प्रकाशितवाक्य 11:7 - सोरियाली नय्या नियम

⁷ जब उन द्वीवै गवा परमेश्वरो को संदेशो को प्रचार कर चूकाला, त उ जानवर, जो गैरा गड्डा में भटे निकलोल, उ उन द्वीवैन का दगाड़ लड़ोलो, उनून हरालो और मार डालोलो।

प्रकाशितवाक्य 11:7 Iomraidhean Croise

लूका 13:32

उले उनूनथैं क्योछ जाभेरन उ लोमड़ीथैं कै दी, कि देख मैं आज और भोल भूतून निकाल छूँ और बिमारून स चंगो करछूँ और तीसारा दिन पुरो करोलो।

लूका 8:31

और उन भूतून ले यीशु थैं बिनती करछ्य, कि हमून गैरा गड्डा में जाना को हुकुम जन दे।

यहूना 17:4

जो काम तैले मैंस करून खिन दीईना को छ्यो, ऊस पुरो करभेरन मैंले धरती में तेरि महिमा कर रैछ।

यहूना 19:30

जब यीशु ले उ सिरका चाँख छै, त क्योछ, “ अब सब कुछ पुरो हो ग्योछ,” और खोरो झुकाभेरन उले प्राण छोड़ दीयान।

प्रेरितून का काम 20:24

पर मेरि नजर में मेरि जीन्दगी की के कीमत नाहातिन, मैं बश यो काम पुर करून चाँछू जो प्रभु यीशु ले मैंस सौंप रैछ, कि जो मैंले अनुग्रह का सुसमाचार में गवाही दीन खिन प्रभु भटे मैंस मिल रैछ।

2 तीमुथियुस 4:7

जसीकैं एक निको सिपाई लड़ाई में लगातार लड़ाई लड़नै रूछो, उसीकैं मैंले उ काम पुरो करछ्य जो मसीह यीशु ले मैंस करून खिन दी रैछ्यो। और मसीह में म्योरो विश्वास हमेशा मजबूत रियोछ।

प्रकाशितवाक्य 11:3

“और उ बखत मैं अपून द्वी गवान यो अधिकार द्यूलो कि उन एक हजार द्वी सौ साठ दिनून तक टाट ओढ़ी भेरन भविष्यवाणी करनै रून।”

प्रकाशितवाक्य 12:17

तब अजगर उ स्यैनि खिन गुस्सा भ्योछ, येक कारण उले स्यैनि का सन्तानून का बिरोध में लड़ाई घोषणा करछ्य। मतलब उन लोगून का खिलाफ जो परमेश्वरा का हुकमून मान्नान और यीशु का द्वारा सिखाईना का बातुन में मजबूतीले बनिना का रूनान।

प्रकाशितवाक्य 13:11

फिर मैंले एक और जानवर स धरती में भटे निकलून देखछ्य, येका द्वी सींग छ्या जसा भेड़ा का हुनान। लेकिन जब उ बोलछ्य त उकी आवाज अजगर जसी छ्यी।

प्रकाशितवाक्य 13:7

ऊस यो ले अधिकार दीई ग्योछ कि उ परमेश्वरा का लोगून का दगाड़ लड़ौ, और उनून हारा सको, और ऊस हरेक कुल और लोग, भाषान और जातिन में अधिकार दी ग्योछ।