फिलिप्पिन 4:7 - सोरियाली नय्या नियम

⁷ तब परमेश्वरकि शान्ति, जो आदिमी समझ है बिलकुल भ्यार छै, तुमार मन ओर बिचारून यीशु मसीह में रक्षा करली।

फिलिप्पिन 4:7 Iomraidhean Croise

लूका 1:79

पाप में जीन्दगी जीन वालान और मौत का खतरा में बैठन वालान उज्यालो द्योलो, और यो उज्यालो हमार जीन्दगी स ठीक बाटा में लिजालो।”

लूका 2:14

“स्वर्ग में परमेश्वर की महिमा हो, और धरती में उन लोगून शान्ति मिलौ, जिनून देखिभेरन परमेश्वर खुशी छै।”

यहूना 14:27

“मैं तुमून शान्ति दी जाछूँ, अपूनी शान्ति तुमून दी छूँ। यो शान्ति उ नाहातिनी जो संसार दीछो, मैं तुमून नै दीनू। तुम परेशान और बैचेन नै हो और डरा जन।

यहूना 16:33

मैंले यो बात तुमूनथैं येक कारण क्यान, कि तुम म्यारा शिष्य छा शान्ति मिलो। लेकिन हिम्मत राखा, क्याखिनकि मैंले यो संसारा का अधिकारी मतलब शैतान स हरा दीछ।”

रोमियून 1:7

मैं यो चिठ्ठी रोम शैहर में रून वाला उन सब लोगून खिन लिखूनमर्यू, जो परमेश्वरा का प्रिय छन, और जिनून परमेश्वरे ले अपून लोग हुनखिन चुनिनाक छन, हमार पिता परमेश्वर और प्रभु यीशु मसीह में तुमून अनुग्रह और शान्ति मिलनै रौ।

रोमियून 14:17

परमेश्वरा का राज्य में खान पिनो जरूरी नाहातिन, लेकिन जरूरी बात इन छन की परमेश्वरा का दगाड़ सही जीन्दगी जीनो, पवित्र आत्मा में शान्ति और आनन्द छै जो पवित्र आत्मा भटे मिलछो।

रोमियून 15:13

मैं प्रार्थना करछूँ की, परमेश्वर जो आशो को दाता छै, तुमून विश्वास करून में पुर रीतिले खुशी और शान्ति ले भरौ की पवित्र आत्मा की सामर्थ ले तुमेरि आश बढ़नै जौ।

रोमियून 5:1

येक कारण जब हम अपून विश्वास का द्वारा धर्मी बन्याँ, त परमेश्वर थैं हमोरो मेल-मिलाप हमार प्रभु यीशु मसीह ले हमून खिन करछै, उक द्वारा हम परमेश्वरा का दगाड़ शान्ति में रौ।

2 कुरिन्थियून 10:5

येक द्वारा हम उ हरेक बिरोध स, और उ हरेक घमण्ड करून वालान, जो परमेश्वरा का ज्ञान का बिरोध में खोरो उठूछो, ऊस झुका दीनू और हरेक इच्छा स काबू करभेरन मसीह का हुकुमून मान्या वाला बना दीछो।

2 कुरिन्थियून 13:11

येक कारण हे म्यारा विश्वासी भाईयो, मैं इन बातुन का दगाड़ चिठ्‌ठी बन्द करछूँ, खुश रौ; सिद्ध बननै जा; एक दुसरा को हौंसला दीनै रौ; एक्कै मन रखा; मेल-मिलाप ले रौ; तब प्रेम और शान्ति को दाता परमेश्वर तुमार दगाड़ होलो।

गलातियों 5:22

उ गुण जो परमेश्वरा का आत्मा का द्वारा उत्पन्न हुनान, उन यो छन, प्रेम, आनन्द, शान्ति, धीरज, और दया, भलाई, और भरोसामंद, नम्रता और अपून आप में काबू राखून।

इफिसियून 3:19

मैं प्रार्थना करछूँ कि, तुम मसीह का उ प्रेम स जाण सका, जो आदिमी की समझ है भ्यार छै, जेले तुमेरि आदत परमेश्वरे की आदत की नियाती बन जौ।

फिलिप्पिन 1:1

मैं पौलुस और तीमुथियुस जो यीशु मसीह का सेवक छा। हम यो चिठ्ठी परमेश्वरा का उन लोगून और अगुवान और सेवकून का नाम लिखूनमर्या जो यीशु मसीहा में होभेरन फिलिप्पी शैहर में रूनान।

फिलिप्पिन 1:2

मैं प्रार्थना करछूँ, कि हमार पिता परमेश्वर और प्रभु यीशु मसीह का तरफ भटे तुमून अनुग्रह और शान्ति मिलनै रौ।

फिलिप्पिन 4:19

और म्योरो परमेश्वर ले अपूनो उ धन का अनुसार जो महिमा सहित मसीह यीशु में छै तुमेरि हरेक कमी पुरो करोलो।

फिलिप्पिन 4:21

यीशु मसीह में परमेश्वरा का सब लोगून म्योरो नमस्कार कया। जो विश्वासी भाई म्यारा दगाड़ छन उन ले तुमून नमस्कार कुंनान।

फिलिप्पिन 4:9

तुम लोगून ले मैंथैं सिखछै, ग्रहण करछ्य, सुणछै और मैंमें देखछै, उनार अनुसार चला, तब शान्ति को परमेश्वर तुमार दगाड़ रलो।

कुलुस्सियून 3:15

उ शान्ति जो मसीह दीछो ऊस अपून दिल में राजा करून दी। क्याखिनकि तुम सबै एक्कै शरीरा का अंग छा और येक कारण तुमून एक दुसरा का दगाड़ शान्ति रून खिन बुलाई ग्योछ और हमेशा परमेश्वरो को धन्यवाद करनै रौ।

2 थिस्सलुनीकियों 3:16

मैं प्रार्थना करछूँ कि प्रभु जो शान्ति को स्रोत छै, उ हर तरीका ले तुमून हमेशा शान्ति दीनै रौ, प्रभु तुम सबुनक दगाड़ रौ।

इब्रानियों 13:20

और अब, शान्ति दीन वाला परमेश्वर, हमार प्रभु यीशु मसीह स हमेशा की वाचा का द्वारा ज्यूनो कर दीछ, तुमून उन सब चीजून है भरपूर करौ जिनरी तुमून उकी इच्छा पुरी करून खिन जरूरत छै। यीशु मसीह का सामर्थ के द्वारा उ तुमूनमें उ सब उत्पन्न करौ जो ऊस खुश करछा। यीशु महान वाचा द्वारा भेड़ून को महान ग्वाला बन ग्योछ, जैमें उक खून का द्वारा दसकत करि ग्यान। उकी महिमा हमेशा-हमेशा हुनै रौ। आमीन।

यहूदा 1:1

मैं यहूदा, जो यीशु मसीह को एक सेवक और याकूबो को नान भाई छूँ। मैं यो चिठ्ठी तुम लोगून लिखून मरैयू, जिनून परमेश्वरेले अपून में विश्वास करून खिन बुलाछ। हमोरो पिता परमेश्वर तुमून प्रेम करछो और तुम यीशु मसीह का द्वारा सुरक्षित छा।

प्रकाशितवाक्य 1:4

मैं, यहूना, यो चिठ्ठी उन सातों विश्वासीन की मण्डलीन खिन लिखून मरैयू जो आसिया प्रदेश में छन। मैं प्रार्थना करछूँ कि तुमून परमेश्वरै की तरफ भटे अनुग्रह और शान्ति मिलो, और उ उई परमेश्वर छै जो छै जो हमेशा छ्यो और जो ऊँनवालो छै। और उन सात आत्मान का तरफ भटे, जो परमेश्वरा का सिंहासन का सामुनि छन।

प्रकाशितवाक्य 2:17

जो कोई यो बात स सुण सकछो जो मैं कुनमर्यू, उ यो समझना की कोशिश करून कि, पवित्र आत्मा विश्वासीन की मण्डली थैं कि कूछो: उन लोग जो बुराई की शक्ति स हरूनान, मैं उनून उ मन्ना में भटे के द्यूलो जो लुकाईनाको छै। मैं उनूनमें भटे हरेक स एक सफेद ढ़ुगो ले द्यूले, जैमें एक नय्या नाम लिखीनाको होलो। जो आदिमी ऊस प्राप्त करोलो, ऊस छोड़भेरन कोई ले उ नाम स नै जाण सकलो।