प्रकाशितवाक्य 1:8 - सोरियाली नय्या नियम

⁸ प्रभु परमेश्वर कुंछो, “मैं अल्फा और ओमेगा छूँ, जैको मतलब छै पैलो और आखरी। मैं उई परमेश्वर छूँ जो छै, जो हमेशा भटे छयो, और जो ऊँनवाला छै, और सर्वशक्तिमान छै।”

प्रकाशितवाक्य 1:8 Iomraidhean Croise

2 कुरिन्थियून 6:18

और मैं तुमोरो पिता हूँलो, और तुम म्यारा च्याला और चेलि होला; यो सर्वशक्तिमान प्रभु परमेश्वरो को बचन छै।”

प्रकाशितवाक्य 1:11

उले मैंथैं क्योछ, “जो कुछ तै देखछै, ऊस किताब में लिखभेरन येस उन सातों विश्वासीन की मण्डली स भेज जो इन शैहरून में छन; मतलब इफिसुस, स्मुरना, पिरगमुन, थुआतीरा, सरदीस, फिलदिलफिया और लौदीकिया स।”

प्रकाशितवाक्य 1:17

जब मैंले ऊस देखछ्य त मैं तुरन्त उक खुटान में खिती पड़ियू। मैं एक मरिनाका आदिमी को जसो होग्यू लेकिन उले मैंमें अपूनो दैन हात राखभेरन यो क्योछ, जन डर; मैं आदि और अन्त छूँ, मैं उ छूँ जो हमेशा ज्यूनो छूँ।

प्रकाशितवाक्य 1:4

मैं, यहूना, यो चिठ्ठी उन सातों विश्वासीन की मण्डलीन खिन लिखून मरैयू जो आसिया प्रदेश में छन। मैं प्रार्थना करछूँ कि तुमून परमेश्वरै की तरफ भटे अनुग्रह और शान्ति मिलो, और उ उई परमेश्वर छै जो छै जो हमेशा छ्यो और जो ऊँनवालो छै। और उन सात आत्मान का तरफ भटे, जो परमेश्वरा का सिंहासन का सामुनि छन।

प्रकाशितवाक्य 11:17

यो कुंन लाग्यान, “हे सर्वशक्तिमान प्रभु परमेश्वर, उ परमेश्वर छै जो हमेशा छ्यो और जो उनवालो छै, हम तेरो धन्यबाद करनू किलैकी तैले अपूनी महान सामर्थ दिखाईना की छै और तैले संसारा में अपूनो राज्य कर दी हैछ।”

प्रकाशितवाक्य 15:3

उन एक इसो गीत गान मरैछ्या जसो परमेश्वरा का दास मूसा भौत पैलि गाईना को छ्यो। उनूनले यीशु की महिमा करून खिन, जो कि एक मेम्ना को जसो छै, इसा तरीका ले गाछ, “हे सर्वशक्तिमान प्रभु परमेश्वर, जो तैले करिना को छै उ महान और अद्धभुत छन। तै सब देशून को राजा छै, तै जो ले करछै उ सच्चो और धर्मी छै।”

प्रकाशितवाक्य 16:14

इन भूतून का पास चमत्कार करना की शक्ति छी और उनूनले जाभेरन उन लोगून जामा करछ्य जो यो संसारा का सारा देशून में राज्य कर छ्या ताकि उन सर्वशक्तिमान प्रभु परमेश्वरा का महान दिन में उक खिलाफ लड़ाई लड़ून खिन जून।

प्रकाशितवाक्य 16:7

मैंले फिर कैसे वेदी भटे यो कुंन सुणछ्य, होई हे सर्वशक्तिमान प्रभु परमेश्वर, यो सच्ची छै कि जसकैं तै लोगून सजा दीछै उ सही और सच्ची छै।

प्रकाशितवाक्य 19:15

जो घोड़ा में बैठिनाको छ्यो उको मुँख भटे एक तेज तलवार निकलछी जैको इस्तमाल उन देशून हरून खिन करोलो, और उ लूवाको राजदण्ड लीभेरन उनूनमें राजा करोलो, और सर्वशक्तिमान परमेश्वरा का भयानक गुस्सा की मदिरा का कुंण्ड में अंगूर स निचोड़ोलो।

प्रकाशितवाक्य 19:6

येक बाद, मैंले यो ले सुणछय जो भौत ज्यादा लोगून को चिल्लान जसो छ्यो। उनोरो चिल्लानो ठूलो झरना का पानि का गर्जन की नियाती छ्यो, और बादल की ठूली गड़गड़ाट की आवाजे की नियाती छी। मैंले उनून यो कुनै सुणछ्य; “हालेलूय्याह! आ हम हमार प्रभु परमेश्वरे की स्तुति करा। क्याखिनकि उक पास हरेक जाग राज्य करना की सामर्थ छै।

प्रकाशितवाक्य 2:8

स्मुरना शैहरा का विश्वासीन की मण्डली का स्वर्गदूत स यो लिख, मैंई उ छूँ जैले सब चीजून शुरू करिना को छै, और मैंई उ छूँ सब चीजून को अंत करूलो। मैं मर गैछ्यू, लेकिन अब मैं ज्यूनो छूँ और हमेशा ज्यूनो रूलो, जो मैं कुछूँ ऊस सुण।

प्रकाशितवाक्य 21:22

मैंले उमें कोई मन्दिर नै देखियो, क्याखिनकि सर्वशक्तिमान परमेश्वर और मेम्ना उ शैहर में छै। येक कारण वाँ मन्दिरे की कोई जरूरत नाहातिन।

प्रकाशितवाक्य 21:6

फिर उले मैंथैं क्योछ, सब बात पुरी हो ग्यान। “मैं अल्फा और ओमेगा, पैलो और अन्त छूँ। जो कोई ले पानि तिस्सो छै, मैं ऊस उ पानि का स्त्रोत भटे फिरीमें पानि पिन खिन द्यूलो जो अनन्त जीवन दीछो।”

प्रकाशितवाक्य 22:13

“मैं अल्फा और ओमेगा छूँ, पैलि और आखिरी छूँ आदि और अन्त मैं छूँ।”

प्रकाशितवाक्य 4:8

और चारू प्राणिन का छः-छः पंख छन, और उनार आंग में चारू तरफ आँखा छ्या, याँ तक कि उनार पंखून का भितर ले आँखा छ्या और उन रात-दिन बिना आराम करिना का यो कुनै रूनान, “पवित्र, पवित्र, पवित्र प्रभु सर्वशक्तिमान परमेश्वर! और उ उई परमेश्वर छै जो हमेशा भटे छयो और ऐल तक जो ऊँनवाला छै।”