प्रकाशितवाक्य 13:12 - सोरियाली नय्या नियम

¹² यो दुसोरो जानवर उ पैला जानवरो को सब अधिकार इस्तमाल करछो, दुसोरो जानवर संसार और येमें रूनवालान थैं उ पैला जानवरै की पूजा करूछो, जैको मरन वालो घ ठीक होग्यो छ्यो।

प्रकाशितवाक्य 13:12 Iomraidhean Croise

2 थिस्सलुनीकियों 2:4

और उ परमेश्वरो को विरोध करोलो और अन्य सब चीजून को जेकी लोग अराधना करनान और परमेश्वरा का रूप में माननान, और वह दावा करोलो कि उ उन सब है ज्यादा ठूलो छै। याँ तक कि उ दुष्ट परमेश्वरा का मन्दिर में जाभेरन बैठ जालो और अपून आप सबून का सामुनि परमेश्वर हुन को दावा करोलो।

प्रकाशितवाक्य 13:2

जो जानवर मैंले देखछ्य उ चिताको जसो छ्यो; और उक खुटा भालू का जसा और मुँख बाघो जसो छ्यो। और उ अजगर ले ऊस अपूनी ताकत दीछ और धरती में राज्य करना को अधिकार दीई ग्योछ।

प्रकाशितवाक्य 13:8

संसारा का सब लोग उकी पूजा करून लाग्यान। सिर्फ उनी लोगून ले उकी पूजा नै करि जिनारा नाम संसारा बनून है पैलि जीवन की किताब में लिखीना का छ्या। यो जीवन की किताब उ मेम्ना की किताब छै जैस बलिदान का रूप मारिना को छ्यो।

प्रकाशितवाक्य 14:11

आगो को धुआँ जो उनून कष्ट द्योलो हमेशा तक आकाश में उठनै रौलो, और यो लोग जो पैलि जानवर और उकी मूर्ति की पूजा करछ्या, और उ जो उकी नाम की छाप लगूनान, उनून उ तखलीफ ले नै दिन में और नै रात चैन मिलोलो।

प्रकाशितवाक्य 14:9

फिर उक बाद एक और तीसोरो स्वर्गदूत जोर-जोरले यो कुंनै आछ, “जो कोई उ जानवर और उकी मूर्ति की पूजा करा, और अपून कपाल या हातून में उकी छाप लगा ली।”

प्रकाशितवाक्य 16:2

येक कारण पैल स्वर्गदूत ले, जो कुछ ले उ कटोर में छ्यो ऊस धरती में खड़िया दीछ। येको नतीजा यो भ्योछ कि उन लोगून में भयानक और पिड़ान वाला फोड़ा निकल्यान, जिनूनमें पैलि जानवर की छाप लगाईना छी और जिनूनले उकी मूर्ति की पूजा करिना की छी।

प्रकाशितवाक्य 17:8

जो जानवर स तैले एल देखछ्य, एक बखत ज्यून छ्यो, लेकिन अब ज्यून नाहातिन; उ गैरा गड्डा भटे भ्यार उनवालो छै और परमेश्वर ऊस पुर तरीका ले नाश कर द्योलो; और संसारा का लोग जिनारा नाम संसार बनून है पैलि जीवनै की किताब में नै लिख रै, उन सब हैरान हो जाला जब उन यो जानवरै स देखाला। जो एक बखत ज्यून छ्यो; अब उ ज्यून नाहातिन; लेकिन उ फिर वापस आ जालो।

प्रकाशितवाक्य 19:20

उ पैलो जानवर और उक दगाड़ दुसोरो झूठ्ठो जानवर पकड़ी ग्यो, उले पैला जानवर का तरफ भटे चमत्कार दिखाईना छ्या, जैक द्वारा उले ऊस भरमाछ जिनून में उ जानवर कि छाप छी, और जो उकी मूर्ति कि पूजा करछ्या। इन द्वीवैन ज्यूनाई आगा का कुण्ड में डाल दी ग्यान जो गन्धक ले जलछी।

प्रकाशितवाक्य 20:4

उक बाद मैंले सिंहासन देख्यान, और जो लोग उन सिंहासनून में बैठिना का छ्या उनून राज्य करना को अधिकार दीई ग्योछ। मैंले उन लोगून की आत्मान ले देखछ्य, जिनारा ख्वारा काट दी ग्यान किलैकी उनूनले यो क्योछ कि यीशु उनोरो प्रभु छै, और उन परमेश्वरा का वचन में विश्वास करछ्या। उन लोगून ले जानवर या उकी मूर्ति पूजा नै करि, उनूनले अपून कपाल या हातून में उ जानवरै की छाप ले नै लागायी। इन लोग फिर ज्यून हो ग्या और एक हजार साल तक मसीह का दगाड़ मिलभेरन राज्य करछ्य।