प्रकाशितवाक्य 1:16 - सोरियाली नय्या नियम

¹⁶ उ अपून दैना हात में सात तारा लीईना को छ्यो, और उक मुख भटे तेज द्वी धारी तलवार निकलछी। उको मुख छकाला का सूरज की नियाती चमकून मरैछ्यो।

प्रकाशितवाक्य 1:16 Iomraidhean Croise

मत्ती 17:2

वाँ शिष्यून का सामुनि उको रूप बदल ग्यो, और यीशु को मुँख सूरज को जसो चमकून लागछ्य और उक कपाड़ा उज्याला की नियाती चमकून लाग्यान।

प्रेरितून का काम 26:13

त हे राजा, बाँट में छकाल का बखत मैंले सूरज है ले तेज उज्यालो आकाश भटे उन देखछ्य, जो म्यार और म्यार दगड़ियान चारों तरफ चमकून मरेछ्यो।

इफिसियून 6:17

जसीकैं लड़ाई में एक सिपाई अपून ख्वारा स बचुन खिन लूवा की टोप पैन राखछो, उसीकैं परमेश्वर तुमून शैतान भटे बचालो। जसीकैं एक सिपाई खुदो को बचाव करून खिन एक तलवार लीछो, उसीकैं अपून बचाव खिन परमेश्वरो को बचन का उपयोग करा, जो पवित्र आत्मा तुमून दीछो।

इब्रानियों 4:12

किलैकी परमेश्‍वर का बचन जीवित और असरदार छै, और उ द्वी धारी तलवार है ले ज्यादा तेज छै, जो हमार भितर आभेरन हमेरि आत्मा, प्राण, जोड़ून और गुदा-गुदा स भेद दीछो, और यो हमार मनै की इच्छान और बिचारून परखछो।

प्रकाशितवाक्य 1:20

अब मैं बतुलो कि म्यारा दैन हात में सात तारान को कि मतलब छै और उ सात सूना का दीपदान सात को कि मतलब छै जो कि पैलि मालूम नी छ्यो। येको मतलब यो छै सात तारान उन स्वर्गदूतून दिखूछो जो विश्वासीन की मण्डली की रखवाली करछी, और उ सात सूना का दीपदान सात विश्वासीन की मण्डली देखूछी।

प्रकाशितवाक्य 10:1

फिर मैंले एक और ताकतवर स्वर्गदूत स एक बादल ले घेरिना को स्वर्ग भटे उतरून देखछ्य। और एक मेंघधनुष उक ख्वारा का चारू तरफ छ्यो। उक मुँख में सूरज की जसी चमक छी और उक खुटा आगा का खंम्बा का जसा छ्या।

प्रकाशितवाक्य 12:1

जब उ खत्म हो ग्यो, तब आकाश में अद्धभुत चिन दिखाई दीछ, एक स्यैनिमैंसी चाँद में ठाड़ हो भेरन प्रगट भैछ जैले इसा कपाड़ा पैनिना छ्या जो सूर्य का जसा चमक छ्या, उले अपून ख्वारा में एक मुकुट पैनिना को छ्यो जैमें बार तारा छ्या।

प्रकाशितवाक्य 19:15

जो घोड़ा में बैठिनाको छ्यो उको मुँख भटे एक तेज तलवार निकलछी जैको इस्तमाल उन देशून हरून खिन करोलो, और उ लूवाको राजदण्ड लीभेरन उनूनमें राजा करोलो, और सर्वशक्तिमान परमेश्वरा का भयानक गुस्सा की मदिरा का कुंण्ड में अंगूर स निचोड़ोलो।

प्रकाशितवाक्य 19:21

तब सफेद घोड़ा में बैठीनवालो उ सवार ले जंगली जानवर स और उकी पुरी सेना स मार डालछ्य, उले उनून उ तलवार ले काट डालछ्य जो उक मुँख भटे निकलछी। चील मरिनाका लोगून को माँसो खान खिन आग्या जब तक की उनोरो पेट नै भरीग्यो।

प्रकाशितवाक्य 2:1

उले मैंथैं यो ले क्योछ कि, “इफिसुस शैहरा का विश्वासीन की मण्डली का स्वर्गदूत स यो संदेश लिख: मैं उई छूँ जो अपून दैन हात में सात तारा लीभेरन राख छूँ और मैं उई छूँ जो सुना का सात दीपदानू का बीच में चलछूँ। जो मैं कुछूँ ऊस सुण:

प्रकाशितवाक्य 2:12

पिरगमुन शैहर की विश्वासीन की मण्डली का स्वर्गदूत स यो लिख: मैंई छूँ जैका पास तेज दोधारी तलवार छै। मैं जो कुछूँ ऊस सुणा:

प्रकाशितवाक्य 2:16

येक कारण अपून पापून है पश्चाताप करा, अगर तैं इसो नी करलै त मैं जल्दी ही ऊँलो और उन जो गलत शिक्षा दीनान उन लोगून का विरूद्ध उ तलवारै स लड़ूलो, जो म्यारा मुँख भटे निकलछी जो म्यारा वचन छन।

प्रकाशितवाक्य 3:1

सरदीस शैहरा का विश्वासीन की मण्डली का स्वर्गदूत स लिख “मैं उई छू जैका पास परमेश्वरै की सात आत्मा और सात तारा छन, उ यो कुंछो कि मैं जाणछूँ कि तै कि करछै, तै कसी मेहनत करछै और कभै हार नै माननै, तै विश्वासयोग्य त छै, लेकिन सच्ची में तै मेरि बात नै करनै।”