फिलिप्पिन 3:12 - सोरियाली नय्या नियम

¹² मैं यो दावा नै करनू कि मैंले यो सब पैलि भटे पा लियान, मैं उ सिद्धता स पान खिन भौत कोशिश करून मरयूँ। लेकिन मैं उन चीजून पान खिन अघिल कै बढ़नै जान मरयूँ, ताकि मैं सिद्ध होज्यू, जैक खिन यीशु मसीह ले मैंस चुन रैछ।

फिलिप्पिन 3:12 Iomraidhean Croise

मत्ती 5:48

येक कारण चैछो कि तुम सिद्ध बना, जसो तुमोरो स्वर्गीय पिता सिद्ध छै।

प्रेरितून का काम 9:15

लेकिन प्रभु ले उथैं क्योछ, “तैं जा, क्याखिनकि मैंले ऊस गैर-यहूदी और राजान और इस्राएली लोगून का सामुनि म्यारा बारिमें प्रचार करून खिन म्येरो चुनिना को जन छै।

1 कुरिन्थियून 13:10

लेकिन जब उ सर्वसिद्ध आलो, त उ जो अधूरो छै, उकी जरूरत नी पड़ली।

1 कुरिन्थियून 13:12

यो जीवन में हम सब पुर तरीका ले नै समझना। यो कोई चीज स ऐनो में धुधलो दिखाई दीनो जसो छै। लेकिन जब हम स्वर्ग में जूला, त हम सब कुछ साफ तरीका ले समझला। यो कैथैं आमुनि-सामुनि बात करूनो जसो होलो। अब हम सब कुछ जाणनू जो परमेश्वर हमून सिखूनो चाछो। तब हम सब कुछ पुर तरीका ले जाण जियूला, जसकैं परमेश्वर हमून पुर तरीका ले जाणछो।

1 कुरिन्थियून 9:24

जसकैं दौड़ में त सबै दौड़नान, लेकिन ईनाम एक्कै ली जाछो। तुम इसीकैं दौड़ा, कि तुम ले जीता। उसीकैं हमून उ सब करूनो चैछो जैले हम परमेश्वरेस खुश कर सका। ताकि हम उ ईनाम स पा सका जो परमेश्वर भविष्य में हमून द्योलो।

2 कुरिन्थियून 13:9

जब हम कमजोर छा, और तुम विश्वास में मजबूत बना, त हम खुश हुनू, और यो प्रार्थना ले करनू, कि तुम विश्वास में मजबूत हो जा।

2 कुरिन्थियून 7:1

हे प्रिय विश्वासी भाईयो, जब परमेश्वरेले हमूनथैं यो वादा करछ्य, त आ हम अपून शरीर और मनस हर प्रकारा का बुराई भटे अपूनास दूर राखा, और परमेश्वरो को डर मानभेरन हमून पुर तरीका ले पवित्र जीवन जीना की कोशिश करून चैछी।

गलातियों 5:17

क्याखिनकि हमार पापी स्वभाव की इच्छान पवित्र आत्मा का बिरोध में छन, और पवित्र आत्मा हमार पापी स्वभाव की इच्छान बिरोध में छन, क्याखिनकि इन द्वीवै एक-दुसरा का बैरी छन। येक कारण तुम हमेशा निका कामून नै कर सकना जो तुम करून चाछा।

इफिसियून 1:4

खाशकर मसीहाक दगाड़ हमरि एकता का कारण परमेश्वर ले हमून यो संसारे स बनून है पैलिक चुन लीछ। ताकि हम उक सामुनि पवित्र और निर्दोष हो।

इफिसियून 4:12

उनेरि जिमेदारी यो छै कि उन परमेश्वरा का लोगून उको काम करून खिन तैयार करून, जसीकैं कि मसीह को शरीर जो विश्वासीन की मण्डली छै उ मजबूती ले बढ़ूनै जौ।

फिलिप्पिन 1:1

मैं पौलुस और तीमुथियुस जो यीशु मसीह का सेवक छा। हम यो चिठ्ठी परमेश्वरा का उन लोगून और अगुवान और सेवकून का नाम लिखूनमर्या जो यीशु मसीहा में होभेरन फिलिप्पी शैहर में रूनान।

फिलिप्पिन 3:16

येक कारण हमून उ सच्चाई का अनुसार जीन चैछो, जैस परमेश्वर ले पैलि भटे हमून में प्रगट ले करछ्य।

फिलिप्पिन 3:3

क्याखिनकि परमेश्वरा का सच्चा लोग त हम छा जो परमेश्वर की अराधना उक आत्मा द्वारा करनू, और अपून जीवन में यीशु मसीह का दगाड़ एकता में खुश हुनू और हम अपून शरीरा का द्वारा करिना का कामून में विश्वास नै राखना।

फिलिप्पिन 3:8

क्याखिनकि यीशु मसीह स जाणून बाकि सब चीजून है कई बढ़भेरन छै, मैं सब चीजून बेकार समझछूँ। जैका कारण मैंले सब चीजून छोड़ दीयान, और उनून कूड़ो समझछूँ, ताकि मैं मसीह जाण सकूँ।

1 थिस्सलुनीकियों 5:15

ध्यान राँखा, कि तुम बुराईन का बदला बुराई जन करा; पर हरेक विश्वासीन और सब लोगून खिन हमेशा भलाई काम करून तैयार रौ।

2 थिस्सलुनीकियों 2:13

हे म्यारा विश्वासी भाईयों, हमोरो तुमून खिन परमेश्वरा का सामुनि हमेशा धन्यवाद दीनो सही छै। तुम प्रभु का प्रिय छा क्याखिनकि परमेश्वर ले दुनिया का बनून है पैलि भटे पवित्र आत्मा का द्वारा पाप भटे अलग करभेरन और सच्ची में तुमार विश्वास का कारण उद्धार खिन तुमून चुन लीछ।

1 तीमुथियुस 5:10

और निका कामून का कारण उको नाम हो, जेलै अपून नन्तिना को निकीकैं पालन-पोषण करिना को हो, मेहमानून की सेवा करिना की हो, परमेश्वरा का लोगून सेवा एक दासी का नियाती हो, दीन-दुखी लोगून की मद्दत करिना की हो, और हरेक निका काम में मन लागिना को हो।

1 तीमुथियुस 6:19

अगर उन इसा भल काम करनान, त यो इसो छै जसो की उन स्वर्ग में खिन धन जामा करून मर्यान जो स्वर्ग में उनार भविष्य खिन मजबूत बुनियाद की नियाती होलि, और उनून सच्ची जीन्दगी मिलली जो हमेशा खिन होलि।

इब्रानियों 12:14

सबून का दगाड़ मेल मिलाप राखा, और पवित्र जीवन जीन खिन हर तरीका ले कोशिश करनै रौ। जैका बिना कोई प्रभु स कभै ले नै देख सकनो।

इब्रानियों 12:23

तुम परमेश्वरा का पहलौठान का सभा में आईना का छा, जिनारा नाम स्वर्ग में लिखी ग्यान। तुम खुद परमेश्वरा का पास आछा, जो सब चीजून को न्याय करून वालो छै उ स्वर्ग में धर्मी लोगून की आत्मा छन जिनून अब सिद्ध बनाई ग्योछ।

याकूब 3:2

हम भौत बार गलती कर जानू। लेकिन जो अपून बोलून में गलती नै करूनो, उई त सिद्ध आदिमी छै; और उ अपूनास पुर तरीका ले काबू कर सकछो।

1 पतरस 5:10

परमेश्वर जो पुर तरीका ले अनुग्रह ले भरिनाका छन, उले हमून मसीह का दगाड़ हमार रिश्ताका कारण स्वर्ग में उकी अनन्त महिमा में सहभागी हुनखिन हमून बुला रैछ। तुमार थ्वाड़ा बखत खिन दुख सहन करना का बाद, परमेश्वर तुमून मजबूत करोलो, ताकि तुमोरो विश्वास मजबूत हो, और डगमगून वाला नै हो।

2 पतरस 3:18

बल्कि तुम इसीकैं जीवन बिता कि तुम हमार मुक्तिदाता यीशु मसीह का अनुग्रह और ज्ञान में बढ़नै जा और ऊस बड़िया तरीका ले जाण सका। उकी महिमा अब ले और हमेशा हुनै रौ। आमीन।