फिलिप्पिन 1:21 - सोरियाली नय्या नियम

²¹ अगर मैं ज्यून रूछूँ त यो मसीह खिन महिमा खिन होलो, जब मैं मर ज्यूलो तब मैं मसीह का दगाड़ रूलो।

फिलिप्पिन 1:21 Iomraidhean Croise

1 कुरिन्थियून 1:30

लेकिन परमेश्वर ले तुमून यीशु मसीह का दगाड़ एकजुट करिना को छै, और मसीह का द्वारा हमून अपूनो ज्ञान दीछो। परमेश्वरेले हमून उक नजरून में धर्मी बनूछो। मसीह का द्वारा हमून पवित्र बनाई जानू, और उ हमून पापून भटे छुटकारा दीछो।

1 कुरिन्थियून 3:22

खास करभेरन चाहे मैं पौलुस, अपुल्लोस, पतरस (कैफा), या यो संसारे की चीज, चाहे तुम ज्यून रौ या मर जा, चाहे ऐल या भविष्य, तुमून यो सब चीज परमेश्वर ले तुमारा भलाई खिन दी रैछ,

2 कुरिन्थियून 5:1

किलैकी हम जाणनू, कि या धरती में हमोरो शरीर एक तम्बू का नियाती छै जैमें हम रूनू। अगर उ नाश हो जाछो त हमून परमेश्वरा का तरफ भटे स्वर्ग में एक इसो शरीर मिलोलो, जो आदिमीक हातून ले बनाईना को नै लेकिन हमेशा तक बनिना को रूछो।

2 कुरिन्थियून 5:6

येक कारण हम परमेश्वर में भरोसा राखनू, और यो जाणनू; कि जब तक हम यो शरीर में रूनू, तब तक हम परमेश्वर है दूर छा।

2 कुरिन्थियून 5:8

येक कारण हम परमेश्वर में भरोसा राखनू, और जब हम मरला त यो शरीर स छोड़ द्यूला, और हम प्रभुक दगाड़ रून और उत्तम समझनू।

गलातियों 2:20

यो इसी छ्यो जसो जब मसीह सूली पर मर ग्यो, मैंले उक दगाड़ सूली में मर गयूँ। अब मैं ज्यून नाहातिनू बल्कि मसीह मैंमें में ज्यूनो छै; और जसीकैं मैं अब जीन मरयूँ त केवल ऊस विश्वास का द्वारा जो परमेश्वरा का च्याला में छै, जेले मैंस प्रेम करछ्य और म्यारा पापून खिन अपूनास बलिदान कर दीछ।

गलातियों 6:14

मैं खिन, मैं सूली में हमार प्रभु यीशु मसीह की मौत का अलावा कै और चीज को घमण्ड नै करून चानू। उले जो कुछ ले करछय, उई कारण ले संसारा का चीजून को मैंमें कोई अधिकार नाहातिन, और मैंस अब संसारिक चीजून करना की कोई इच्छा नाहातिन।

फिलिप्पिन 1:20

मैं त भौत इच्छा और उमीद राँख छूँ, कि मैं कोई ले बात में शर्मिन्दा नी हुलो, लेकिन मैंमें मसीह का बारिमें बोलना की हिम्मत हो, जसो मैंले पैलि ले करिना को छ्यो। चाहे मैं ज्यून रून या मरि जू मैं अपून पुर जीवन का जरियाले मसीह की महिमा हमेशा करनै रूलो।

फिलिप्पिन 1:22

लेकिन अगर म्योरो शरीर में ज्यूनो रूनो मसीह का काम खिन फैदामन्द छै त मैं नै जाणनू कि कैस चुनू।

फिलिप्पिन 1:23

मैं नै जाणनू कि इन द्वीवैन में भटे कैस चुनू। मन त करछो कि मैं मरज्यू और मसीह का पास जाभेरन रू, क्याखिनकि यो मैं खिन भौत ठूली बात छै।

फिलिप्पिन 2:21

क्याखिनकि सब अपून फैदा की खोज में रूनान, लेकिन उन यीशु मसीह का कईना का बातुन का बारिमें चिन्ता नै करना।

कुलुस्सियून 3:4

जब मसीह, जो तुमून नय्या जीवन दीछो, जब उ यो संसार में वापस आलो, तब तुमूले उक दगाड़ आला और तुम उकी महिमा में भागीदार होला।

प्रकाशितवाक्य 14:13

फिर मैंले स्वर्ग में कैसे बुलून सुणछ्य, और उले मैंथैं क्योछ, “इन बातुन याँ लिख। आज भटे, उन अब धन्य छन जो परमेश्वर में विश्वास करभेरन मर जानान।” तब पवित्र आत्मा येले सहमत भ्योछ और उले क्योछ। “यो सच्ची छै। उन धन्य छन किलैकी उन अपून सब मेहनत भटे आराम पाला, और जो काम उनूनले करिना का छन उखिन उनून ईनाम दीई जालो।”