इफिसियून 5:4 - सोरियाली नय्या नियम

⁴ और नै बुरी, नै मूर्खता की, और नै मजाक की घटिया बात हुनी चैछी; क्याखिनकि इसी बातचीत तुमून खिन ठीक नाहातिन, लेकिन इसा जाग तुम परमेश्वरो को धन्यबाद दीन चैछो।

इफिसियून 5:4 Iomraidhean Croise

मरकुस 7:22

लालच, बुराई, ध्वाकबाजी, लुचपन, बुरी नजर, निदा, घमंन्ड, मूर्खता निकल छी।

यहूना 6:23

तब और ले नाऊन तिबिरियास शैहर भटे उ जाग में आयान, जा उनूनले प्रभु को धन्यवाद करिना का बाद रवाटा खाईनाका छ्या।

रोमियून 1:28

किलैंकी जब उनूनले परमेश्वरे स अपनून मूर्खता समझछै, त परमेश्वरे ले लै उनून सब बुर काम करून खिन उनार बुर मनाक बश में छोड़ दीछ।

2 कुरिन्थियून 1:11

और तुम लोग ले हमून खिन प्रार्थना करभेरन हमेरि मद्दत करा। इसीकैं भौत सी प्रार्थनान का कारण हमून आशीष मिलीना की छै और उ खिन भौतसा लोग हमार तरफ भटे परमेश्वरो को धन्यवाद ले द्याला।

2 कुरिन्थियून 9:15

आखरी में, हम सबून परमेश्वरो को धन्यवाद करून चैछो किलैकी उले हमून सबून है ठूलो ईनाम दीछ, जब उले अपून च्याला स हमार पापून खिन दण्ड दीछ। जैको शब्दून में बयान नै करि जा सकूनो।

इफिसियून 1:16

मैं हमेशा तुमून खिन परमेश्वरो को धन्यवाद करछूँ और अपूनी प्रार्थनान में तुमून याद करछूँ।

इफिसियून 4:29

कोई गन्दी बात तुमार मुँह भटे नै निकलून, बल्कि उन बातुन कौ जो लोगून खिन जरूरी छन, जो कि उनून विश्वास में मजबूत बनून में मद्दत करून। तब जो केले तुम कौला वह तुमार सुणून वालान को भलो करोलो।

फिलिप्पिन 4:6

केले बात की चिन्ता जन करा, लेकिन हरेक बात में प्रार्थना और बिनती करा, परमेश्वर स बता की तुमून कि चैंछो, और उक द्वारा करिना का सब कामून खिन उको धन्यवाद करा।

कुलुस्सियून 3:8

लेकिन अब तुम ले इन सबून मतबल गुस्सा, गुस्सा वाला ब्यहार, बैर-भाव, निन्दा और मुँख भटे गाली बकूनो, यो सारा बुरा काम छोड़ दी।

1 थिस्सलुनीकियों 3:9

और जसो आनन्द हमून तुमार कारण अपून परमेश्वरा का सामुनि छै, उक बारिमें हम तुमून खिन कसा तरीका ले परमेश्वर धन्यवाद करा?

1 थिस्सलुनीकियों 5:18

हरेक हालात में परमेश्वरो को धन्यवाद करा, क्याखिनकि मसीह यीशु में तुमून खिन परमेश्वर की यो इच्छा छै।

फिलेमोन 1:8

येक कारण ले मैं तैंस मसीह में एक विश्वासी का नाता में ठीक काम करून खिन कुंछूँ, और मैंस मसीह में भौत हिम्मत छै और तैंस येस करना को हुकुम दी सकछूँ। लेकिन मैं बुजुर्ग पौलुस जो यीशु मसीह की सेवा करछूँ, अब जो एक कैद में छूँ सिर्फ तैथैं बिनती करछूँ, क्याखिनकि तैं मैंस और अपून दगाड़ का विश्वासीन का प्रेम करछै।

इब्रानियों 13:15

येक कारण हम यीशु का द्वारा अपून मुँख ले परमेश्वर की स्तुति और अराधना करनू। जो परमेश्वर खिन हमोरो बलिदान छै।

2 पतरस 2:18

जब झूठ्ठा शिक्षक लोगून शिक्षा दीनान, तो उन बेकार और घमण्ड ले भरिना क शब्दून को इस्तमाल करनान। उन लोगून बतुनान कि उन-उन बेशर्मी का कामून कर सकनान जो उनार शरीर करून चानान और उन लोगून फिर पाप करून खिन भरमा दीनान जो यैले-यैले इसा बुराई का जीवन ले बचभेरन निकलनान।

2 पतरस 2:7

लेकिन यैहै पैलि की उले सदोम शैहर स विनाश करछ्य, त परमेश्वरे ले लूत स जो एक धर्मी आदिमी छ्यो, ऊस शैहर भटे निकाल दीछ और इसीकैं ऊस बचा लीछ। लूत भौत दुखी छ्यो किलैकी सदोम शैहरा का लोग कोई ले नियम स नै मानछ्या और बेशर्मी का काम करछ्या।

यहूदा 1:10

इन लोग जो परमेश्वरै की अराधना नै करना और उन बातुन को बिरोध में बुरा शब्दून को इस्तमाल करनान जो उनून समझ में नै ऊँना; और जब उन जानवरून की नियाती ब्यवहार करनान और जिन कामून उन जाणनान उनून उन बिना सोचे-समझे करनान, त उन परमेश्वरै की तरफ भटे दण्ड भुगताला।

यहूदा 1:13

जसकैं समुन्द्र की प्रचण्ड लहर गन्दो झाग बनूछी, उसकैं इन लोग बेशर्मी का काम करनान। उन थ्वाड़ा तारान की नियाती छन जो एक सिदा बाट में नै हिटना, उन सही बाटो नै देखून। प्रभु उनूनखिन एक जाग राखून मर्योछ जो पुरी रीतिले अन्यारा में छन जाँ उनून हमेशा खिन रून पड़लो।