याकूब 1:3 - सोरियाली नय्या नियम

³ क्याखिनकि तुम जाणछा, कि जब तुमोरो विश्वास परखी जाछो, तब तुम भौत धीरजाक दगाड़ परमेश्वर में विश्वास राँख भेरन परीक्षान सहन करछा।

याकूब 1:3 Iomraidhean Croise

लूका 21:19

लेकिन तुम अपून धीरजा का द्वारा अपूनी प्राणून स बचा राखला।”

रोमियून 15:4

जतुक बात पैलिक पवित्रशास्त्र में लिखी ग्यान, उन हमरि शिक्षा खिन लिखीनाका छन, ताकि हम उ शिक्षा ले धीरज और हिम्मत मिलनै रौ, यो तरीका ले हम अपूनी आश बनाईना की राखा, कि परमेश्वरे ले जो वादा करिनाको छ्यो, उ करोलो।

रोमियून 2:7

और जो लोग निका कामून करभेरन महिमा, सम्मान और अनन्त जीवनै की खोज में छन, उनून परमेश्वर अनन्त जीवन द्योलो।

रोमियून 8:28

हम जाणनू कि जो लोग परमेश्वरा का दगाड़ प्रेम राखनान, उन लोगून खिन सब बात मिलभेरन निको अंत ल्यूछो। और उकी इच्छा का अनुसार चुनी ग्यान, परमेश्वर उनेरि भलाई खिन सबै बातुन में उनेरि मद्दत करछो।

2 कुरिन्थियून 4:17

हमोरो यो नानो और पल भर को दुख हमून खिन इसी अनन्त और ज्यादा है महिमा स उत्पन्न करूनमर्योछ, जैका बारिमें हम सोच ले नै सकना।

कुलुस्सियून 1:11

और हम यो ले प्रार्थना करनू कि परमेश्वर अपूनी महिमा की शक्ति का द्वारा तुमून मजबूत करौ, ताकि तुम हौंसला और खुशी ले अपून दुखून सहन कर सका।

2 थिस्सलुनीकियों 1:4

येक कारण हम परमेश्वरा का विश्वासीन की मण्डली में तुम लोगून का बारिमें गर्व करनू, हलाकि, तुम परीक्षान में होभेरन जाछा, फिरले तुम धैर्यपूर्वक सहनै रूछा और तुम अब ले यीशु मसीह में विश्वास करछा।

2 थिस्सलुनीकियों 3:5

हम प्रार्थना करनू कि प्रभु यीशु तुमून यो समझ दे कि परमेश्वर तुमून कतुक प्रेम करछो, और जब लोग तुमून सतूनान कसीकैं मजबूत रून छै, ठीक उसकैं जसीकैं मसीह मजबूत‌ छ्यो।

इब्रानियों 10:36

इसा बखत में तुमून धीरज ले सहन करना की जरूरत छै, ताकि तुम परमेश्वरै की इच्छा पुरी कर सका। तब तुमून उ सब मिलोलो जैको परमेश्वरेले वादा करिना को छै।

इब्रानियों 12:1

हमार आस-पास इसा कई लोग छन जिनरी जीन्दगी हमून बतूछी कि विश्वास को मतलब कि हुछो। येक कारण आ हम हरेक रूकावट और पाप स दूर करभेरन, हमून जै बाटा में जानो चैछो, उमें हमून जरूर चलून चैछो।

1 पतरस 1:7

इन परेशानीन को मक्शद यो दिखूनो छै कि क्या तुम सच्ची में परमेश्वर में भरोसा करछा। यीशु मसीह में तुमोरो विश्वास सुनो है ज्यादा कीमती छै। जसीकैं नाश हुन वाला सुना स आग में परखी जाछो और शुद्ध करि जाछो, उसिकैं अगर तुमोरो विश्वास परीक्षान का द्वारा परखी जाना का बाद ले मजबूत रूछो, त यो उ दिन तुमून भौत बड़ाई और महिमा और सम्मान दिलालो जब यीशु मसीह फिर वापस आलो।

2 पतरस 1:6

तुमून केवल योई नै जाणून चैनो कि कसीकैं दुसरान का दगाड़ समझदारी ले ब्यवहार करून छै, तुमून सिर्फ अपून में काबू नै राखून चैछो बल्कि तुमून मुसीबत में ले धैर्य ले राखून चैछो, तुमून सिर्फ धैर्य नै राखून चैनो, बल्कि तुमून इसीकैं जीवन जीनो ले चैछो जो परमेश्वरेस खुश करछो।