फिलिप्पिन 4:8 - सोरियाली नय्या नियम

⁸ येक कारण हे प्रिय दगड़ियो, तुम अपूनो ध्यान उन बातुन में लगा, जो-जो बात सच्ची, आदरणीय, भलि पवित्र, निकी, और मन स भान वाली, जो बड़िया और तारीफ की बात छन और तुमारा उन बातुन में लाग रून।

फिलिप्पिन 4:8 Iomraidhean Croise

मत्ती 22:16

तब उनूनले हेरोदेस राजा कुछ समर्थक और फरीसी लोगून यीशु का पास यो कुंन खिन भेजियान, कि “गुरू! हम यो जाणनू, कि तैं हमेशा सच्चो छै, और सच्चाई ले परमेश्वरो को बाटा की शिक्षा दीछा, और कैकी परवाह नै करना, क्याखिनकि तैं लोगून को मुँख देखिभेरन बात नै करनै।

मरकुस 6:20

क्याखिनकि राजा हेरोदेस यहूना स एक धर्मी और पवित्र आदिमी समझभेरन उ भटे डरछ्यो, और ऊस बचूने रूछ्यो। और उकी बातुन सुणछ्यो त भौत डर जाछयो, फिरले उ यहूना की बातुन सुणून पसन्द करछ्यो।

लूका 16:15

यीशु ले उनूनथैं क्योछ, तुम त आदिमीन का सामुनि अपून-आपस धर्मी ठैरूछा लेकिन परमेश्वर तुमार मनेंस जाणनान, क्याखिनकि जो चीज आदिमीन की नजरून में भौत कीमती छै, उ परमेश्वरा का नजरून में घृणित छै।

लूका 2:25

और उ बखत यरूशलम शैहर में शमौन नामोको एक आदिमी छ्यो, और उ धर्मी और भक्त छ्यो; और उ बेसबरी ले मसीह को उनाको इन्तजार करून मरेछ्यो जैस भेजना को वादा परमेश्वर ले करिना को छ्यो कि उ अ, और इस्राएल देशा का लोगून तसल्ली द्यो। और पवित्र आत्मा उक दगाड़ छ्यो।

लूका 23:50

और वाँ एक आदिमी जैक नाम यूसुफ छ्यो। जो यहूदी महासभा को सदस्य छ्यो और दगाड़ में इज्जतदार और धर्मी आदिमी ले छ्यो।

यहूना 7:18

जो अपूनी तरफ भटे के कुंछूँ, उ अपूनी बड़ाई चाँछो; लेकिन जो अपून भेजून वाला की बड़ाई चाँछो उई सच्चो छै, और उमें के बेमानी नाहातिन।

प्रेरितून का काम 10:22

तब उनूनले क्योछ, “कुरनेलियुस सुबदार, जो धर्मी छै और परमेश्वर भटे डरछो, और जैकी पुर यहूदी जातिक लोग इज्जत करनान, ऊस एक पवित्र स्वर्गदूतले यो हुकुम दी रैछ कि उ तुमून अपून घर बुलाभेरन बचन सुणो।”

प्रेरितून का काम 22:12

तब हनन्याह नामोको एक आदिमी छ्यो, उ मूसा का नियम-कानून का पालन करून वालो एक भक्त छ्यो, जो वाँक रूनवाला सब यहूदीन में इजतदार छ्यो।

प्रेरितून का काम 6:3

येक कारण हे विश्वासी भाईयो, तुम अपून में भटे सात खास आदिमीन चुन ली, जो पवित्र आत्मा और बुद्धि ले भरिना, उनून चुन ली, कि हम उनून यो कामें की जिमेदारी सौंप सकाँ।

रोमियून 13:13

आ हम लोगून का नियाती जिन शुरू कर दीया, जो उज्याला में रूनान लेकिन अन्यारा में नै। हमून नै रंगरलियों में, और पियक्कड़पन में, नै ब्यविचार में, और नै लुचपन में, और नै झगड़ा और डाह में जीन्दगी जिन चैछी।

रोमियून 13:3

क्याखिनकि अगर कोई अधिकारी निका काम करूँ मर्योछ, त उक शासकून भटे डरना की जरूरत नाहातिन। लेकिन अगर बुर काम करून मर्यान, त उले डरना की ले जरूरत नाहातिन। अगर तुम शासकून भटे निडर रून चाँछा? त उई करा जो निका छै, जेलै तुमेरि तारीफ हो।

रोमियून 14:18

जो कोई यो तरीका ले मसीह की सेवा करछो, त परमेश्वर उ है खुश हुनान, और लोग उक बारिमें ले निको कुंनान।

रोमियून 2:29

लेकिन एक सच्चो यहूदी उई छै, जैको मन परमेश्वरा का दगाड़ सही छै और सच्चो खतना केवल मूसा का नियम-कानून मानून नाहातिन, पर मनोको बदलून छै जो की परमेश्वरे की आत्मा का द्वारा हुछो, इसा लोगून की महिमा लोगून का द्वारा नै लेकिन परमेश्वरे की तरफ भटे हुछी।

1 कुरिन्थियून 4:5

येक कारण प्रभुक वापस उन तक कोई कैको न्याय जन करा, उ स्पष्ट रूप ले उन सबून का बिचारून बतालो जो लोग सोचनान जिनारा बारिमें कोई नै जाणनो, तब परमेश्वरा का तरफ भटे हरेक की तारीफ होलि।

2 कुरिन्थियून 13:7

हम अपून परमेश्वर थैं प्रार्थना करनू, कि तुम कोई बुराई नै करा; या तक कि अगर तुमून यो विश्वास हुनो कि हम सच्चा प्रेरित नाहातिन, त हम तुमून खिन प्रार्थना करूनमर्यान कि, कोई गलत काम करे बिना, तुम केवल निका काम करा।

2 कुरिन्थियून 6:8

जब लोग हमून तुच्छ जाणनान, और दुसरान बतुनान कि हम बुरा लोग छा या निका लोग छा या हम कपटी समझी ग्या, लेकिन हम सच्ची बोलनू।

2 कुरिन्थियून 8:18

और हमूले उक दगाड़ दुसरा विश्वासी भाईन ले भेज रैछ, जैको नाम सुसमाचार प्रचार करून खिन विश्वासीन की मण्डली में फैलीना को छै।

2 कुरिन्थियून 8:21

हमोरो मक्शद उई करना छै जो नै केवल प्रभु का नजरून में, बल्कि लोगून का नजरून में ले सही हो।

गलातियों 5:22

उ गुण जो परमेश्वरा का आत्मा का द्वारा उत्पन्न हुनान, उन यो छन, प्रेम, आनन्द, शान्ति, धीरज, और दया, भलाई, और भरोसामंद, नम्रता और अपून आप में काबू राखून।

इफिसियून 4:25

येक कारण झूठ बोलून छोड़भेरन, हरेक दगड़िया विश्वासी थैं सच्ची बोलो, क्याखिनकि हम सबै एक्कै शरीरा का हिस्सा।

इफिसियून 5:9

क्याखिनकि अगर कोई आदिमी उज्याला में छै, त उको चाल-चलन निको और धार्मिक हुछो और उमें भरोस करि जा सकछो।

इफिसियून 6:14

येक कारण परमेश्वर की सच्चाई स अपून कमर में बैल्टा का नियाती बाँद ली, और अपून निका ब्यवहार स कवच नियाती पैन ली।

फिलिप्पिन 3:1

येक कारण हे म्यारा प्रिय दगड़ियो, प्रभु में खुश रौ। उई बातुन बार-बार तुमून लिखून में मैंस केले परेशानी नाहातिन, लेकिन यो बात तुमून झूठ्ठी शिक्षान भटे बचुछी।

कुलुस्सियून 4:5

अपून हर मौकास जो तुमून मिलछो कीमती जाणिभेरन संसार का लोगून का दगाड़ बुद्धिमानी ले ब्यवहार करा।

1 थिस्सलुनीकियों 4:12

ताकि उन लोग जो विश्वास नै करना, देखून कि तुम हर दिन कसो ब्यवहार करछा, और तुमोरो आदर करूनो, और तुमून अपून जरूरतून खिन केमें निर्भर नै हुन पड़ौ।

1 तीमुथियुस 2:2

राजान खिन और उन सब अधिकारी लोगून खिन प्रार्थना करा, ताकि उन हमून शान्ति और सुरक्षा ले रून में हमरि मद्दत करून, ताकि हम परमेश्वर की अराधना कर सका और दुसरा का दगाड़ बड़िया ब्यवहार राख सका।

1 तीमुथियुस 3:11

और उनेरि घरवालीन ले आदर का योग्य हुन चैना, दोष लगून वाली नै हो, और शान्त आदत ले अपून आप में काबू करून वाली, और सब बातुन में विश्वासयोग्य हो।

1 तीमुथियुस 3:4

ऊस अपून परिवार को बड़िया प्रबन्ध करून वालो, और ऊस अपून बाल-बच्चान सिखून चैछो कि उन हर बात में आदर करभेरन उको हुकमून को पालन करून।

1 तीमुथियुस 4:12

इसीकैं ब्यवहार कर की कोई तेरो अनादर नै करौ, लेकिन तैंस अपून बोल-चाल में, निका ब्यवहार का दगाड़, प्रेम ले, मसीह का विश्वासा का दगाड़, पवित्रता को जीवन जीना का द्वारा विश्वासी लोगून खिन आदर्श बनूनो चैछो।

1 तीमुथियुस 5:10

और निका कामून का कारण उको नाम हो, जेलै अपून नन्तिना को निकीकैं पालन-पोषण करिना को हो, मेहमानून की सेवा करिना की हो, परमेश्वरा का लोगून सेवा एक दासी का नियाती हो, दीन-दुखी लोगून की मद्दत करिना की हो, और हरेक निका काम में मन लागिना को हो।

1 तीमुथियुस 5:2

और तैंस स्याना‍ स्यैनिन अपूनी ईजा की नियाती समझभेरन बर्ताव कर। और अपूनी है नाना उमर का स्यैनिन अपूनी बैनि समझभेरन साफ मन ले बर्ताव कर।

तीतुस 1:8

और घर में आईना का मेहमानून की इज्जत करून वालो, दुसारा लोगून खिन भलाई करून वालो, हर हालात में अपून में काबू राखून वालो, सच्चो न्याय करून वालो, धर्मी, और पवित्र जीवन जीन वालो, अपूनी इच्छान में काबू करून वालो हुन चैछो।

तीतुस 2:14

यीशु मसीह ले अपून आपस हमून खिन सूली में बलिदान कर दीछ ताकि हमून हर प्रकार का बुराई भटे छुड़ा ले और हमून पापून भटे आजाद करभेरन अपून खिन एक इसी प्रजा बना ले जो भल काम करून खिन पुर जोश दगाड़ तैयार रौ।

तीतुस 2:2

बुढ़ा लोगून अपून आप में काबू राखून, और इसो तरीका को ब्यवहार करून ताकि लोग उनोरो आदर करून, और समझदारी ले जीन सिखौ। और उनून विश्वास में मजबूत हुन चैछो और दुसरान का दगाड़ प्रेम करून चैछो और सहन करूना की शक्ति हुन चैछी।

तीतुस 2:7

तैंस हमेशा भल काम करून चैछो, ताकि तैं दुसारा लोगून खिन उदारण बनौ। जब तैं विश्वासीन परमेश्वरा का बारिमें सिखूछै, त तैंस निका इरादा ले सिखून चैछो, जैले लोग तेरो आदर कर सकून।

तीतुस 3:14

सिर्फ इतुकैं नै तैंस विश्वासीन सिखूनै रून चैंछो कि भल काम करून खिन लगातार मेहनत करनै रून ताकि उन लोगून की जरूरत पुरी हो सकौ। और यो विश्वासीन की मद्दत करोलो कि उन एक मक्शद का दगाड़ जीवन जी सकून।

इब्रानियों 11:2

हमार पूर्वजून इसा तरीका को विश्वास छ्यो। सिर्फ यो कारण ले परमेश्वर उनून है खुश छ्यो।

इब्रानियों 13:18

हमून खिन प्रार्थना करनै रौ, किलैकी हमून विश्वास छै, कि हमोरो जमीर साफ छै; हम उन सब चीजून में परमेश्वरो को आदर-सम्मान करून चानू जो हम करनू।

याकूब 1:27

हमार पिता परमेश्वरा का सामुनि नजर में साफ और सच्ची भक्ति यो छै कि अनाथून और विध्वाऊन का दुखून में उनोरो ख्याल राँखा, और अपूनास यो संसाराक बुर कामून भटे बचाभेरन राँखा।

याकूब 3:17

लेकिन जो ज्ञान परमेश्वर भटे मिलछो, उ पैलि त पवित्र हुछो, फिर मिलनसार, कोमल, निको बिचार वालो, दयालु और निका कामून ले भरिना को और बिना पक्षपात और बिना कपट ले हुछो।

1 पतरस 1:22

किलैकी सच्चाई स मानना का द्वारा तुम शुद्ध करि गैछा अब तुमून अपून दगड़िया विश्वासी भाईन का दगाड़ प्रेम करूनो चैछो। येक कारण एक-दूसार स पुर मन ले प्रेम करून जारी राखा।

1 पतरस 2:12

कई बार इसा लोग हुनान जो प्रभु स नै जाणना और उन तुमून में यो कैभेरन गलत आरोप लगा सकनान कि तुमार काम बुरा छन। येक कारण तुमून अपून ब्यवहारा का बारिमें सतर्क रून चैछो, ताकि उन तुमार निका ब्यवहार देख सकून। आखरी में उन मानाला कि तुमोरो ब्यवहार निको छै और जै दिना परमेश्वर संसारो को न्याय करून खिन आलो, उ दिना उन परमेश्वरे की महिमा कराला।

1 पतरस 4:8

सबून है ठूली बात यो छै कि एक-दुसारा से ईमानदारी ले प्रेम करा किलैकी अगर तुम लोगून प्रेम करछा, त तुम हमेशा कोई ले गलत काम स माफ करून खिन तैयार रौला, जो उनूनले कर्यान।

2 पतरस 3:1

हे म्यारा विश्वासी भाईयो, अब मैं तुमून यो दुसरी चिठ्ठी लिखून मरैयू, मैंले तुमून यो द्वी चिठ्ठी येक कारण लिखीना का छन ताकि जो बात तुम पैलि है जाणछा, उनार बारिमें तुमून याद दिलून का द्वारा मैं तुमार मन में साफ विचारून उत्पन्न कर सकूँ।

1 यहूना 3:18

हे नान्तिनो, हम बचनून और बातुन ले नै, लेकिन काम और सच्चाई का दगाड़ ले प्रेम करा।

1 यहूना 3:3

और जो कोई मसीह की आश राखछो, उ अपून आपस ऊसो पवित्र करछो, जसो उ पवित्र छै।

1 यहूना 4:1

हे प्रिय दगाड़ियो, हरेक आदिमी में विश्वास जन करा, जो पवित्र आत्मा का द्वारा बोलना को दवा करछो; लेकिन उनून परखा, कि उन परमेश्वराका तरफ भटे छनी या नाहातिन, क्याखिनकि भौत झूठ्ठो संदेश दिनवाला लोग यो संसार में छन।