फिलिप्पिन 2:22 - सोरियाली नय्या नियम

²² लेकिन तुम जाणछा कि तीमुथियुस ले खुद कसीकैं साबित करिना को छै। जस तरीका ले एक च्योलो अपून बबा का दगाड़ रूछो, उसीकैं सुसमाचार सुणून में फैलून में म्योरो दगड़ो दीछ।

फिलिप्पिन 2:22 Iomraidhean Croise

प्रेरितून का काम 16:2

उको लुस्त्रा और इकुनियुमा शैहरा का विश्वासी भाईन में निको नाम छ्यो।

रोमियून 5:4

और धैर्य ले निको चाल-चलन और निका चाल-चलन ले परमेश्वर हमून स्वीकार करछो, येक कारण हमून आश छै।

1 कुरिन्थियून 16:10

अगर तीमुथियुस तुमार पास कुरिन्थुस शैहर में आलो, त उको बड़िया आदर-खातिर कर्या। क्याखिनकि उ म्योरो जसो प्रभु में काम करछो।

1 कुरिन्थियून 4:17

येक कारण मैंले तीमुथियुस स जो प्रभु में म्येरो प्रिय और भरोसामंद च्यालाक नियाती छै, तुमार पास भेज रैछ। उ तुमून याद करालो कि, यीशु मसीहक शिष्य हुना का नाता मैं जो काम करछूँ और जसीकैं जीवन जीछूँ। जसकैं कि मैं हरेक जाग हरेक विश्वासीन की मण्डली में शिक्षा दीछूँ।

2 कुरिन्थियून 2:9

किलैकी मैंले तुमून येक कारण ले लिखीना को छ्यो, कि तुमून परख लीयू, कि तुम म्यारा हुकमून मानून खिन तैयार छा, या नाहातिन।

2 कुरिन्थियून 8:22

इन द्वीवैन का दगाड़ हम अपून एक और विश्वासी भाई स भेजून मर्या। जैस हमूले बार-बार परख रैछ उ हमेशा मद्दत करून खिन भौत उत्सुक छै; लेकिन अब तुमूनमें ऊस भौत भरोसा छै, त उ मद्दत करून खिन और ले ज्यादा उत्सुक छै।

2 कुरिन्थियून 8:24

येक कारण उनून अपूनो प्रेम दिखाया, और विश्वासीन की मण्डलीन में साबित करा कि तुमार बारिमें हमोरो घमण्ड सच्ची छै।

2 कुरिन्थियून 8:8

मैं तुमून कोई हुकुम नै दीनू, बल्‍कि दुसरा लोगून का हौंसला को उदारण दीभेरन मैं तुमार प्रेम की सच्‍चाई की परीक्षा लीन चानू।

फिलिप्पिन 1:12

हे प्रिय दगड़ियो, मैं चाँछू कि तुम जाण ली कि मैंमें जो बितीना को छै, जैका कारण ले भौत लोगून ले सुसमाचार में विश्वास करछ्य।

फिलिप्पिन 1:16

उन यो लोग छन जो मैंस प्रेम करनान क्याखिनकि उ जाणनान, कि मैं यीशु मसीह का सुसमाचारो को जबाब दीन खिन ठैहराई ग्यू और उखिन जेल में कैद छूँ।

फिलिप्पिन 1:5

पैला दिन भटे तुमूले यीशु मसीह का बारिमें यो सुसमाचार में विश्वास करछ्य, और सुसमाचार फैलून में तुम म्यारा दगाड़ रैछा।

फिलिप्पिन 1:7

तुम सबून का बारिमें मेरि यो राई ठीक छै, क्याखिनकि मैं तुमून भौत प्रेम करछूँ, और मैं या जेल में छूँ, और सुसमाचार की सच्चाई ले जबाब दीन खिन और सच्च साबित करून खिन तुम सब म्यारा दगाड़ परमेश्वरा का अनुग्रह में सहभागी छा।

फिलिप्पिन 2:20

येक कारण म्यारा नजरून में तीमुथियुस को जसो दुसोरो कोई आदिमी नाहातिन, जो सच्ची में मेरि जसी तुमेरि चिन्ता कर सकौ।

1 तीमुथियुस 1:18

हे म्यारा च्याला तीमुथियुस, मैं तैंस जो यो हुकुम दीन मरयू, मैं तैंस उन बातुन याद दिलून खिन कुछूँ, जो पैलि दिनून में त्यारा बारिमें जो भविष्यवाणी करिना की छी। तैंस उन झूठ्ठा शिक्षकून का खिलाफ सुसमाचार की सच्चाई खिन बड़िया तरीका ले लड़ून खिन बचन को प्रयोग एक हथियार का नियाती करून चैछो।

1 तीमुथियुस 1:2

तीमुथियुस मैं यो चिठ्ठी तैंस लिखूनमरयूँ। तैं म्यारा अपून च्याला नियाती छै क्याखिनकि तैले मसीह में विश्वास करछै जसीकैं मैं करछूँ। मैं प्रार्थना करछूँ कि पिता परमेश्वर और हमोरो प्रभु यीशु मसीह तैंस अनुग्रह और दया, और शान्ति दीनै रून।

1 तीमुथियुस 4:6

अगर तैं विश्वासी भाई-बैनिन लगातार याद दिलूनै रौ, कि जेको मैंले तैंस अल्ले-अल्ले हुकुम दी रैछ, और तैं विश्वास और सही शिक्षा का द्वारा मजबूत करि गैछै, जेको तैं पालन ले करछै, त तैं यीशु मसीह को निको सेवक बनले।

2 तीमुथियुस 1:2

मैं यो चिठ्ठी तीमुथियुस स लिखूनमरयूँ, तैं म्यारा च्याला नियाती छै। मैं प्रार्थना करछूँ कि पिता परमेश्वर और हमोरो प्रभु यीशु मसीह तैंस अनुग्रह और दया, और शान्ति दीनै रून।

2 तीमुथियुस 3:10

लेकिन हे तीमुथियुस, तैं निकीकैं जाण छै कि मैं कि सिखूछूँ, और कसा तरीका ले जीछूँ, जीवन में म्योरो की मक्शद छै और म्योरो कसो विश्वास छै। और तैं जाण छै कि मैं धीरज राखछूँ, और सब लोगून प्रेम करछूँ, मैंले दुखून सहन करछ्य।

तीतुस 1:4

मैं यो चिठ्ठी तीतुस खिन लिखूनमरयूँ। तैं म्यारा च्याला नियाती छै क्याखिनकि तैले मसीह में विश्वास करछै जसीकैं मैं करछूँ। मैं प्रार्थना करछूँ कि पिता परमेश्वर और हमोरो मुक्तिदाता यीशु मसीह तैंस अनुग्रह और दया, और शान्ति दीनै रून।