प्रकाशितवाक्य 11:4 - सोरियाली नय्या नियम

⁴ इन द्वीवै जैतून का द्वी रूख और द्वी दीपदान छन, जो संसारा का प्रभु का सामुनि ठाड़ छन।

प्रकाशितवाक्य 11:4 Iomraidhean Croise

लूका 11:33

कोई ले आदिमी दीया जलाभेरन लुका भेरन या भांणाका तलि नै राखनो, लेकिन दीया जलाभेरन ऊँचा जाग में राखनान कि घर भितर उनवालान उज्यालो मिलो।

लूका 21:36

येक कारण जागनै रौ और हर बखत प्रार्थना करनै रौ कि तुम इन सब ऊँन वाला संकटून है बचिना का रौ, और मैं आदिमी का च्याला का सामुनि ठाड़ हुना का योग्य बना।”

रोमियून 11:17

इस्राएली देशाक लोग फलवन्त जैतूना का रूखा का हांगाका नियाती छन, और हमार पुरखा अब्राहम, इसहाक और याकूब उ रूखा का जड़ा का नियाती छै, और गैर-यहूदी लोग जंगली जैतूना का रूखा का हांगा नियाती छन, जिनून जंगली जैतून का रूख भटे काटिभेरन, फलवन्त जैतूना रूख में कलम लगाई ग्यान, तुम यहूदीन में उई तरीका ले फैद प्राप्त करनान, जसकै अब उन जंगली हांगान फलवन्त जैतून की जड़ भटे खुराक मिलछी।

प्रकाशितवाक्य 1:20

अब मैं बतुलो कि म्यारा दैन हात में सात तारान को कि मतलब छै और उ सात सूना का दीपदान सात को कि मतलब छै जो कि पैलि मालूम नी छ्यो। येको मतलब यो छै सात तारान उन स्वर्गदूतून दिखूछो जो विश्वासीन की मण्डली की रखवाली करछी, और उ सात सूना का दीपदान सात विश्वासीन की मण्डली देखूछी।