इफिसियून 3:9 - सोरियाली नय्या नियम

⁹ क्याखिनकि परमेश्वर ले यो सब चीजून संसारा बनून है गुप्त राखिना का छ्या, ताकि उनून अब मैं तुम सबून में प्रगट कर सकूँ।

इफिसियून 3:9 Iomraidhean Croise

मत्ती 10:27

जो मैं तुमूनथैं अन्यारा में कुछूँ, ऊस तुम उज्याला में कया, और जो ले तुम कान लगाभेरन सुणछा, ऊस छत में चढ़भेरन प्रचार करा।

मत्ती 13:35

परमेश्वरो को संदेश दिनवाला का जरिये कईनाकि बात पुरी भैछ। “मैं कहानी सुणून खिन अपूनी मुँख खोललो, संसारा का शुरूवाद भटे जो बात छिपीना की छै, उनून प्रगट करोलो।”

मत्ती 25:34

तब प्रभु अपून दैन तरफ वालान थैं कलौ, ‘हे म्यारा स्वर्गीय पिता धन्य लोगो, आ, उ राज्य का अधिकारी होज्या, जो संसारा का पैलि भटे तुमून खिन तैय्यार करिना को छै।

मत्ती 28:19

येक कारण तुम जा, सब जातिन का लोगून शिष्य बना; और उनून पिता, और पुत्र, और पवित्र आत्मा का नाम ले बपतिस्मा दीया,

लूका 24:47

और यरूशलम शैहर भटे लीभेरन सब जातिन में पापून की माफी खिन पश्चताप करना को सुसमाचार को प्रचार उक नामेंले करि जालो।

यहूना 10:30

मैं और पिता परमेश्वर एक्कै छा।”

यहूना 5:17

यो बात में यीशु ले उनूनथैं क्योछ, “म्येरो पिता परमेश्वर हमेशा काम करछ्यो और मैंस ले काम करूँ चैछो।”

यहूना 5:19

यो बात में यीशु ले उनूनथैं क्योछ, “मैं तुमूनथैं सच्ची-सच्ची कुछूँ, मैं खुद के नै कर सकनू, केवल मैं जो पिता परमेश्वर करून देखछूँ, क्याखिनकि जिन-जिन कामून उ करछ्यो, मैंले उनून उई तरीका ले करछूँ।

प्रेरितून का काम 15:18

योई प्रभु कुंछो जो संसाराक शुरूवाद भटे इन बातुन को समाचार दीनै आ र्योछ।’

रोमियून 11:25

हे म्यारा विश्वासी भाईयों, मैं नै चांनू की तुम यो भेद भटे अनजान रौ, इसो नै हो की तुम अपून मलि में घमंड करून लागा, यो सच्ची छै की इस्राएला का लोग विश्वास करून खिन तैय्यार नाहातिन, लेकिन जब परमेश्वर में विश्वास करूनवाला गैर-यहूदी लोगून की संख्या पुर है जालि, त इस्राएला का लोग विश्वास कराला और परमेश्वरा का पास वापस आ जाला।

1 कुरिन्थियून 2:7

लेकिन जो ज्ञान की हम बात करनू, उ ज्ञान परमेश्वरो को ज्ञान छै जो लुकीना को छ्यो। अब तक कोई ले येस नी जाण छ्यो। लेकिन संसाराक बनून है पैलि उले अपून ज्ञान ले फैसला करिना को छ्यो कि हम उकी महिमा में भागीदार हूला।

इफिसियून 1:4

खाशकर मसीहाक दगाड़ हमरि एकता का कारण परमेश्वर ले हमून यो संसारे स बनून है पैलिक चुन लीछ। ताकि हम उक सामुनि पवित्र और निर्दोष हो।

इफिसियून 3:2

तुम लोगून ले जरूर सुण होलो, कि परमेश्वर ले अपून अनुग्रह का द्वारा तुमून सुसमाचार सुणूना की मैंस जिमेदारी दी रैछ।

इफिसियून 6:19

और तुम मैं खिन ले प्रार्थना कर्या, ताकि बोलून बखत मैंस इसो बचन दी जून कि, ताकि मैं हिम्मतले सुसमाचार को भेद बता सकूँ।

कुलुस्सियून 1:23

अगर तुम मसीह में विश्वास करछा, त तुमोरो विश्वास उमें मजबूत रून चैछो, ठीक उ घरा का नियाती जो मजबूत बुनियाद में बनिना को छै। और हमून उ सुसमाचार में विश्वास करभेरन जो उमीद हमून मिलछी उ जन छोड़ा। जैको प्रचार पुर संसार का लोगून में करि ग्योछ, और सुसमाचार को प्रचार करून खिन, मैं पौलुस सेवक बन्यूँ।

कुलुस्सियून 1:26

मतलब उ गुप्त बाते स जो सदियून भटे और पीढ़ीन भटे गुप्त रैछ, लेकिन अब परमेश्वरा का लोगून में प्रगट भ्योछ।

कुलुस्सियून 3:3

क्याखिनकि तुम त अपून पापी स्वभाव में मर गैछ्या, और तुमोरो नय्या जीवन मसीह का दगाड़ परमेश्वर में लुकीना को छै।

कुलुस्सियून 4:3

और येक दगाड़ हमून खिन ले प्रार्थना करनै रया, कि परमेश्वर हमून खिन वचन सुणना को इसो द्वार खोलि द्यो, कि हम मसीह का उ भेद बता सकाँ जैका कारण में जेल में छूँ,

2 थिस्सलुनीकियों 2:13

हे म्यारा विश्वासी भाईयों, हमोरो तुमून खिन परमेश्वरा का सामुनि हमेशा धन्यवाद दीनो सही छै। तुम प्रभु का प्रिय छा क्याखिनकि परमेश्वर ले दुनिया का बनून है पैलि भटे पवित्र आत्मा का द्वारा पाप भटे अलग करभेरन और सच्ची में तुमार विश्वास का कारण उद्धार खिन तुमून चुन लीछ।

1 तीमुथियुस 3:16

और येमें कोई शक नाहातिन की जो शिक्षा परमेश्वर दी राख्यान उन पुर तरीका ले सही छन, मतलब मसीह आदिमी का रूप में प्रगट भ्योछ, यो उक बारिमें पवित्र आत्मा का द्वारा साबित भ्योछ कि उ परमेश्वरो को च्योलो छै, स्वर्गदूतून ले ऊस देखछ्य, और प्रेरितून ले उक बारिमें सुसमाचार सब जातिन में सुणाछ, और संसारा का सब जातिका लोगून ले उमें विशवास करछ्य, और परमेश्वर ले ऊस स्वर्ग में उठा लीछ।

2 तीमुथियुस 1:9

परमेश्वरे ले हमोरो उद्धार करछ्य, और हमून पवित्र जीवन जीन खिन बुलाछ। उले हमून येक कारण नै चुनियो की हमूले भल काम कर्यान, लेकिन अपून मक्शद और उ अनुग्रह का कारण बुलाछ, जैकी योजना परमेश्वरे ले पैलि भटे यीशु मसीह स यो संसार में भेजना का द्वारा बनाईना की छी।

2 तीमुथियुस 4:17

पर प्रभु म्योरो मद्दतगार र्योछ, और मैंस सामर्थ दीछ ताकि मैं उ कचैरी में मजुद सब गैर-यहूदीन पुर तरीका ले यीशु मसीहक बारिमें सुसमाचार स सुणा सकयू, और मैंस मौत है ले बचाछ।

तीतुस 1:2

येक कारण उन परमेश्वरा का दगाड़ हमेशा खिन रून की आश करनान, क्याखिनकि परमेश्वर जो कभै झूठ नै बोलूनो, उले संसारा बनून है पैलि वादा करिना को छ्यो कि उक लोग हमेशा खिन ज्यूना रौला।

1 पतरस 1:20

यो संसारे स बनून है पैलि, परमेश्वरेले पैलि है यो तय करिनाको छ्यो कि यीशु मसीह यो संसारो को मुक्तिदाता होलो। लेकिन उ तुमेरि मद्दत करून खिन इन अंतिम दिनून में यो संसार में आछ।

प्रकाशितवाक्य 13:8

संसारा का सब लोग उकी पूजा करून लाग्यान। सिर्फ उनी लोगून ले उकी पूजा नै करि जिनारा नाम संसारा बनून है पैलि जीवन की किताब में लिखीना का छ्या। यो जीवन की किताब उ मेम्ना की किताब छै जैस बलिदान का रूप मारिना को छ्यो।

प्रकाशितवाक्य 14:6

फिर मैंले एक स्वर्गदूत स आकाश का बीच में उड़ून देखछ्य, उ स्वर्गदूता का पास उ सुसमाचार छ्यो जो कभै नै बदलनो, उ संसार में रूनवालान लोगून खिन, हरेक जाति, और हरेक कुल, और सब भाषान में येकी घोषणा करछ्य।

प्रकाशितवाक्य 17:8

जो जानवर स तैले एल देखछ्य, एक बखत ज्यून छ्यो, लेकिन अब ज्यून नाहातिन; उ गैरा गड्डा भटे भ्यार उनवालो छै और परमेश्वर ऊस पुर तरीका ले नाश कर द्योलो; और संसारा का लोग जिनारा नाम संसार बनून है पैलि जीवनै की किताब में नै लिख रै, उन सब हैरान हो जाला जब उन यो जानवरै स देखाला। जो एक बखत ज्यून छ्यो; अब उ ज्यून नाहातिन; लेकिन उ फिर वापस आ जालो।

प्रकाशितवाक्य 4:11

“हे हमार प्रभु परमेश्वर, तैले सब चीजून बनाईना को छै। तेरि इच्छा का अनुसार, उन बनाई ग्यान और उन अस्तित्व में छन। योई कारण तैं महिमा और आदर और सामर्थ का योग्य छै।”