इफिसियून 3:4 - सोरियाली नय्या नियम

⁴ जसो तुम उ चिठ्ठी स पढ़ला, त तुमून यो ले पत्तो चलोलो कि मैं सच्ची में मसीह का गुप्त भेदून का बारिमें कतुक निकी कै समझछूँ।

इफिसियून 3:4 Iomraidhean Croise

मत्ती 13:11

तब यीशु ले जबाब दीछ, “यो येक कारण कि तुमून स्वर्ग का राज्य को गुप्त भेद की समझ दी रैछ, लेकिन उनून नै।

लूका 8:10

यीशु ले क्योछ, “तुमून परमेश्वरा का राज्य को गुप्त भेद की समझ दी रैछ, लेकिन औरून कहानी में सुणाई जाछो, येक कारण पवित्रशास्त्र लिखीना को छै, कि उन देखनान त सही पर उन पछ्याण नै पान, उन सुणनान, त सही पर समझ नै सकना।

रोमियून 11:25

हे म्यारा विश्वासी भाईयों, मैं नै चांनू की तुम यो भेद भटे अनजान रौ, इसो नै हो की तुम अपून मलि में घमंड करून लागा, यो सच्ची छै की इस्राएला का लोग विश्वास करून खिन तैय्यार नाहातिन, लेकिन जब परमेश्वर में विश्वास करूनवाला गैर-यहूदी लोगून की संख्या पुर है जालि, त इस्राएला का लोग विश्वास कराला और परमेश्वरा का पास वापस आ जाला।

रोमियून 16:25

अब तुमून म्येरो सुसमाचार जो यीशु मसीह का बारिमें छै, तुमून प्रचार करभेरन विश्वास में मजबूत कर सकछो। किलैकी यो सुसमाचार सदियून भटे लुका भेरन राखिनाको छ्यो।

1 कुरिन्थियून 13:2

और अगर में भविष्यवाणी कर सकूँ, और सब भेदून और सब प्रकारा ज्ञान समझछूँ, याँ तक कि मैंस परमेश्वर में पुरो विश्वास छै, कि मैं पहाड़ून हटा सकछूँ, लेकिन दुसरान प्रेम नै करनू त मेरि कोई कीमत नाहातिन।

1 कुरिन्थियून 4:1

येक कारण लोग हमून मसीहक सेवक समझनान, जिनून परमेश्वरा का बचुन का गुप्त भेदून समझून खिन जिमेदारी सौंप रैछ।

2 कुरिन्थियून 11:6

माना कि मैं बोलून में निपूण नाहातिनू, लेकिन म्यारा पास मसीह और सुसमाचार का बारिमें ज्ञान छै। बल्कि येको प्रमाण हम सब तरीका ले और हर प्रकारै की बातुन में तुमून लोगून दी चुक ग्या।

इफिसियून 1:9

परमेश्वरे ले उई करछ्य, जो उले गुप्त राखिना को छ्यो, और हमून उ गुप्त योजना का बारिमें बातछ जैस उले पैलि मसीहक द्वारा पुरो करना को फैसला लीछ।

इफिसियून 3:3

जैस मैंले यो बारिमें पैलि भटे कुछ शब्द लिखीना का छ्या, कि परमेश्वर ले खुद ऊस गुप्त योजना स मैंस दिखाछ।

इफिसियून 3:9

क्याखिनकि परमेश्वर ले यो सब चीजून संसारा बनून है गुप्त राखिना का छ्या, ताकि उनून अब मैं तुम सबून में प्रगट कर सकूँ।

इफिसियून 5:32

यो एक भौत गैर भेद छै, लेकिन मैं यो समझू छू कि यो मसीह और उकी विश्वासीन कि मण्डली का तरफ इशारा करछो।

इफिसियून 6:19

और तुम मैं खिन ले प्रार्थना कर्या, ताकि बोलून बखत मैंस इसो बचन दी जून कि, ताकि मैं हिम्मतले सुसमाचार को भेद बता सकूँ।

कुलुस्सियून 1:26

मतलब उ गुप्त बाते स जो सदियून भटे और पीढ़ीन भटे गुप्त रैछ, लेकिन अब परमेश्वरा का लोगून में प्रगट भ्योछ।

कुलुस्सियून 2:2

मैं इसो येक कारण करछूँ, ताकि तुमोरो विश्वास मजबूत हो जौ, और मैं चाछूँ कि उनून पुरो भरोसा हो क्याखिनकि उनून परमेश्वरो को गुप्त रहस्य की पुरी समझ छै, जो खुद मसीह छै।

कुलुस्सियून 4:3

और येक दगाड़ हमून खिन ले प्रार्थना करनै रया, कि परमेश्वर हमून खिन वचन सुणना को इसो द्वार खोलि द्यो, कि हम मसीह का उ भेद बता सकाँ जैका कारण में जेल में छूँ,

1 तीमुथियुस 3:16

और येमें कोई शक नाहातिन की जो शिक्षा परमेश्वर दी राख्यान उन पुर तरीका ले सही छन, मतलब मसीह आदिमी का रूप में प्रगट भ्योछ, यो उक बारिमें पवित्र आत्मा का द्वारा साबित भ्योछ कि उ परमेश्वरो को च्योलो छै, स्वर्गदूतून ले ऊस देखछ्य, और प्रेरितून ले उक बारिमें सुसमाचार सब जातिन में सुणाछ, और संसारा का सब जातिका लोगून ले उमें विशवास करछ्य, और परमेश्वर ले ऊस स्वर्ग में उठा लीछ।

1 तीमुथियुस 3:9

उनार पास साफ जमीर हुन चैछो, जब उन यो बात में विश्वास करनै रूनान कि परमेश्वर दीईना का शिक्षा सत्य छन।