इफिसियून 4:1 - सोरियाली नय्या नियम

¹ येक कारण मैं जो प्रभु यीशु मसीह की सेवा करना का कारण जेल में छूँ तुमूनथैं विनती करछूँ कि जो बुलाहटाक दगाड़ परमेश्वर ले तुमून अपूनी सन्तान हुन खिन बुला रैछ, उक अनुसार अपूनी जीन्दगी जीया,

इफिसियून 4:1 Iomraidhean Croise

प्रेरितून का काम 9:31

इसीकैं यहूदिया प्रदेश, गलील प्रदेश और सामरिया प्रदेश में विश्वासीन शान्ति मिलछ्य, और प्रभु को डर और पवित्र आत्मा की मद्दत ले भौत लोगून ले प्रभु यीशु में विश्वास करछ्य; और विश्वासीन की मण्डली आत्मिक रूप में उन्नति हुनै रैछ।

रोमियून 11:29

क्याखिनकि परमेश्वर अपून बरदानून वापस नै लीना, और नै बुलाहट कभै अपूनो मन बदलनो।

रोमियून 12:1

येक कारण हे विश्वासी भाईयों, मैं तुमून परमेश्वरे की दया याद दिलाभेरन बिनती करछूँ, कि अपून जीन्दगी स ज्यून और पवित्र, और परमेश्वर स निको लागून वालो बलिदान चढ़ा। परमेश्वरे की सेवा करना को योई सच्चा तरीका छै।

1 कुरिन्थियून 4:16

येक कारण मैं तुमूनथैं बिनती करछूँ, कि म्यारा नियाती मसीह में अपूनो जीवन जीया।

2 कुरिन्थियून 10:1

मैं पौलुस, मसीह की नम्रता और दया का कारण तुम लोगून थैं यो बिनती करून मरयूँ। मैंथैं कुछ लोग कुंनान कि जब मैं तुमार दगाड़ हुछूँ त डरफोक लागछूँ, लेकिन जब मैं दूर हुछूँ त तुमार दगाड़ सख्ती ले पेश ऊँछूँ।

2 कुरिन्थियून 5:20

येक कारण हम मसीहक राजदूत छा; परमेश्वर उक संदेश स ग्रहण करून खिन हमार द्वारा लोगून थैं बिनती करछो। हम मसीहक तरफ भटे बिनती करनू, कि परमेश्वरा का पास आ जा।

2 कुरिन्थियून 6:1

परमेश्वरा का सहकर्मी हुना का नाता हम तुम लोगून थैं यो बिनती करनू कि परमेश्वरो को जो अनुग्रह तुमूनमें होईना को छै, ऊस बेकार नै हुन दी;

गलातियों 4:12

हे म्यारा विश्वासी भाईयों, मैं तुमूनथैं बिनती करछूँ, कि अपूनास नियम-कानून भटे आजाद करा, जसीकैं मैंले करछ्य। क्याखिनकि मैं नियम-कानून भटे उसीकैं आजाद हो गयूँ जसीकैं तुम गैर-यहूदी आजाद भैछा, तुमूनले निकी देखभाल करछय।

इफिसियून 2:10

क्याखिनकि परमेश्वर ले हमून बनाछ, और यीशु मसीह में हमून भल कामून खिन बनाछ, जिनून परमेश्वर ले पैलि भटे हमार करून खिन तैयार कर रैछ।

इफिसियून 3:1

येक कारण, मैं पौलुस तुमून खिन प्रार्थना करछूँ। मैं जेल में छूँ क्याखिनकि मैं तुम गैर-यहूदी लोगून सुसमाचार सुणभेरन यीशु मसीह खिन सेवा करछूँ।

इफिसियून 4:17

येक कारण उ अधिकार का दगाड़ जो प्रभु ले मैंस दी रैछ, मैं तुमून यो बतूछूँ कि, तुम अविश्वासी लोगून का नियाती बेकारा का बिचारून का दगाड़ अपूनी जीन्दगी जन जीया।

इफिसियून 4:4

हम सब विश्वासी एक्कै शरीरा का हिस्सा का नियाती छा, और हम सबून एक्कैई पवित्र आत्मा मिलीना को छै। जसा तरीका ले तुमून एक आश दी राखछी, जब तुमून परमेश्वरा का लोग हुन खिन बुलाई गैछा।

इफिसियून 5:2

मसीह का उदारण में हिटभेरन, तुम एक दुसरा से प्रेम करा, जसीकैं मसीह ले तुमून प्रेम करछो, और हमार पापून दूर करून खिन अपूनास बलिदान कर दीछ। और परमेश्वर येले खुश छ्यो, क्याखिनकि उ बलिदान उ खिन खुशबुदार इत्र का नियाती छ्यो।

फिलिप्पिन 1:27

केवल इतुक करा कि तुमोरो चाल-चलन मसीह का सुसमाचार का अनुसार हो, चाहे मैं तुमून आभेरन देखू या नै देखू, तुमार बारिमें बश यो सुणू कि तुम एक इरादा में मजबूत हो भेरन, और एक मन होभेरन सुसमाचार का विश्वास खिन मेहनत करनै रूछो।

फिलिप्पिन 3:14

लक्ष्य का तरफ दौड़नै जाछूँ, ताकि उ ईनाम पा सकूँ, जैखिन परमेश्वर ले मैंस यीशु मसीह का जरियाले स्वर्ग खिन बुला रैछ।

कुलुस्सियून 1:10

हम यो प्रार्थना करनू ताकि तुम इसीकैं जीवन जीया जसो प्रभु का लोगून जीन चैछो, और तुम हर तरीका ले प्रभु स खुश करला। और हर तरीका भल काम करनै रौला, और परमेश्वरा का ज्ञान में बढ़नै जाला।

कुलुस्सियून 2:6

येक कारण, जैस तुम ले मसीह यीशु स प्रभु करभेरन ग्रहण कर हालछ्य, उसीकैं उमें बनिना का रौ।

कुलुस्सियून 4:12

इपफ्रास, जो तुमार या को छै, और यीशु मसीह को दास छै, तुमून नमस्कार करछो। और हमेशा तुमून खिन लगातार प्रार्थना करछो, जेले तुम लोग सब बातुन में सिद्ध होभेरन पुर विश्वास का दगाड़ परमेश्वर की इच्छा में मजबूत रौ।

1 थिस्सलुनीकियों 2:12

तुम इसो जीवन जीया जैस देखभेरन परमेश्वर खुश हुछो, जो तुमून अपून राज्य और महिमा में भागीदार हुन खिन बुलूछो।

2 थिस्सलुनीकियों 1:11

येक कारण हम हमेशा तुमून खिन प्रार्थना ले करनू, ताकि परमेश्वर तुमून उ जीवन का योग्य बना दे जैस जीन खिन उले तुमून बुला गैछ। और उ अपून सामर्थ का द्वारा तुमेरि हरेक भलि इच्छान और जो कुछ तुम विश्वास ले करून मरेछा उ पुरो हो।

2 तीमुथियुस 1:9

परमेश्वरे ले हमोरो उद्धार करछ्य, और हमून पवित्र जीवन जीन खिन बुलाछ। उले हमून येक कारण नै चुनियो की हमूले भल काम कर्यान, लेकिन अपून मक्शद और उ अनुग्रह का कारण बुलाछ, जैकी योजना परमेश्वरे ले पैलि भटे यीशु मसीह स यो संसार में भेजना का द्वारा बनाईना की छी।

तीतुस 2:10

चोरी-चालाकी जन करून; बल्कि उन साबित करून की उन हमेशा ईमानदार छन, ताकि लोग उनार निका ब्यवहार में ध्यान दीन और जो कुछ ले उन करनान उन लोगून का द्वारा हमार मुक्तिदाता परमेश्वरा का बारिमें संदेश सुणून को कारण बना।

इब्रानियों 3:1

येक कारण, हे म्यारा विश्वासी भाईयो, तुमून स्वर्ग में उक दगाड़ शामिल हुन खिन बुला रैछ, उ प्रेरित और महायाजक मसीह यीशु में ध्यान दी, जो हमून खिन परमेश्वरो को सुसमाचार लीभेरन उनो वालो छै।

1 पतरस 2:11

हे म्यारा विश्वासी भाईयो, तुम यो संसार में परदेशीन और मुसाफिरून की नियाती छा। मैं तुमूनथैं बिनती करछूँ कि उन सबै संसारै की बुरी इच्छान भटे बचा, किलैकी उ खुद तुमार बिरोध में हमेशा लड़नै रूछी।

1 पतरस 3:9

बुराईक बदला बुराई जन करा और नै गाली का बदला गाली दी; लेकिन येका बदला आशीष दी। किलैकी परमेश्वरेले तुमून येक कारण बुला रैछ ताकि तुम दुसरान आशीष दी सका। अगर तुम इसो करछा त परमेश्वर ले तुमून आशीष द्योलो।

1 पतरस 5:10

परमेश्वर जो पुर तरीका ले अनुग्रह ले भरिनाका छन, उले हमून मसीह का दगाड़ हमार रिश्ताका कारण स्वर्ग में उकी अनन्त महिमा में सहभागी हुनखिन हमून बुला रैछ। तुमार थ्वाड़ा बखत खिन दुख सहन करना का बाद, परमेश्वर तुमून मजबूत करोलो, ताकि तुमोरो विश्वास मजबूत हो, और डगमगून वाला नै हो।

2 पतरस 1:3

परमेश्वर ले अपून सामर्थ का द्वारा हमून उ सब कुछ दीछ जो हमून एक इसो जीवन जीन खिन चैछो जो परमेश्वरेस खुश करछो। यो हो सकछो किलैकी हम परमेश्वरेस जाणनू और उ उई छै जैले हमून अपूनी महिमा और भलाई का द्वारा अपून लोग हुन खिन बुला रैछ।

2 यहूना 1:5

अब ये स्यैनिमैंसी मैं तैथैं बिनती करछूँ, कि हमून एक-दुसरा का दगाड़ प्रेम करून चैछो। यो कोई नय्या हुकुम नाहातिन, बल्कि उई हुकुम छै जैस हम उई बखत भटे जाणनू, जब हमून ले मसीह का हुकमून को पालन करून शुरू करछ्य।