फिलिप्पिन 2:1 - सोरियाली नय्या नियम

¹ अगर तुम लोगून मसीह में थ्वाड़ा ले भरोस और प्रेम में तसल्ली और पवित्र आत्मा को दगाड़ छै, और किलैकी मसीह तुमून खिन करूणामय और दयालु छै,

फिलिप्पिन 2:1 Iomraidhean Croise

लूका 2:25

और उ बखत यरूशलम शैहर में शमौन नामोको एक आदिमी छ्यो, और उ धर्मी और भक्त छ्यो; और उ बेसबरी ले मसीह को उनाको इन्तजार करून मरेछ्यो जैस भेजना को वादा परमेश्वर ले करिना को छ्यो कि उ अ, और इस्राएल देशा का लोगून तसल्ली द्यो। और पवित्र आत्मा उक दगाड़ छ्यो।

यहूना 14:18

“मैं तुमून अनाथ नी छोड़ू, मैं तुमार पास उछूँ।

यहूना 14:27

“मैं तुमून शान्ति दी जाछूँ, अपूनी शान्ति तुमून दी छूँ। यो शान्ति उ नाहातिनी जो संसार दीछो, मैं तुमून नै दीनू। तुम परेशान और बैचेन नै हो और डरा जन।

यहूना 17:13

लेकिन अब मैं तुमार पास उछूँ, और यो बात संसार में रैभेरन कुछूँ, उन म्यारा खुशी ले पुरो तरीका ले भर जाला।

प्रेरितून का काम 2:46

और उन रोज मन्दिर में जाम हुछ्या। और उन घर-घर में प्रभु भोज लीभेरन यीशुक बलिदान याद छ्या।

प्रेरितून का काम 4:32

और विश्वास करूनवालान की मंडली एक मन और एक चीत छी, या तक कोई अपूनी सम्पति स अपूनी नी कुछ्या, लेकिन उनोरो सब कुछ साझाको छ्यो।

रोमियून 5:5

और आश ले शर्म नै हुनी, क्याखिनकि पवित्र आत्मा जो परमेश्वर ले हमून दी रैछ, उक दवारा परमेश्वरो को प्रेम हमार मन में भरिना को छै।

रोमियून 8:26

इसीकैं पवित्र आत्मा ले हमरि मद्दत करछो जब परमेश्वर में हमोरो विश्वास कमजोर छै। किलैंकी हम नै जाणना, की प्रार्थना कसकै करून चैंछी; लेकिन पवित्र आत्मा खुदै आहें भरभेरन, जेका बारिमें हम बात नै कर सकना, हमून खिन बिनती करछो।

1 कुरिन्थियून 12:13

किलैकी हम सबून ले क्या यहूदी छन, क्या गैर-यहूदी, क्या दास, क्या स्वतंत्र एक्कै आत्मा का द्वारा एक शरीर हुन खिन बपतिस्मा लीछ, और हम सबून एक्कै आत्मा मिलछ्य, जसीकैं हम सब एक्कै कटोरा भटे अंगूरो को रस पीनू।

1 कुरिन्थियून 15:31

हे म्यारा विश्वासी भाईयो, मैं हर दिन मौत को सामना करछूँ। मैं जो कुंछूँ उ बिल्कुल सच्ची छै जसकैं कि यो ले सच्ची छै कि मैं भौत खुश छूँ किलैकी तुम हमार प्रभु यीशु मसीह में विश्वास करछा।

1 कुरिन्थियून 3:16

सच्ची में तुम जाणछा, कि तुम परमेश्वरा का मन्दिर छा, और परमेश्वरो को आत्मा तुमून में वास करछो।

2 कुरिन्थियून 13:14

मैं प्रार्थना करछूँ कि प्रभु यीशु मसीह को अनुग्रह और परमेश्वरो को प्रेम और पवित्र आत्मा की संगति तुम सब का दगाड़ हुनै रौ।

2 कुरिन्थियून 2:14

परमेश्वरो को धन्यवाद हो, जो मसीह का दगाड़ हमार सम्बन्ध का कारण, उ हमून हमेशा अपून दगाड़ हिटूछो और हमून जीत दिलूछो। येको मतलब छै कि हम जाँ ले जानू, हम सुसमाचारे स सुणूनै जानू ताकि सब लोग परमेश्वरस जाणू और सुणून।

गलातियों 4:6

क्याखिनकि हम उक बच्चा छा येक कारण परमेश्वर ले अपून च्याला का आत्मा स हमार दिलून में भेजभेरन, जो परमेश्वर स “हे अब्बा! हे बबा!” कैभेरन ध्द्यूनू।

गलातियों 5:22

उ गुण जो परमेश्वरा का आत्मा का द्वारा उत्पन्न हुनान, उन यो छन, प्रेम, आनन्द, शान्ति, धीरज, और दया, भलाई, और भरोसामंद, नम्रता और अपून आप में काबू राखून।

इफिसियून 4:4

हम सब विश्वासी एक्कै शरीरा का हिस्सा का नियाती छा, और हम सबून एक्कैई पवित्र आत्मा मिलीना को छै। जसा तरीका ले तुमून एक आश दी राखछी, जब तुमून परमेश्वरा का लोग हुन खिन बुलाई गैछा।

फिलिप्पिन 1:8

येमें परमेश्वर म्योरो गवाह छै कि मैं मसीह यीशु का नियाती प्रेम करभेरन तुम सबूनथैं मिलना की उमीद करछूँ।

फिलिप्पिन 3:3

क्याखिनकि परमेश्वरा का सच्चा लोग त हम छा जो परमेश्वर की अराधना उक आत्मा द्वारा करनू, और अपून जीवन में यीशु मसीह का दगाड़ एकता में खुश हुनू और हम अपून शरीरा का द्वारा करिना का कामून में विश्वास नै राखना।

कुलुस्सियून 2:2

मैं इसो येक कारण करछूँ, ताकि तुमोरो विश्वास मजबूत हो जौ, और मैं चाछूँ कि उनून पुरो भरोसा हो क्याखिनकि उनून परमेश्वरो को गुप्त रहस्य की पुरी समझ छै, जो खुद मसीह छै।

कुलुस्सियून 3:12

येक कारण परमेश्वर ले तुमून अपून पवित्र लोग हुन खिन चुनिना को छै और तुमून प्रेम करछो, भौत करूणा, और भलाई, और दीनता, और भौत नम्र स्वभाव और खुद में सहन करना की ताकत राँखा।

इब्रानियों 6:18

त फिर याँ द्वी बातुन को जिकर छै, एक परमेश्वरो को वादा और दुसरी उकी कसम, जो कभै नै बदली सकूनो और जिनारा बारिमें परमेश्वर कभै झूठ नै के सकनो। येक कारण हम जो परमेश्वरा का पास सुरक्षा पान खिन आईना का छा और जो आश उले हमून दी रैछ, ऊस थामिना का छा, और हम भौत खुश छा।

1 पतरस 1:2

पिता परमेश्वरेले भौत पैलि तुमून अपून लोग हुन खिन और पवित्र आत्मा का द्वारा तुमून पवित्र करून खिन चुन लीछ। उले इसो येक कारण करछ्य ताकि तुम यीशु मसीह का हुकुमून माना और उक खून का द्वारा शुद्ध हो। मैं प्रार्थना करछूँ कि परमेश्वर तुमून अनुग्रह और शान्ति दीनै रौ।

1 यहूना 3:24

और जो परमेश्वरो को हुकमून को पालन करछो, उ परमेश्वर में, और परमेश्वर उमें बनिना को रूछो; और येले उ पवित्र आत्मा जो उले हमून दी रैछ, हम जाणनू कि परमेश्वर हमून में बनिना को रूछो।

1 यहूना 4:12

परमेश्वर स कभै केले नै देखियो; अगर हम आपस में प्रेम राँखा, त परमेश्वर हमून में बनिना का रूछो; और उको प्रेम हमून में सिद्ध हो ग्योछ।

1 यहूना 4:16

हम निकी कै जाणनू और विश्वास ले करनू कि परमेश्वर हमूनथैं प्रेम राँखछो। परमेश्वर प्रेम छै; जो प्रेम में बनिना को रूछो, उ परमेश्वर में बनिना को रूछो, और परमेश्वर उमें बनिना को रूछो।