फिलिप्पिन 3:17 - सोरियाली नय्या नियम

¹⁷ हे प्रिय दगड़ियो, तुम सब मिलभेरन म्योरो जसो ब्यवहार करा, और उनून पछ्याण, जो इसा प्रकारो को ब्यवहार करनान जको उदारण हमून में पाछा।

फिलिप्पिन 3:17 Iomraidhean Croise

रोमियून 16:17

अब हे विश्वासी भाईयों, मैं तुमूनथैं बिनती करछूँ, की तुम लोगून भटे सतर्क और दूर रया, और उन उ शिक्षा का खिलाफ छन, जो तुमून मिल रैछ, और जो दुसारा लोगून का विश्वास में कमजोर हुनो और झगड़ा को कारण बनछो।

1 कुरिन्थियून 10:32

मैं सबून खुश करना की कोशिश करछूँ, मैं अपून भलाई का बारिमें नै सोचून मरयूँ, बल्कि सबून की भलाई का बारिमें सोचून मरयूँ, ताकि उन उद्धार पा सकूँन। उसीकैं तुम ले रौ कि यहूदीन या गैर-यहूदीन या परमेश्वरै की विश्वासीन की मण्डली खिन कैले परेशानी या कैले ठोकर पैद नै करा।

1 कुरिन्थियून 11:1

जसकैं मैं मसीह की जसी चाल चलछूँ, तुम ले मेरि जसी चाल चला।

1 कुरिन्थियून 4:16

येक कारण मैं तुमूनथैं बिनती करछूँ, कि म्यारा नियाती मसीह में अपूनो जीवन जीया।

फिलिप्पिन 4:9

तुम लोगून ले मैंथैं सिखछै, ग्रहण करछ्य, सुणछै और मैंमें देखछै, उनार अनुसार चला, तब शान्ति को परमेश्वर तुमार दगाड़ रलो।

1 थिस्सलुनीकियों 1:6

तुमूनमें भौत दुख छ्यो लेकिन पवित्र आत्मा का द्वारा दीईना की खुशी दगाड़ तुमूले सुसमाचार स ग्रहण करछ्य। इसीकैं तुमूले हमोरो और प्रभु यीशु मसीह का नियाती जीवन जीन लाग गैछा।

2 थिस्सलुनीकियों 3:14

अगर कोई हमार यो चिठ्ठी का हुकमून नै मनो, त सबून पत्तो चलो, और उक दगाड़ संगति जन करा, जेले उ शर्मिदगी मैंहसुश करौ।

2 थिस्सलुनीकियों 3:7

क्याखिनकि तुम खुद जाणछा, कि तुमूनले उस्सा रीतिले जीन चैछो जसीकैं हम जीनू, जब हम तुमार बीच में रूछ्या, त हम आलसी नी छ्या पर काम करछ्या।

2 थिस्सलुनीकियों 3:9

हमूले कड़ी मेहनत करछ्य, येक कारण नै कि हमार पास अधिकार नी छ्यो कि तुमूनथैं अपूनी मद्दत करून खिन कै सका। येक कारण कि अपून आपस तुमून खिन आदर्श ठैराछ, कि तुम हमार जसा बना।

1 तीमुथियुस 4:12

इसीकैं ब्यवहार कर की कोई तेरो अनादर नै करौ, लेकिन तैंस अपून बोल-चाल में, निका ब्यवहार का दगाड़, प्रेम ले, मसीह का विश्वासा का दगाड़, पवित्रता को जीवन जीना का द्वारा विश्वासी लोगून खिन आदर्श बनूनो चैछो।

इब्रानियों 13:7

जो तुमार अगुवा छ्या, और जिनूनले तुमून परमेश्वरो को बचन सुणाछ, उनून याद राखा; और ध्यान ले उनार जीवन स देखा, कि कसीकैं उनूनले अपूनो जीवन जीछ, और मरून तक परमेश्वरा का विश्वास में वफादार बनिना का रियान। येक कारण हमून ले ऊसोई परमेश्वर में विश्वास करूनो चैछो जसो उनूनले करिना को छ्यो।

1 पतरस 5:3

जिन लोगून की जिम्मेदारी परमेश्वरेले तुमून दी रैछ, उनूनमें अधिकारीन का नियाती अपूनो अधिकार जन जता, बल्कि उनून खिन एक निको उदारण बना।