और सब कुछ जो उनूनमें छै, यो कुन सुणछ्य, “आ हम उकी महिमा करा जो सिंहासन में बैठिना को छै। आ हम मेम्ना की महिमा करा। आ हम हमेशा खिन उको आदर करा और ऊस सम्मान दी, किलैकी उ सबून है ज्यादा शक्तिशाली छै।”

प्रकाशितवाक्य 7:15

येक कारण उन परमेश्वरा का सिंहासना का सामुनि ठाड़ छन और उन हर बखत दिन और रात परमेश्वरा का घर में उकी सेवा करनान। उ जो सिंहासन में बैठिना को छै, उनार बीच रोलो और उनेरि देखभाल करोलो।

प्रकाशितवाक्य 7:9

येका बाद मैंले देखछ्य कि लोगून की एक इतुक ठूली भीड़ छी कि कोई ले उनून नी गिन सकछ्यो। उन संसारै की हर जाति भटे, हर कुल में भटे, हर राज्य में भटे और भाषा का लोग छ्या। उन सिंहासन और मेम्‍ना का सामुनि ठाड़ छ्या। उनूनले सफेद कपाड़ा पैनिना का छ्या और हरेक आदिमी ले अपून-अपून हात में खजूरा हांगा पकड़िनाक छ्या जो कि एक उनार सम्मान को चिन छ्यो।