फिलिप्पिन 3:13 - सोरियाली नय्या नियम

¹³ हे म्यारा विश्वासी भाईयों, म्योरो कुंना को मतलब यो नाहातिन कि मैं उन लक्ष्य स पा चुक ग्यू, लेकिन सिर्फ यो काम करछूँ, कि जो पैलि हो चुक ग्योछ, मैं ऊस भुलभेरन अघिल कैं बढ़भेरन, भविष्य में लक्ष्य खिन कड़ी मेहनत करून जारी राखछूँ।

फिलिप्पिन 3:13 Iomraidhean Croise

लूका 10:42

लेकिन एक बात जरूरी छै, कि मरियमले अपून खिन बड़िया जाग चुन है छ जो उथैं कोई नै छीन सकनो।

लूका 9:62

तब यीशु उथैं क्योछ, जो कोई आदिमी अपून गाड़ा में हल जोतून बखत पछिल कै देखछो, उ परमेश्वरा का राज्य का लायक नाहतिनी।

2 कुरिन्थियून 5:16

येक कारण अब भटे हम आदिमीन का नजरून ले केको न्याय नै करना। होई एक बखत छ्यो, जब हमूनले मसीह स आदिमी का नजरून ले देखछ्य, लेकिन अब हम इसो नै करना।

फिलिप्पिन 2:12

येक कारण हे प्रिय दगड़ियो, तुमून ले हमेशा म्यारा हुकुमून को पाल करछ्य, जब मैं तुमार दगाड़ छ्यू। अब जब मैं दूर छूँ, त यो और ले जरूरी छै, कि तुम परमेश्वरो को डर मानून और काँपूनै अपूना उद्धारा कामून करून चैछो, जो उन लोगून खिन ठीक छन, जिनून परमेश्वर ले बचा लीछ।

फिलिप्पिन 3:12

मैं यो दावा नै करनू कि मैंले यो सब पैलि भटे पा लियान, मैं उ सिद्धता स पान खिन भौत कोशिश करून मरयूँ। लेकिन मैं उन चीजून पान खिन अघिल कै बढ़नै जान मरयूँ, ताकि मैं सिद्ध होज्यू, जैक खिन यीशु मसीह ले मैंस चुन रैछ।

फिलिप्पिन 3:8

क्याखिनकि यीशु मसीह स जाणून बाकि सब चीजून है कई बढ़भेरन छै, मैं सब चीजून बेकार समझछूँ। जैका कारण मैंले सब चीजून छोड़ दीयान, और उनून कूड़ो समझछूँ, ताकि मैं मसीह जाण सकूँ।

इब्रानियों 6:1

येक कारण जब हमून सबून है पैलि मसीह का बारिमें सिखाई ग्योछ, उनी बुनियादी शिक्षान दोहराते नै रौ; आ हम मसीह का शिक्षा है अघिल बढ़भेरन शिक्षान का बारिमें बातचीत करा। हम अपून पापी आदतून, जो मौता का तरफ ली जानान, पश्चाताप कसकैं करूनो चैछो, और परमेश्वर में विश्वास करूना का बारिमें,

2 पतरस 3:8

हे म्यारा विश्वासी भाईन, यो एक बात स कभै जन भूल्या कि परमेश्वर खिन एक दिन एक हजार सालाक नियाती छै और एक हजार साल एक दिना का नियाती छै। उखिन एक दिन और एक हजार साल सब एक जसो छै।