प्रकाशितवाक्य 1:1 - सोरियाली नय्या नियम

¹ यो किताब उन बातुन का बारिमें बतूछी जो परमेश्वरेले यीशु मसीह स दिखाछ। परमेश्वरेले ऊस दिखाछ ताकि उ अपून सेवकून उन घटनानका बारिमें बता सको जो जल्दी होला। यीशु ले अपून स्वर्गदूत स उ संदेशा का दगाड़ म्यारा पास मतलब अपून दास यहूना का पास भेजछ्य।

प्रकाशितवाक्य 1:1 Iomraidhean Croise

यहूना 12:49

क्याखिनकि मैं अपून तरफ भटे कोई ले बात नै करनू, लेकिन पिता परमेश्वर जेलै मैंस भेज रैछ उले मैंस आज्ञा दी रैछ, कि-कि कुँ? और कि-कि बोलू?

यहूना 15:15

ऐल भटे मैं तुमूनथैं सेवक नी कुँलो, क्याखिनकि सेवक नै जाणनो, कि उको मालिक की करछो, लेकिन मैंले तुमूनथैं मित्र कै रैछ, क्याखिनकि जो बात मैंले अपून पिता परमेश्वर थैं सुणियान, उ सब तुमून बता दीयान।

यहूना 17:8

येक कारण जो संदेश तैंले मैंस दीछ, मैंले ऊस उनून दी दीछ, और उनूनले उ संदेश में विश्वास करछ्य और सच्ची-सच्ची जान लीछ, कि मैं तुमार तरफ भटे आरयूँ, और उनूनले यो विश्वास करछ्य कि तैले मैंस भेज रैछ।

यहूना 3:32

जो कुछ उले देखछ, और सुणछ, उक बारिमें कुंछो, लेकिन भौत कम लोगून ले उ संदेश ग्रहण करछ्य।

यहूना 8:26

तुमोरो न्याय करून खिन मैंस भौत कुछ कुन छै, और म्येरो भेजून वालो सच्चो छै; और जो मैंले उथैं भटे सुण रैछ उई संसार का लोगून थैं कुछूँ।”

रोमियून 16:25

अब तुमून म्येरो सुसमाचार जो यीशु मसीह का बारिमें छै, तुमून प्रचार करभेरन विश्वास में मजबूत कर सकछो। किलैकी यो सुसमाचार सदियून भटे लुका भेरन राखिनाको छ्यो।

गलातियों 1:12

क्याखिनकि मैंस यो अपून पूर्वजून भटे नै मिल्यो और कोई मूसा का नियम-कानून सिखून वाला ले मैंस नै सिखायो, बल्कि खुद यीशु मसीह ले ऊस मैंमें प्रकट करछ्य।

इफिसियून 3:3

जैस मैंले यो बारिमें पैलि भटे कुछ शब्द लिखीना का छ्या, कि परमेश्वर ले खुद ऊस गुप्त योजना स मैंस दिखाछ।

तीतुस 1:1

यो चिठ्ठी पौलुसाक तरफ भटे छै। मैं परमेश्वरो को दास और यीशु मसीह को प्रेरित छूँ। मैंस परमेश्वरा का चुनिना का लोगून को विश्वास मजबूत करून और उनेरि मद्दत करून खिन चुन रैछ, ताकि उन उ सच्चाई जाणभेरन इसो जीवन जियून, जैले परमेश्वर स आदर मिलछो।

प्रकाशितवाक्य 1:19

येक कारण जो तैले देखछ्य, उ लिख ले, मतलब उन द्वीवै चीजून जो एल तक होर्यान और जो बाद में होला।

प्रकाशितवाक्य 1:9

मैं, यहूना, जो मसीह में तुमोरो दगड़िया छूँ, तुमार नियाती सताई जाछूँ। मैं परमेश्वर क राज्यो को एक नागरिक छूँ जसकैं तुम छा, और मैंस ले अपूनी परेशानीन उसीकैं धैर्य दगाड़ सहन करूनो चैछो जसकैं तुम करछा। मैं परमेश्वरा का बचन को प्रचार करून और यीशु का बारिमें बतूना का कारण पतमुस टापू में भेज दी गैछ्यू।

प्रकाशितवाक्य 17:1

जिन सात स्वर्गदूत का पास सात कटरा छ्या, उनूनमें भटे एक ले आभेरन मैंथैं यो क्योछ, “याँ अ, मैं तैंस देखूलो कि परमेश्वर कसकैं उ ठूली वेश्या स दण्ड द्योलो, जो एक इसा जाग में बैठिना की छै जो भौत पानि का मलिमें बैठिना की छै।

प्रकाशितवाक्य 19:10

जब मैंले सुणछ्य त मैं उ आदिमी का सामुनि झुक गयुं जो मैंथैं बात करूनमर्यो छ्यो, किलैकी मैं उकी अराधना करून खिन जानमरै छ्यूँ। उले मैंथैं क्योछ, “मेरि अराधना जन कर, मैं केवल परमेश्वरो को एक सेवक छूँ जसो तैं छै और त्यारा भाईन का नियाती जो यीशु का गवाह छन सच्ची शिक्षान में विश्वास करनान और मान्नान। केवल परमेश्वरै छै जैकी तैंस अराधना करून चैंछी। क्याखिनकि परमेश्वर आत्मा छै जो परमेश्वरा का लोगून यीशु का द्वारा बताई ग्यान सत्य की घोषणा करना का योग्य बनूछो।”

प्रकाशितवाक्य 19:9

तब स्वर्गदूतले मैंथैं क्योछ, “यो लिख, कि धन्य उन छन, जो मेम्ना का ब्याका दावत में बुलाई ग्यान।” फिर उले मैंथैं क्योछ, “इन वचन जो परमेश्वरे ले कईना का छन, उन बिलकुल सत्य छन।”

प्रकाशितवाक्य 21:2

येक बाद फिर मैंले पवित्र शैहर स ले देखछ्य, जो कि नय्या यरूशलम शैहर छै, जो स्वर्ग भटे परमेश्वरा का तरफ भटे तलि ऊनमर्योछ। उ शैहर स एक ब्योलक नियाती तैय्यार करि ग्योछ, जैक कपाड़ा पैनाई ग्यान और सजाई-धजाई ग्योछ और जो ब्योलो थैं ब्या करून खिन तैय्यार छै।

प्रकाशितवाक्य 21:9

फिर जिन सात स्वर्गदूतून में भटे एक ले जिनूनले मनुष्य जाति में सात आखरी मुसिबतुनले भरिनाका सात कटोरा खड़ाईनाक छ्या, मैंथैं बात करछ्य, उले क्योछ, याँ अ, मैं तैंस ब्योलि देखूलो जैको जल्दी ही मेम्ना का दगाड़ ब्या हो ज्यालो।

प्रकाशितवाक्य 22:1

तब स्वर्गदूत ले मैंस एक नदी दिखाछ जैमें जीवनो को पानि छ्यो। पानि साफ काँचा का नियाती चमक छ्यो। यो नदी परमेश्वर और मेम्ना का सिंहासन का तलि भटे बगून मरेछी।

प्रकाशितवाक्य 22:16

“मैं, यीशु ले, अपून स्वर्गदूतून तुमार पास इन बातुन की घोषणा करून खिन भेजछै जो परमेश्वरा का लोगूनका समूह में छा। मैं राजा दाऊद को वंशज छूँ; मैंई छूँ, मैंई उ तारा की नियाती छूँ जो रात्तै निकलछो।”

प्रकाशितवाक्य 22:6

फिर स्वर्गदूत ले मैंथैं क्योछ, “जो बात तुमूनले सुणछ्य और देखीना का छन, तैं उनूनमें विश्वास कर सकछै, इन बात सत्य छन और जरूर पुरी होलि। और स्वर्गदूत स उ संदेशा का दगाड़ म्यारा पास येक कारण भेजछै कि अपून दासून उन बातुन का बारिमें बता सकां जिनोरो जल्दी पुरो हुनो जरूरी छै।”

प्रकाशितवाक्य 22:8

मेरो नाम यहूना छै, और मैं उई छूँ जैले इन बातुन सुणछ्य और देखछ्य। त मैं उ स्वर्गदूत की अराधना करून खिन उक खुटान में खिती गयुं।

प्रकाशितवाक्य 22:9

लेकिन उले मैंथैं क्योछ, “देख इसो जन कर; किलैकी मैं तेरो और त्यारा भाई परमेश्वरो को संदेश दिनवाला और यो किताब का बातुन मान्यावालान को दगड़िया दास छूँ परमेश्वरै की अराधना करा।”

प्रकाशितवाक्य 4:1

म्यारा इन सब बातुन का देखना का बाद, मैंले स्वर्ग में एक द्वार खुलीना को देखछ्य, और फिर मैंले उई पैलि वाली आवाज सुणछ्य जो कि एक तुरी की आवाज जसी छी। उले मैंथैं क्योछ, “म्यारा पास याँ मलि अ, और मैं उन बातुन तैंस देखूलो, जिनोरो इन बातुन का बाद पुर हुनो जरूरी छै।”

प्रकाशितवाक्य 5:7

मेम्ना ले अघिल आभेरन जो सिंहासन में बैठिनाको छ्यो, उक दैंन हात भटे, उ किताब स ली लीछ।