प्रकाशितवाक्य 13:3 - सोरियाली नय्या नियम

³ उक ख्वारान में भटे एक ख्वारा में एक भौत ठूलो घ देखछ्य जो उक मौत को कारण बन सकछ्यो, लेकिन उको उ घ ठीक होग्यो, येक कारण संसारा का सब लोग ताजुब हो जाछो और उन उ जानवर पछिल-पछिल हिटून लागनान।

प्रकाशितवाक्य 13:3 Iomraidhean Croise

लूका 2:1

यो उन दिनून की घटना छै, जब रोमी महाराजा औगुस्तुस कैसर ले यो हुकुम दीछ, कि सारे रोमी सम्राज्य का लोगून की गिनती करभेरन उनार नाम लिखी जून।

यहूना 12:19

तब फरीसी लोगून ले आपस में क्योछ, “देखा, हम के नै कर पान मरिया; देखा, संसार में हर कोई उक पछिल हो जाछो।”

प्रेरितून का काम 8:13

और शमौन ले फिलिप्पुसाक उपदेश में विश्वास करछ्य और बपतिस्मा लीछ। और फिलिप्पुसाक दगाड़ संगति करून लागछ्य। उन सब चमत्काराक भौत ठूला-ठूला सामर्थ का काम देखभेरन चकित हो जाछ्यो।

प्रकाशितवाक्य 13:12

यो दुसोरो जानवर उ पैला जानवरो को सब अधिकार इस्तमाल करछो, दुसोरो जानवर संसार और येमें रूनवालान थैं उ पैला जानवरै की पूजा करूछो, जैको मरन वालो घ ठीक होग्यो छ्यो।

प्रकाशितवाक्य 13:14

भौत लोग उ दुसारा जानवरक चमत्कारा का कामून देखभेरन ध्वाका खा ग्या जो पैला जानवरै की शक्ति ले देखूछ्यो। दुसारा जानवरक द्वारा लोगून थैं कयी ग्यो उन उ पैला जानवरै की पूजा करून खिन एक मूर्ति बना, जो तलवारै घायल करि गेछ्यो, लेकिन उ फिर चंगो हो गेछ्यो।

प्रकाशितवाक्य 17:10

उनूनमें पाँच त पैलि मर चुक ग्यान, और उनूनमें भटे एक ऐल ले छै, आखरी वालो एल तक नै आर्यो। लेकिन जब आलो, त उ सिर्फ थ्वाड़ा बखत खिन राज्य करोलो।

प्रकाशितवाक्य 17:11

उ जानवर जो भौत बखत पैलि रूछ्यो, और अब यो बखत नाहातिन, उ आठवाँ राजा छै। लेकिन उ आठवाँ राजा पैलि सात राजान में भटे एक छै, और अन्त में राजा स जरूर हमेशा की दण्ड दीई जालो।

प्रकाशितवाक्य 17:13

इन सबै दस राजान को एक्कै मक्शद छै, और उन अपूनी-अपूनी शक्ति और अधिकार उ जानवर स दी द्याला।

प्रकाशितवाक्य 17:17

उ स्यैनि स जैस तैले देखछ्य, उ यो ठूलो शैहर छै जो संसारा में सबै राजान में राज्य करछो। यो चीज उक दगाड़ भ्यान, किलैकी परमेश्वर ले अपून मक्शद स पुरो करून खिन उनार मन में यो बात डालछ्य। योई कारण छै कि उनूनले अपूनो अधिकार जानवर स दी दीछ कि उ राज्य करो, जब तक कि उ सब पुरो नै हो ज्यो जो परमेश्वरेले कयीना को छ्यो।

प्रकाशितवाक्य 17:6

और मैंले देखछै कि उ स्यैनि परमेश्वरा का पवित्र लोगून को खून और जो लोग यीशु का गवा छ्या उनोरो खून पीनाले नशा में छी जिनून लोगून ले मार डालछ्य किलैकी उन यीशुका प्रति विश्वासयोग्य छ्या। मैं ऊस देखभेरन हैरान हो गयुं।

प्रकाशितवाक्य 17:8

जो जानवर स तैले एल देखछ्य, एक बखत ज्यून छ्यो, लेकिन अब ज्यून नाहातिन; उ गैरा गड्डा भटे भ्यार उनवालो छै और परमेश्वर ऊस पुर तरीका ले नाश कर द्योलो; और संसारा का लोग जिनारा नाम संसार बनून है पैलि जीवनै की किताब में नै लिख रै, उन सब हैरान हो जाला जब उन यो जानवरै स देखाला। जो एक बखत ज्यून छ्यो; अब उ ज्यून नाहातिन; लेकिन उ फिर वापस आ जालो।