इफिसियून 5:2 - सोरियाली नय्या नियम

² मसीह का उदारण में हिटभेरन, तुम एक दुसरा से प्रेम करा, जसीकैं मसीह ले तुमून प्रेम करछो, और हमार पापून दूर करून खिन अपूनास बलिदान कर दीछ। और परमेश्वर येले खुश छ्यो, क्याखिनकि उ बलिदान उ खिन खुशबुदार इत्र का नियाती छ्यो।

इफिसियून 5:2 Iomraidhean Croise

मत्ती 20:28

जसीकैं मैं आदिमी को च्योलो अपूनी सेवा करून खिन यो संसार में नै आरयूँ। बल्कि मैं दुसरान की सेवा करून खिन आरयूँ। येक कारण आरयूँ कि मैं अपूनी जान की कीमत दीभेरन भौतून लोगून का पापून है बचुन खिन आरयूँ।”

यहूना 13:34

मैं तुमून एक नय्या आज्ञा दी छूँ, कि तुम एक-दुसरा स प्रेम करा। जसकैं मैंले तुमार दगाड़ प्रेम करछ्य, ऊसोई तुमूले एक-दुसरा स प्रेम करा।

यहूना 6:51

जीवित रोटो जो स्वर्ग भटे उतर छै उ मैं छूँ। अगर कोई यो रोटा में भटे खाछो, त उ हमेशा ज्यून रोलो; और जो रोटो में संसारा का जीवन खिन दीयूलो, उ म्येरो माँसो छै।”

रोमियून 15:16

कि मैं गैर-यहूदी लोगून खिन मसीह यीशु को सेवक होभेरन एक याजक की नियाती परमेश्वरे की सुसमाचार की सेवा करूँ। इसीकैं मैं उनून एक भेंटा का रूप में परमेश्वरा का पास ल्या सकछूँ जैले उ खुश छन, किलैंकी पवित्र आत्मा ले उनून शुद्ध कर रैछ।

रोमियून 4:25

यीशु मसीह हमार पापून खिन मारी ग्यान, और परमेश्वरे ले दुबारा मरिन में भटे ऊस ज्यून कर दीछ ताकि हम धर्मी ठैहराई जाँ।

रोमियून 8:3

क्याखिनकि जो काम मूसा का नियम-कानून हमार पापी स्वभाव का कारण कमजोर होभेरन नै कर सक्याँ, ऊस परमेश्वर ले करछ्य, मतलब जेले हमार पापून का माफी खिन अपून च्याला यीशु मसीह स बलिदान हुनखिन भेज दीछ, और जेले हम पापी आदिमीन का नियाती शरीर में रैभेरन करछ्य, इसिकै परमेश्वरे ले यीशु मसीहक शरीर में पापै की सामर्थ स तोड़भेरन सजा दीछ।

रोमियून 8:37

लेकिन इन सब बुरी बातुन में हमून उक द्वारा जेले हमूथैं प्रेम करछै, जीत पुरी तरीका ले हमरि छै।

1 कुरिन्थियून 16:14

तुम जेले करछा प्रेम ले करा।

1 कुरिन्थियून 5:7

इस काम करूनवाला लोगून थैं कौ कि उ तुमार मण्डली को हिस्सा नै हो सकनो। तब तुम विश्वासीन की मण्डली को हिस्सा होलो जो एक नय्या और शुद्ध रिशता में एक-दुसराक दगाड़ जुड़ला जैमें कोई पाप को कोई असर नै हो, क्याखिनकि परमेश्वरे ले पैलि भटेई तुमून माफ करिना को छै और तुमून पवित्र करिना को छै। तुमून पवित्रताक दगाड़ जीवन जीनो जरूरी छै। क्याखिनकि हमून हमार पापून भटे छुटकारा दीन खिन मसीह बलिदान हो ग्योछ। यो हमून उन भेड़ा का पाठान की याद दिलूछो जो इस्राएलियून ले फसहक दिन मिस्र में भौत पैलि बलिदान कर्यान।

2 कुरिन्थियून 2:14

परमेश्वरो को धन्यवाद हो, जो मसीह का दगाड़ हमार सम्बन्ध का कारण, उ हमून हमेशा अपून दगाड़ हिटूछो और हमून जीत दिलूछो। येको मतलब छै कि हम जाँ ले जानू, हम सुसमाचारे स सुणूनै जानू ताकि सब लोग परमेश्वरस जाणू और सुणून।

2 कुरिन्थियून 2:15

किलैकी हम परमेश्वर खिन मसीह द्वारा ज्यून करि ग्या, उ धूपै कि नियाती। हमार द्वारा प्रचार करि ग्योछ सब लोगून में फैलीना की मीठी खुशबू की नियाती छै, जो उद्धार पान वाला और नाश हुन वाला लोगून का बीच फैलछी।

2 कुरिन्थियून 8:9

तुम हमार प्रभु यीशु मसीह को अनुग्रह जाणछा, कि उ अमीर होभेरन ले तुमून खिन कंगाल बनग्यो ताकि उक कंगाल हुना तुम अमीर हो ज्या।

गलातियों 1:4

हमार पिता परमेश्वरा का इच्छा का अनुसार मसीह यीशु ले अपूनास हमार पापून का कारण बलिदान कर दीछ, ताकि उ हमून उन बुरी ताकतून भटे आजाद करौ जो आज संसार में काम करनान।

गलातियों 2:20

यो इसी छ्यो जसो जब मसीह सूली पर मर ग्यो, मैंले उक दगाड़ सूली में मर गयूँ। अब मैं ज्यून नाहातिनू बल्कि मसीह मैंमें में ज्यूनो छै; और जसीकैं मैं अब जीन मरयूँ त केवल ऊस विश्वास का द्वारा जो परमेश्वरा का च्याला में छै, जेले मैंस प्रेम करछ्य और म्यारा पापून खिन अपूनास बलिदान कर दीछ।

इफिसियून 1:4

खाशकर मसीहाक दगाड़ हमरि एकता का कारण परमेश्वर ले हमून यो संसारे स बनून है पैलिक चुन लीछ। ताकि हम उक सामुनि पवित्र और निर्दोष हो।

इफिसियून 3:17

येक कारण विश्वास का द्वारा मसीह तुमार भितर रौ। मैं प्रार्थना करछूँ कि परमेश्वर और एक दुसरा खिन तुमोरो प्रेम तुमून मजबूत बनालो और तुमून खितीन भटे बचालो।

इफिसियून 3:19

मैं प्रार्थना करछूँ कि, तुम मसीह का उ प्रेम स जाण सका, जो आदिमी की समझ है भ्यार छै, जेले तुमेरि आदत परमेश्वरे की आदत की नियाती बन जौ।

इफिसियून 4:15

बल्कि, प्रेम में सच्ची बोलभेरन हमून हर बात में मसीह का नियाती सिद्ध बनूनो चैछो, जो विश्वासीन की मण्डली का ख्वोरो छै।

इफिसियून 4:2

और पुरी दीनता और नम्रता, और धीरज राखभेरन प्रेम ले एक दुसरा का ब्यवहार स सहन करा।

इफिसियून 5:15

येक कारण ध्यान ले देखा, कि तुम कसीकैं जीन्दगी जी मरछा, मूर्खून का नियाती नै पर बुद्धिमानून नियाती जीन्दगी जीया।

इफिसियून 5:25

हे घरवालो, अपूनी-अपूनी घरवालीन थैं प्रेम राखा, जसो मसीह ले विश्वासीन की मण्डली थैं प्रेम करभेरन उनून खिन अपूनास बलिदान कर दीछ।

फिलिप्पिन 4:18

म्यारा पास सब कुछ छै, बल्कि जरूरत है ले ज्यादा छै; जो चीज तुमूले इपफ्रुदीतुस हात भटे भेज छ्ये उनून पाभेरन मैं संतुष्ट छूँ, मैंखिन तुमोरो दान मीठा खुशबुदार बलिदान की नियाती छै, जो याजक परमेश्वर खिन चढ़ूछो, जैस परमेश्वर ग्रहण करछो और उले खुशी ले हुछो।

कुलुस्सियून 3:14

लेकिन सबून है ठूली बात यो छै, कि आपस में एक दुसरा थैं प्रेम भाव राँखा। इसो करभेरन तुम पुर तरीका ले एकजुट हो जाला।

1 थिस्सलुनीकियों 4:9

लेकिन विश्वासी भाई-चारा का प्रेम का बारिमें जो जरूरी नाहातिन कि मैं तुमून लिखू, क्याखिनकि आपस में प्रेम करून तुमून परमेश्वर ले सिखा रैछ।

1 तीमुथियुस 2:6

मसीह ले पाप और मौत की शक्ति भटे सब लोगून छुड़ून खिन दाम दीभेरन अपून आपस बलिदान कर दीछ, उक बलिदानले ठीक बखत में यो बात को सबूत छ्यो कि परमेश्वर सब लोगून पाप भटे बचुन चांछ्यो।

1 तीमुथियुस 4:12

इसीकैं ब्यवहार कर की कोई तेरो अनादर नै करौ, लेकिन तैंस अपून बोल-चाल में, निका ब्यवहार का दगाड़, प्रेम ले, मसीह का विश्वासा का दगाड़, पवित्रता को जीवन जीना का द्वारा विश्वासी लोगून खिन आदर्श बनूनो चैछो।

तीतुस 2:14

यीशु मसीह ले अपून आपस हमून खिन सूली में बलिदान कर दीछ ताकि हमून हर प्रकार का बुराई भटे छुड़ा ले और हमून पापून भटे आजाद करभेरन अपून खिन एक इसी प्रजा बना ले जो भल काम करून खिन पुर जोश दगाड़ तैयार रौ।

इब्रानियों 8:3

किलैकी हरेक महायाजका का पापून की माफी खिन और बलिदान चढ़ून खिन चुनी जाछो, यो कारण जरूरी छै, कि हमार महायाजक यीशु का पास ले के चढ़ून खिन हो।

इब्रानियों 9:14

तो जरा सोचभेरन देखा कि मसीह को खून हमार दिलून उन कामून भटे कतुक शुद्ध करोलो जो मौत का तरफ भटे ली जाछो, ताकि हम जीवित परमेश्वरै की अराधना कर सका। किलैकी अनन्त आत्मा का सामर्थ का द्वारा, मसीह ले हमार पापून खिन अपूनास निर्दोष बलिदानाक रूप में परमेश्वरेस भेंट चढ़ा दीछ।

इब्रानियों 9:23

येक कारण सांसारो को तम्बू और उमें मौजूद हर चीज स जानवरून का खून ले शुद्ध करून पड़छ्यो। यो उन चीजून की नकल छै जो स्वर्ग में छै। लेकिन स्वर्ग में की चीजून शुद्ध करून खिन जानवरून का खून है बढ़भेरन महान बलिदान का द्वारा शुद्ध करना की जरूरत छी।

1 पतरस 4:8

सबून है ठूली बात यो छै कि एक-दुसारा से ईमानदारी ले प्रेम करा किलैकी अगर तुम लोगून प्रेम करछा, त तुम हमेशा कोई ले गलत काम स माफ करून खिन तैयार रौला, जो उनूनले कर्यान।

1 यहूना 3:16

हमूले प्रेम येले जाण छै, कि यीशु मसीह ले हमून खिन अपून प्राण दी दीयान; येक कारण हमूले ले विश्वासी भाईन खिन प्राण दिन चैछो।

1 यहूना 3:23

और परमेश्वरा का हुकुम यो छै कि हम उक च्योलो यीशु मसीहक नाम में विश्वास करा, और जसो उले हमून हुकुम दी रैछ, उक अनुसार आपस में प्रेम राखा।

प्रकाशितवाक्य 1:5

और यीशु मसीह का तरफ भटे जैका बचन में भरोसा करि जा सकछो उई छै जो मरिना में भटे पैलो छै और उ यो संसाराक सबै राजान में राज करछो। तुमून अनुग्रह और शान्ति मिलनै रो। उ हमून प्रेम करछो और हमून बचाछ, उ अपून खूनाक द्वारा हमून हमार पापून भटे छुड़ूछो। उले हमून इसो बना दीछ, जिनोरो परमेश्वर राजा छै और उले हमून अपून पिता परमेश्वर खिन याजक बना दीछ। ऊस आदर और अधिकार हमेशा और हर बखत मिलनै रौ। आमीन।

प्रकाशितवाक्य 5:9

उन यो गीत मेम्ना मतलब यीशु मसीह का बारिमें गान मरेछ्या, “यो किताब की मोहर तोड़ून और यैस खोलना को अधिकार त्यारा पास छै। किलैकी तैंस मार डाली ग्योछ और तैंले अपून खून ले हर गोत्र, भाषा, लोग और राज्य है परमेश्वर खिन लोगून मोल लीछ।”