इफिसियून 3:5 - सोरियाली नय्या नियम

⁵ यह गुप्त भेद पैलि पीढ़ीन का लोगून नै बताई ग्योछ, अब पवित्र आत्मा ले अपून पवित्र प्रेरितून और परमेश्वरा का संदेश दिनवाला लोगून में प्रगट करछ्य।

इफिसियून 3:5 Iomraidhean Croise

मत्ती 13:17

क्याखिनकि मैं तुमूनथैं सच्ची कुंछू, भौत परमेश्वरो को संदेश दिनवाला और धर्मी लोग चाँछ्या कि जो बातुन तुम देखछ्या उन देखून चाँछ्या, लेकिन नै देख पाया; और जो बात तुम सुणछा, उन सुणून चाँछ्या लेकिन नै सुण पाया।

मत्ती 20:7

उले उनूनथैं क्योछ, ‘तुमूनले अंगूर का बगीच में जा और काम करा।’

मत्ती 23:34

येक कारण में तुमार पास परमेश्वरो को संदेश दिनवालान और बुद्धिमानून और मूसा का नियम सिखून वालान भेजछूँ; और तुम उनूनमें भटे कुछ लोगून मार डालला और सूली में चढ़ाला, और कुछ लोगून यहूदी सभाघरून में कोड़ा लगाभेरन एक शैहर भटे दुसारा शैहर खदेड़ला।

लूका 10:24

क्याखिनकि मैं तुमूनथैं कुछूँ कि परमेश्वरो को संदेश दिनवाला भौत लोग और राजान ले लै चाँछ कि जो बात तुम देखून मरछा उन ले देखन चाँछ्या, लेकिन नै देखी पाया, और जो बात तुम सुणछा, उन सुणन चाँछ्या लेकिन नै सुण पाया।

लूका 11:49

येक कारण परमेश्वर की बुद्धि ले क्योछ, कि मैं उनार पास मेरो संदेश दिनवालान और प्रेरितून भेजूलो, और उन इनून में भटे कुछ मार डालला, और कुछ लोग सताला।

यहूना 14:26

लेकिन मद्दगार मतलब पवित्र आत्मा जैस पिता परमेश्वर म्यारा अधिकार का दगाड़ भेजोलो, पवित्र आत्मा तुमून सब बातुन सिखालो, और जेलै मैंले तुमूनथैं कै रैछ, उ सब तुमून याद करालो।”

यहूना 16:13

लेकिन जब उ मतलब सत्य को आत्मा आलो, जो पवित्र आत्मा छै, उ परमेश्वरा का बारिमें सत्य प्रगट करछो, क्याखिनकि उ अपून अधिकार ले नै कलौ, लेकिन जो कुछ परमेश्वरा का तरफ भटे सुणोलो, उई कलौ, और ऊँन वाली बातुन तुमून बतालो।

प्रेरितून का काम 10:28

“तुम जाणछा कि हम यहूदीन खिन कोई गैर-यहूदी का दगाड़ रिशता राँखून या उनार घर में जान मना छै, हम यहूदी लोगूनका नियमाक खिलाफ छै लेकिन परमेश्वरेले मैंस बताछ कि मैं कोई आदिमी स अशुद्ध नै कुँ।

रोमियून 16:25

अब तुमून म्येरो सुसमाचार जो यीशु मसीह का बारिमें छै, तुमून प्रचार करभेरन विश्वास में मजबूत कर सकछो। किलैकी यो सुसमाचार सदियून भटे लुका भेरन राखिनाको छ्यो।

1 कुरिन्थियून 2:10

परमेश्वर ले इन बातुन हमून में मतलब प्रेरितून में इन चीजून अपूनो पवित्र आत्मा का द्वारा प्रकट करछ्य। क्याखिनकि पवित्र आत्मा भटे कैले लुकीना को नाहातिन, उ हर बात स जाँच करछो, या तक कि परमेश्वरो को मक्शद स ले जो अब तक लोगून मालूम नी छ्यो।

इफिसियून 2:20

एक दगाड़, हम उको घर छा, जो कि प्रेरितों और परमेश्वरो को संदेश दिनवाला लोगून की नींव में बनिना को छै। और येको कुना को ढूंगो खुद यीशु मसीह छै।

इफिसियून 3:9

क्याखिनकि परमेश्वर ले यो सब चीजून संसारा बनून है गुप्त राखिना का छ्या, ताकि उनून अब मैं तुम सबून में प्रगट कर सकूँ।

2 पतरस 3:2

मैं इसो येक कारण करून मरैयू किलैकी मैं चाछूँ कि तुम उन बचनून याद राखा, जो परमेश्वरो को संदेश दिनवाला लोगून ले भौत पैलि कईना को छ्यो और हमार मुक्तिदाता, हमार मुक्तिदाता, प्रभु यीशु मसीह की शिक्षान याद राखा जो तुमून उन प्रेरितून ले शिक्षा दीयान जो तुमार पास आयान।

यहूदा 1:17

लेकिन हे म्यारा विश्वासी भाईयों, तुम उन बातुन याद राखा; जो हमार प्रभु यीशु मसीह का प्रेरित भौत पैलिक बता चुकियान।