फिलिप्पिन 3:20 - सोरियाली नय्या नियम

²⁰ लेकिन हमोरो स्वदेश त स्वर्ग में छै; और हम अपूना मुक्तिदाता प्रभु यीशु मसीह का स्वर्ग भटे वापस उनाक इन्तजार करूनमर्या।

फिलिप्पिन 3:20 Iomraidhean Croise

मत्ती 19:21

यीशु ले उथैं क्योछ, “अगर तैं सिद्ध हुन चाँछै, त जा, अपूनी सब कुछ जो तेरो छै ऊस बेच भेरन गरीब लोगून में बाड़ दे, अगर तैं इसो करछै तो तैंस स्वर्ग में धन मिलोलो, और म्यारा दगाड़ अ और म्येरो शिष्य बन जा।”

लूका 12:21

इसी हालत उन लोगून की होलि, जो अपून सम्पत्ति जाम करनान। क्याखिनकि उन परमेश्वर की सेवा खिन अपून आपस और सम्पत्ति को उपयोग नै करना।”

लूका 14:14

तब तैं धन्य हो ले, क्याखिनकि उनार पास तैंस दिन खिन कै नाहातिन, लेकिन जब धर्मी लोगून ज्यून होलो, तब परमेश्वर तैंस ईनाम द्योलो।

प्रेरितून का काम 1:11

और कुन लाग्यान, “हे गलीली जिला का लोगों, तुम किलैं याँ ठाड़ हो भेरन आकाश का तरफ चाँन मरैछा? योई यीशु जैस परमेश्वरले स्वर्ग में उठा ली हैछ, उसीकैं उ फिर आलो, जसकैं तुम लोगून ले ऊस स्वर्ग का तरफ जान देखछ्य।”

1 कुरिन्थियून 1:7

यो कारण छै, कि जब तुम हमार प्रभु यीशु मसीह का वापस उनाको इन्तजार करनै रूछा, और अब तुमार पास उ आत्मिक बरदान छन जिनेरी तुमून जरूरत छै।

1 कुरिन्थियून 15:48

आदमाक वंशज ले उसीकैं धरतिक माटा ले बनिनाक छन, जसो उ छै। लेकिन उन लोग जो स्वर्गाक आदिमी छन जो यीशु मसीह की सुणनान, उन ले उका जस छन।

2 कुरिन्थियून 4:18

किलैकी हमूनले अपूनो ध्यान उमें नै लगायो, जो दिखाई दीछो लेकिन उमें लगाछ, जो दिखाई नै दीनो, जो केले दिखाई दीछो, उ पल भरो को छै लेकिन जो दिखाई नै दीनो उ अनन्तकाल तक रूछो।

2 कुरिन्थियून 5:8

येक कारण हम परमेश्वर में भरोसा राखनू, और जब हम मरला त यो शरीर स छोड़ द्यूला, और हम प्रभुक दगाड़ रून और उत्तम समझनू।

गलातियों 4:26

लेकिन सारा की तुलना उ यरूशलम शैहर भटे करि जा सकछी जो स्वर्ग में छै। साराई छै जो अब हमून खिन एक ईजा की नियाती छै क्याखिनकि उ एक दासी नी छी, और हम मूसा का नियम-कानून को पालन करून भटे आजाद छा।

इफिसियून 2:19

येक कारण अब तुम गैर-यहूदी लोग परदेशी और मुसाफिर नाहातिन, लेकिन परमेश्वरा का लोगून का दगाड़ रूनवाला और तुम उक परिवार का लोग छा।

इफिसियून 2:6

क्याखिनकि उले हमून मसीह यीशु का दगाड़ हमरि एकता कारण, उले हमून मरिनान में भटे ज्यूनो करछ्य, और हमून स्वर्गीय जागान में उक दगाड़ बैठाछ।

फिलिप्पिन 1:10

येक कारण तुम सब निकी बातुन की परख कर सका और उनून मान सकाला, और यीशु मसीह का दुबारा वापस उन तलक पवित्र और निर्दोष बनभेरन रया।

फिलिप्पिन 1:27

केवल इतुक करा कि तुमोरो चाल-चलन मसीह का सुसमाचार का अनुसार हो, चाहे मैं तुमून आभेरन देखू या नै देखू, तुमार बारिमें बश यो सुणू कि तुम एक इरादा में मजबूत हो भेरन, और एक मन होभेरन सुसमाचार का विश्वास खिन मेहनत करनै रूछो।

कुलुस्सियून 1:5

तुम यो येक कारण करछा, क्याखिनकि विश्वास और प्रेम की बुनियाद में छै, जो तुमून खिन स्वर्ग में राखिना की छै, जैका बारिमें तुम पैलि भटे सुण चुक गैछा,

1 थिस्सलुनीकियों 1:10

और तुम स्वर्ग भटे परमेश्वरा का च्याला स वापस उनाकी उमीद करून मरेछा, जैस परमेश्वर ले मुर्दान में भटे ज्यून करछ्य, मतलब यीशु मसीह स, जो हमून परमेश्वरा का उनवाला क्रोध है बचूछो।

1 थिस्सलुनीकियों 4:16

क्याखिनकि प्रभु यीशु खुद स्वर्ग भटे तलि उतरोलो; उ बखत जोरले आवाज दीभेरन हुकुम द्योलो और एक प्रधान स्वर्गदूत जोरले आवाज दीभेरन बोलोलो और परमेश्वर की तुरी फूँकी जालि; और उ बखत जो मसीह में विश्वास करभेरन मर ग्यान उन पैलि ज्यून होला।

2 तीमुथियुस 4:8

अब प्रभु ले मैं खिन ईनाम राखिना को छै, क्याखिनकि मैं इसो जीवन जी छै जो ऊस खुश करछो। हमोरो प्रभु यीशु मसीह जो सच्चाई ले न्याय करछो, उ मैंस उ दिना ईनाम द्योलो जब उ न्याय करून खिन वापस आलो। मगर यो ईनाम सिर्फ मैंस नी द्योलो बल्कि उनून सबून ले जो वफादारी का दगाड़ प्रभु उनाको इंतजार करून मर्यान।

तीतुस 2:13

हम इसीकैं ब्यवहार करनू जब हम उ दिनो को इन्तजार करूनमर्यान, जैकी हमून आश छै, उ दीन जब यीशु मसीह, जो हमोरो महान परमेश्वर मुक्तिदाता छै, अपूनी पुरी महिमा का दगाड़ संसार में वापस आलो।

इब्रानियों 12:22

तुम सिय्योन पहाड़ा का पास आईना का छा, जो स्वर्गीय यरूशलम शैहर छै, और जीवित परमेश्वरो को शैहर छै, जाँ लाखू स्वर्गदूत खुशी को पर्व मनूनान।

इब्रानियों 9:28

उसीकैं, मसीह ले सब लोगून का पापून अपून मलिमें लीभेरन एक बार बलिदान हो ग्यो। जब उ दुबारा आलो तब उ पापून खिन बलिदान हुन खिन नी आलो बल्कि उनून बचुन खिन जो उको इंतजार करून मर्यान।

प्रकाशितवाक्य 1:7

सुणा, उ बादलून का दगाड़ ऊँनवालो छै; और हरेक आदिमी ऊस देखाला, जो लोग उकी मौत खिन जिम्मेदार छ्या, उन ले ऊस ऊँन देखाला। संसारा का सब लोग जोरले रोला जब उन ऊस देखाला। होई, इसो होलो! आमीन।