प्रकाशितवाक्य 10:5 - सोरियाली नय्या नियम

⁵ जो स्वर्गदूत स मैंले देखछ्य, जो समुन्द्र और धरती में ठाड़ छ्यो, उले अपूनो दैन हात स्वर्गा का तरफ कसम खान खिन उठाछ,

प्रकाशितवाक्य 10:5 Iomraidhean Croise

प्रेरितून का काम 14:15

“हे लोगों, तुम कि करूनमरैछा? हम ले त तुमार समान आदिमी छा, और तुमून सुसमाचार सुणूनू, की तुम इन बेकारै की चीजून भटे दूर होभेरन ज्यून परमेश्वर की तरफ आ। उले स्वर्ग और धरती और समुन्द्र और जो ले उमें छै सब कुछ बनाछ।

प्रेरितून का काम 17:23

क्याखिनकि मैं घुमनै-फिरनै तुमेरि पूजा करून वाली चीजून देखूनर्मयू छ्यूँ, तब मैंस एक वेदी मिलछ्य, जैमे लिखीना को छ्यो, “अनजान ईश्वर खिन।” येक कारण जैस तुम बिना जाणै पुजछा, मैं तुमून उ परमेश्वरा का बारिमें बतूछूँ।

रोमियून 1:20

परमेश्वर की अनन्त सामर्थ और उनार गुणून नै देखी जा सकना, लेकिन इन बातुन परमेश्वरले संसाराक शुरू भटे, अपूनी बनाईनाक सब चीजून का द्वारा बताईना को छै। येक कारण उन लोगून का पास कोई बाहाना नाहातिन की उन परमेश्वर स नै जाणना।

इब्रानियों 6:13

परमेश्वरेले जब अब्राहम थैं वादा करछ्य, त उहै ठूलो कोई और नी छ्यो, जैकी कसम खा सकछ्या, येक कारण उले अपूनी कसम खाभेरन क्योछ,

प्रकाशितवाक्य 1:18

मैं एक बार मर गैछ्यू। लेकिन अब मैं ज्यूनो छूँ और मैं हमेशा ज्यूनो रूलो। म्यारा पास उ चाँबी छन जो मैंस उ जाग स खोलना की ताकत दीछी जाँ मरिनाका लोग छन और उनून दुबारा है ज्यूना करना की ताकत छै।

प्रकाशितवाक्य 10:2

उको दैंन खुटो समुन्दर में राखिना को छ्यो, और उको बौं खुटो धरती में राखिना को छ्यो। उक हात में एक नानि किताब छी जो खुलीना की छी।

प्रकाशितवाक्य 14:7

उ जोर-जोरले कुंन मरैछ्यो, “परमेश्वर है डरा, और उकी महिमा करा, क्याखिनकि उको लोगून को न्याय करना को बखत आग्योछ। उकी अराधना करा, किलैकी उई छै जेलै स्वर्ग, और धरती और समुद्र और पानि का सोत बनायान।”

प्रकाशितवाक्य 16:17

सतूँ स्वर्गदूत ले, जो ले उ कटोर में छ्यो ऊस हवा में खड़िया दीछ। और मैंले, स्वर्ग का मन्दिर का भितर भटे परमेश्वरा का सिंहासन में भटे कैसे जोरले यो कुंन सुणछ्य, “पुरो हो ग्यो!”

प्रकाशितवाक्य 4:11

“हे हमार प्रभु परमेश्वर, तैले सब चीजून बनाईना को छै। तेरि इच्छा का अनुसार, उन बनाई ग्यान और उन अस्तित्व में छन। योई कारण तैं महिमा और आदर और सामर्थ का योग्य छै।”

प्रकाशितवाक्य 4:9

जो सिंहासन में बैठिना को छै, उई छै जो हमेशा-हमेशा खिन ज्यूना छै। उ ज्यूनो प्राणी ऊस महिमा और आदर और धन्यवाद दीनान। त चौबीस प्राचीन उनार सामुनि खिती जानान और उकी अराधना करनान। उन यो कैभेरन अपूनो-अपूनी मुकुट खोलभेरन सिंहासन का सामुनि डाल दीनान,