इफिसियून 3:1 - सोरियाली नय्या नियम

¹ येक कारण, मैं पौलुस तुमून खिन प्रार्थना करछूँ। मैं जेल में छूँ क्याखिनकि मैं तुम गैर-यहूदी लोगून सुसमाचार सुणभेरन यीशु मसीह खिन सेवा करछूँ।

इफिसियून 3:1 Iomraidhean Croise

लूका 21:12

यीशु ले फिर क्योछ, “तुम सतर्क रौ, इन बातुन है पैलि लोग म्यारा नामाका कारण तुमोरो विरोध कराला और तुमून पकड़ भेरन सताला, और न्यायालय में सौंप द्याल, और जेल में डाल द्याला, और राजान और मंत्रीन का सामुनि लै ठाँड़ करि जाला।

प्रेरितून का काम 21:33

तब अधिकारी ले पौलुसाक पास आभेरन पकड़ लीछ; ऊस द्वी जंजीरून ले बादनाको हुकुम दीभेरन लोगूनथैं पुछ्छै कि यो को छै और येले कि कर रैछ?

प्रेरितून का काम 23:18

येक कारण सुबदार पौलुसाक भानजास सेनाक सेनापति पास ली ग्योछ और कुन लागछै, “कैदी पौलुसले मैंस अपून पास बुलाभेरन क्योछ, कि यो जवान स मैं तुमारा पास ल्यू, क्याखिनकि यो तुमून के कुन चांछो”

प्रेरितून का काम 26:29

तब पौलुसले क्योछ, “परमेश्वरथैं मेरि प्रार्थना यो छै, कि जल्दी ले याँ देर ले, केवल तैंई नै, पर जदुक लोग आज मेरि बात सुणनान, म्यारा यो कैद स छोड़िभेरन, उन म्यारा समान मसीह विश्वासी बन जूंन।”

प्रेरितून का काम 9:15

लेकिन प्रभु ले उथैं क्योछ, “तैं जा, क्याखिनकि मैंले ऊस गैर-यहूदी और राजान और इस्राएली लोगून का सामुनि म्यारा बारिमें प्रचार करून खिन म्येरो चुनिना को जन छै।

2 कुरिन्थियून 1:6

अगर हमून में मुसीबत ऊँछी, त यो तुमेरि शान्ति और उद्धार खिन छै और अगर हम शान्ति पानू, त यो तुमेरि शान्ति खिन छै; जैक द्वारा तुम धैर्य ले उन मुसीबतून सहन कर लीछा, जिनून हम ले सहन करनू।

2 कुरिन्थियून 10:1

मैं पौलुस, मसीह की नम्रता और दया का कारण तुम लोगून थैं यो बिनती करून मरयूँ। मैंथैं कुछ लोग कुंनान कि जब मैं तुमार दगाड़ हुछूँ त डरफोक लागछूँ, लेकिन जब मैं दूर हुछूँ त तुमार दगाड़ सख्ती ले पेश ऊँछूँ।

2 कुरिन्थियून 11:23

क्या उनी मसीह का सेवक छनी? मैं पागल आदिमी का नियाती कुछूँ, मैं उनून है कई बढ़भेरन सेवक छूँ। मैंले उनून कई ज्यादा मेहनत करिना को छै, उनून है कई ज्यादा जेल में जाईना को छूँ, भौत बार मारी गयूँ, और हमेशा मैंस मौतो को सामना करून पड़छ्य।

गलातियों 5:11

लेकिन हे म्यारा विश्वासी भाईयों, मैं प्रचार करछूँ कि खतना करून जरूरी नाहातिन, और येक कारण मैंस यहूदी लोग बार-बार सतूनान। अगर मैं मसीह का मौत का बारिमें प्रचार करना का बजाय यो प्रचार करनू कि लोगून को खतना हुनो जरूरी छै, तो मैं यहूदीन खिन अपमान को कारण नी हुनू।

गलातियों 5:2

मैं पौलुस तुमूनथैं कुंनमर्यू, ऊस ध्यान ले सुणा, कि परमेश्वरे की नजरून में धर्मी बनून खिन खतना कराला, त मसीह ले जो करिना को छै, उले तुमून कैले फैदा नी होलो।

गलातियों 5:24

जो लोग यीशु मसीह का दगाड़ रिशता राखनान त उन अपून पापी स्वभाव का अनुसार जीवन नै जीना। यो इसो छै जसीकैं उनूनले अपून पापी स्वभाव स माना सूली में चढ़ा दी हो।

इफिसियून 3:11

परमेश्वर ले अपून योजना का अनुसार इसो करछ्य, जैले उले हमार प्रभु यीशु मसीह यीशु का द्वारा पुरो करछ्य।

इफिसियून 3:13

येक कारण मैं विनती करछूँ कि जो दुख तुमून खिन मैंस होर्यान, उक कारण निराश नै हुन चैछो, क्याखिनकि यो सब तुमार फैदा खिन छै।

इफिसियून 3:8

मैं परमेश्वरा का सब लोगून में सबून है नानो छूँ। लेकिन परमेश्वरो को अनुग्रह मैंमें भ्योछ, और मैं गैर-यहूदी लोगून सुसमाचार सुणू, कि मसीह भटे हमून जो आशीष मिलछी, उ हमार समझ है भ्यार छै।

इफिसियून 4:1

येक कारण मैं जो प्रभु यीशु मसीह की सेवा करना का कारण जेल में छूँ तुमूनथैं विनती करछूँ कि जो बुलाहटाक दगाड़ परमेश्वर ले तुमून अपूनी सन्तान हुन खिन बुला रैछ, उक अनुसार अपूनी जीन्दगी जीया,

इफिसियून 6:20

येक कारण मैं जंजीरून में जकड़ीना को राजदूत का नियाती सेवा करछूँ। प्रार्थना करा कि, जसा तरीका ले मैंस बोलून चैछो, उसीकैं मैं हिम्मत का दगाड़ सुसमाचार को प्रचार कर सकूँ।

फिलिप्पिन 1:7

तुम सबून का बारिमें मेरि यो राई ठीक छै, क्याखिनकि मैं तुमून भौत प्रेम करछूँ, और मैं या जेल में छूँ, और सुसमाचार की सच्चाई ले जबाब दीन खिन और सच्च साबित करून खिन तुम सब म्यारा दगाड़ परमेश्वरा का अनुग्रह में सहभागी छा।

कुलुस्सियून 1:24

अब मैं उन दुखून का कारण जो तुमार खिन सहन करूमरयूँ, आनन्द मानछूँ। मैं उनार शरीर, मतलब विश्वासीन की मण्डली खिन अपून शरीर में दुखून सहन करछूँ जसो मसीह ले सहन करछ्य।

कुलुस्सियून 4:18

मैं पौलुस अपून हात ले चिठ्ठी में तुमून नमस्कार लिखछूँ। याद राँख्या मैं जेल में छूँ, और मैं खिन प्रार्थना कर्या। मैं प्रार्थना करछूँ कि परमेश्वरो को अनुग्रह तुमून में हुनै रौ। आमीन।

कुलुस्सियून 4:3

और येक दगाड़ हमून खिन ले प्रार्थना करनै रया, कि परमेश्वर हमून खिन वचन सुणना को इसो द्वार खोलि द्यो, कि हम मसीह का उ भेद बता सकाँ जैका कारण में जेल में छूँ,

2 तीमुथियुस 1:16

उनेसिफुरूस का घराना में प्रभु दया करो, क्याखिनकि उले म्यारा पास आभेरन मेरि भौत मद्दत करछ्य, और याँ जेल में मैंथैं मिलभेरन शर्मिन्दा नै भ्यो।

2 तीमुथियुस 1:8

येक कारण तैं हमार प्रभु यीशु मसीह का बारिमें बतून में शर्मिन्दा जन हो, और नै तैंस यो बात में शर्म उनी चैछी मैं उकी सेवा करून में कैद में छूँ, बल्कि तैंस उ सामर्थ को इस्तमाल करून चैछो, जो परमेश्वर तैंस दीछो, और तैंस म्यारा दगाड़ उन दुखून में शामिल ले हुन चैछो, जो मैं सुसमाचार कारण सहन करून मरयू।

फिलेमोन 1:1

मैं पौलुस यो चिठ्ठी लिखूनमरयूँ। मैं यीशु मसीह की सेवा का कारण जेल में बन्द छूँ। और हमोरो दगड़िया विश्वासी तीमुथियुस तुमून नमस्कार करछो। हे प्रिय भाई फिलेमोन मैं तैंस चिठ्ठी लिखूनमरयूँ।

फिलेमोन 1:23

इपफ्रास, जो मसीह यीशु में म्यारा दगाड़ जेल में छै,

प्रकाशितवाक्य 2:10

उन दुखून भटे जन डर जो तैंस मिलाला। शैतान तुम में भटे थ्वाड़ा लोगून जेलखान में डालून वाला छै ताकि उ तुमेरि परीक्षा कर सको। तुम दस दिनून तक भौत मुसीबतून में रौला। पर मैंमें विश्वास करूनो कभै नी छोड़ला, चाहे तुमून मरनोई क्याखिन नै पड़ो, किलैकी मैं तुमून तुमेरि जीत को ईनामा का रूप में अनन्त जीवन द्यूलो।