प्रकाशितवाक्य 13:1 - सोरियाली नय्या नियम

¹ तब मैंले एक जानवर स समुद्र में भटे निकलून देखछय, जैका दस सींग और सात ख्वारा छ्या। उक सींगून में दस राजमुकुट और उक हरेक ख्वारान में परमेश्वरे की बुराई का नाम लिखीना को छ्यो।

प्रकाशितवाक्य 13:1 Iomraidhean Croise

प्रकाशितवाक्य 11:7

जब उन द्वीवै गवा परमेश्वरो को संदेशो को प्रचार कर चूकाला, त उ जानवर, जो गैरा गड्डा में भटे निकलोल, उ उन द्वीवैन का दगाड़ लड़ोलो, उनून हरालो और मार डालोलो।

प्रकाशितवाक्य 12:3

एक आजि चिन आकाश में दिखाई दीछ; एक लाल रंगोको ठूलो अजगर छ्यो, उक सात ख्वारा छ्या और दस सींग छ्या, और उक सातू ख्वारान में सात मुकुट छ्या।

प्रकाशितवाक्य 13:11

फिर मैंले एक और जानवर स धरती में भटे निकलून देखछ्य, येका द्वी सींग छ्या जसा भेड़ा का हुनान। लेकिन जब उ बोलछ्य त उकी आवाज अजगर जसी छ्यी।

प्रकाशितवाक्य 13:14

भौत लोग उ दुसारा जानवरक चमत्कारा का कामून देखभेरन ध्वाका खा ग्या जो पैला जानवरै की शक्ति ले देखूछ्यो। दुसारा जानवरक द्वारा लोगून थैं कयी ग्यो उन उ पैला जानवरै की पूजा करून खिन एक मूर्ति बना, जो तलवारै घायल करि गेछ्यो, लेकिन उ फिर चंगो हो गेछ्यो।

प्रकाशितवाक्य 13:15

दुसारा जानवरै स पैला जानवरै की मूर्ति बनाभेरन ऊस ज्यूनो करना को हुकुम दीछ, ताकि पैला जानवरै की मूर्ति बोल सको और उन लोगून मरवा डालोलो जो उ जानवरै की मूर्ति पूजा नै करना।

प्रकाशितवाक्य 15:2

तब मैंले कुछ देखछ्य जो समुद्रो जसो देखीछ्यो जो काँच का नियाती चमकून मरैछ्यो और उमें आगो ले मिलीना को छ्यो मैंले उन लोगून ले देखछ्य जो जानवर भटे हारिना का नी छ्या। उनूनले पैल जानवर और उकी मूर्ति की पूजा नी करिना की छी, और उनूनमें जानवर को नामोको अंको चिन नी लगाई ग्योछ्यो। वाँ उन उ समुद्रा का किनार में ठाड़ छ्या और उन सब एक वीणा पकड़िनाक छ्या जो परमेश्वरै ले उनून दीईना की छी।

प्रकाशितवाक्य 16:13

येक बाद मैंले फिर तीन भूतून देखछ्य जो भेकुनो जसो देखीछ्या। एक भूत अजगरा का मुँख भटे भ्यार आछ, दुसोरो भूत पैला जानवरक मुँख भटे, और तीसोरो भूत दुसारा जानवरक मुँख भटे भ्यार आछ, मतलब उ जैले झूठ्ठो संदेश दीईना को छ्यो।

प्रकाशितवाक्य 17:16

उ बखत आलो जब जंगली जानवर उन दस राजान का दगाड़ जो उक दगाड़ छन, उ वेश्या भटे नफरत कराला जो उमें बैठिना की छै। उन उमें हमला कराला, ऊस नंगो कराला, और उको माँसो को हिस्सा खा जाला, और बाकि स आग में जला द्याला।

प्रकाशितवाक्य 17:3

तब पवित्र आत्मा की मद्दत ले, स्वर्गदूत मैंस बिरान जागा खिन ली ग्योछ, मैंले वाँ एक स्यैनि स देखछै जो लाल रंगा का जानवर में बैठिनाको छी। उक सात ख्वारा और दस सींग छ्या। उको आंग उन नामेंले ढ़किनाक छ्या जो परमेश्वरो को अपमान करनान।

प्रकाशितवाक्य 17:5

उक कपाल में एक नाम लिखीनाको छ्यो जो गुप्त छ्यो। उमें यो लिखीना को छ्यो, “महान देश बेबीलोन वेश्यान की और संसारे की सब बुरी चीजून की ईजा छूँ।”

प्रकाशितवाक्य 19:19

फिर मैंले उ जानवर स देखछ्य जो समुद्र भटे भ्यार आईना को छ्यो, और संसारा का राजान और उनेरि सेनान ले देखछ्य, उन घोड़ान में बैठीनाका और उकी सेना का बिरोध में लड़ून खिन एक दगाड़ आईना का छ्या।