प्रकाशितवाक्य 10:11 - सोरियाली नय्या नियम

¹¹ तब मैंथै यो कईग्यो, “तैंस अलग-अलग समूह और देशा का लोगून, अलग-अलग भाषा बोलून वाला लोगून और राजान एक बार फिर है बतून होलो, जो परमेश्वर तैंस बतून खिन कुंछो।”

प्रकाशितवाक्य 10:11 Iomraidhean Croise

प्रकाशितवाक्य 10:10

मैंले उ नानि किताब ली लीछ जो स्वर्गदूत ले पकड़िना की छी और ऊस खा लीछ, और सच्ची में उको स्वाद मौ जसो मिठो छ्यो, लेकिन जब मैंले ऊस निगलछ्य, त मेरो पेट कड़वाट ले दुखून लागछै।

प्रकाशितवाक्य 11:1

फिर मैंस नापूनखिन एक डंडा दीई ग्यो, और परमेश्वरेले क्योछ, “उठ और जा, म्यारा मन्दिरा का वेदी स नाप, और उन लोगून की गिनती कर जो मन्दिर में अराधना करून मर्यान।”

प्रकाशितवाक्य 11:9

और सब कुल, और भाषा, और जातिन का सब लोग उन द्वी गवान की लाशून साढ़े तीन दिनून तक देखनै रौला, और उ कैसे ले उनेरि लाशून दफनूना को हुकुम नी दीन।

प्रकाशितवाक्य 14:6

फिर मैंले एक स्वर्गदूत स आकाश का बीच में उड़ून देखछ्य, उ स्वर्गदूता का पास उ सुसमाचार छ्यो जो कभै नै बदलनो, उ संसार में रूनवालान लोगून खिन, हरेक जाति, और हरेक कुल, और सब भाषान में येकी घोषणा करछ्य।

प्रकाशितवाक्य 17:10

उनूनमें पाँच त पैलि मर चुक ग्यान, और उनूनमें भटे एक ऐल ले छै, आखरी वालो एल तक नै आर्यो। लेकिन जब आलो, त उ सिर्फ थ्वाड़ा बखत खिन राज्य करोलो।

प्रकाशितवाक्य 17:12

उ दस सींग जो तैंले देखीना का छ्या, उन दस राजा देखूनान जिनूनले ऐल तक राज्य शुरू नै कर रैछ। उन दस राजान उ जानवर का दगाड़ राज्य करना अधिकार पाला, लेकिन उको राज्य थ्वाड़ा बखत खिन होलो।

प्रकाशितवाक्य 17:15

फिर स्वर्गदूत ले मैंथैं यो ले क्योछ, “जो पानि तैले पैलि देख्यान, जैमें उ ठूली वेश्या बैठिना की छी, उन पुर जाति का लोगून, और देशून और भाषान देखूनान।”

प्रकाशितवाक्य 5:9

उन यो गीत मेम्ना मतलब यीशु मसीह का बारिमें गान मरेछ्या, “यो किताब की मोहर तोड़ून और यैस खोलना को अधिकार त्यारा पास छै। किलैकी तैंस मार डाली ग्योछ और तैंले अपून खून ले हर गोत्र, भाषा, लोग और राज्य है परमेश्वर खिन लोगून मोल लीछ।”