इफिसियून 4:4 - सोरियाली नय्या नियम

⁴ हम सब विश्वासी एक्कै शरीरा का हिस्सा का नियाती छा, और हम सबून एक्कैई पवित्र आत्मा मिलीना को छै। जसा तरीका ले तुमून एक आश दी राखछी, जब तुमून परमेश्वरा का लोग हुन खिन बुलाई गैछा।

इफिसियून 4:4 Iomraidhean Croise

मत्ती 28:19

येक कारण तुम जा, सब जातिन का लोगून शिष्य बना; और उनून पिता, और पुत्र, और पवित्र आत्मा का नाम ले बपतिस्मा दीया,

प्रेरितून का काम 15:11

होई, “इसो करून ठीक नाहातिन, लेकिन हमोरो विश्वास त यो छै कि जसकैं उन प्रभु यीशु का अनुग्रह का द्वारा उद्धार पाला; उसीकैं हम ले पाला, ना कि मूसा का नियम-कानून को पालन करना ले उद्धार पाला।”

रोमियून 11:29

क्याखिनकि परमेश्वर अपून बरदानून वापस नै लीना, और नै बुलाहट कभै अपूनो मन बदलनो।

1 कुरिन्थियून 10:17

क्याखिनकि एक रोटो यो बात को चिन छै कि हम जो भौत छा मसीह में एक शरीर छा, क्याखिनकि हम सब एक्कै रोटा में भटे खानू।

1 कुरिन्थियून 12:20

येक कारण, भले शरीर का कई अंग छन, फिरले शरीर एक्कै छै।

2 कुरिन्थियून 11:4

जब कोई तुमार पास ऊँछो और हमार द्वारा सुणाईना को यीशु का प्रचारा का अलावा कोई दुसारा यीशु को प्रचार करछो, या कोई और आत्मा तुमून मिलीना की छै, जो पैलि नी मिलीना की छी; या और कोई सुसमाचार सुणो जैस तुम ले पैलि नी मानिना को छ्यो, त तुम येस खुशी ले अपनूछा।

इफिसियून 1:18

मैं यो ले प्रार्थना करछूँ कि उ सच्चाई समझून में तुमेरि मद्दत करोलो, और उ आशा जो तुमून दी गैछ, जब परमेश्वर ले तुमून चुन छ्ये। ताकि तुम जाण सका कि उ आशीष कतुक महान और महिमामय छन जिनोरो वादा परमेश्वर ले अपूनो लोगून थैं करिना को छै।

इफिसियून 2:16

सूली में अपूनी मौत का द्वारा मसीह ले द्वी समूह एक कर दीछ और उनोरो मेल-मिलाप परमेश्वर थैं करवा दीछ, इसीकैं यहूदी और गैर-यहूदी लोगून का बीच दुश्मनी स खतम कर दीछ।

इफिसियून 2:18

मसीह ले हमून खिन जो कर रैछ उक कारण अब हम सब उ एक पवित्र आत्मा का द्वारा पिता परमेश्वरा का पास आ सकनू।

इफिसियून 2:22

हे गैर-यहूदी विश्वासीयों, किलैंकी तुम मसीह में एक छा, येक कारण तुम ले परमेश्वरा का दुसारा लोगून का दगाड़ एक हो भेरन रौ। ताकि तुम एक इसो घर बन जा, जाँ परमेश्वरो को आत्मा रूछो।

इफिसियून 4:1

येक कारण मैं जो प्रभु यीशु मसीह की सेवा करना का कारण जेल में छूँ तुमूनथैं विनती करछूँ कि जो बुलाहटाक दगाड़ परमेश्वर ले तुमून अपूनी सन्तान हुन खिन बुला रैछ, उक अनुसार अपूनी जीन्दगी जीया,

इफिसियून 5:30

येक कारण कि हम सब मसीह शरीरा का अंगून का समान छा।

कुलुस्सियून 1:5

तुम यो येक कारण करछा, क्याखिनकि विश्वास और प्रेम की बुनियाद में छै, जो तुमून खिन स्वर्ग में राखिना की छै, जैका बारिमें तुम पैलि भटे सुण चुक गैछा,

कुलुस्सियून 3:15

उ शान्ति जो मसीह दीछो ऊस अपून दिल में राजा करून दी। क्याखिनकि तुम सबै एक्कै शरीरा का अंग छा और येक कारण तुमून एक दुसरा का दगाड़ शान्ति रून खिन बुलाई ग्योछ और हमेशा परमेश्वरो को धन्यवाद करनै रौ।

2 थिस्सलुनीकियों 2:16

हम प्रार्थना करनू हमार प्रभु यीशु मसीह थैं और हमार पिता परमेश्वर थैं जेले हमूनथैं प्रेम करछ्य, और जेले अपून अनुग्रह का द्वारा हमून अनन्तकाल खिन तसल्ली और उत्तम आश दी रैछ।

1 तीमुथियुस 1:1

यो चिठ्ठी पौलुसा का तरफ भटे छै, मैंस मुक्तिदाता परमेश्वरा का अधिकारा का द्वारा और मसीह यीशु जैमें हम आश राखनू प्रेरित बनून खिन नियुक्त कर रैछ।

तीतुस 1:2

येक कारण उन परमेश्वरा का दगाड़ हमेशा खिन रून की आश करनान, क्याखिनकि परमेश्वर जो कभै झूठ नै बोलूनो, उले संसारा बनून है पैलि वादा करिना को छ्यो कि उक लोग हमेशा खिन ज्यूना रौला।

तीतुस 2:13

हम इसीकैं ब्यवहार करनू जब हम उ दिनो को इन्तजार करूनमर्यान, जैकी हमून आश छै, उ दीन जब यीशु मसीह, जो हमोरो महान परमेश्वर मुक्तिदाता छै, अपूनी पुरी महिमा का दगाड़ संसार में वापस आलो।

तीतुस 3:7

जैले हम उ अनन्त जीवन स पाना की आश राखभेरन जो परमेश्वर ले हमून अपूनी संतान का रूप दीना को वादा करछ्य। और येका बारिमें हम जाण सकनू क्याखिनकि परमेश्वर ले अपून अनुग्रह का द्वारा हमून अपून दगाड़ सही ठैहराछ।

1 पतरस 1:21

जो केले मसीह ले करिना को छै उक कारण तुम अब परमेश्वर में विश्वास करछा। और तुमूले अपूनो विश्वास और आश परमेश्वर में राखिना की छै किलैकी उले मसीह स मरिनान में भटे ज्यूनो कर दीछ और ऊस महिमा दीछ।

1 यहूना 3:3

और जो कोई मसीह की आश राखछो, उ अपून आपस ऊसो पवित्र करछो, जसो उ पवित्र छै।