इफिसियून 2:5 - सोरियाली नय्या नियम

⁵ जब हम पापून का कारण मरिनाका लोगून का नियाती छ्या, त उले मसीह का दगाड़ हमार रिशता का कारण हमून आत्मिक जीन्दगी पान योग्य बनाछ। परमेश्वरा का अनुग्रह ले तुमोरो उद्धार भ्योछ।

इफिसियून 2:5 Iomraidhean Croise

लूका 15:24

क्याखिनकि मैंले सोचछै कि म्यार यो च्योलो मरि ग्योछ, उ मर्यो को नी छ्यो, लेकिन यो हरै ग्योछ, जो अब मिली ग्योछ। और उन सब उकी मिलना की खुशी मनून लाग्यान।

यहूना 5:21

क्याखिनकि जसकैं पिता परमेश्वर मरिना का लोगून फिर ज्यूनो करछो, उसीकैं मैंले जिनून चांछूँ, उनून फिर ज्यून करछूँ।

यहूना 6:63

परमेश्वर की आत्माई छै, जो जीवन दिनवालो छै, लेकिन शरीर नै दी सकूनो, जो बात मैंले तुमूनथैं कईना का छन उन पवित्र आत्मा ले बोली जानान, जो बात मैंले तुमूनथैं कईना का छन, उ आत्मा और जीवन ले छै।

प्रेरितून का काम 15:11

होई, “इसो करून ठीक नाहातिन, लेकिन हमोरो विश्वास त यो छै कि जसकैं उन प्रभु यीशु का अनुग्रह का द्वारा उद्धार पाला; उसीकैं हम ले पाला, ना कि मूसा का नियम-कानून को पालन करना ले उद्धार पाला।”

रोमियून 16:20

परमेश्वर जो शान्ति को दाता छै, उ शैतान स नाश कर द्योलो और तुमार अधीन कर द्योलो। हमार प्रभु यीशु मसीह को अनुग्रह तुमून में हुनै रौ।

रोमियून 3:24

लेकिन परमेश्वरा का अनुग्रह ले यीशु मसीहा का द्वारा हमार पापून की सजा भटे बचिया, और हमार के करि बिना परमेश्वर घोषित करछो की हम धर्मी छै।

रोमियून 4:16

येक कारण लोगून ले विश्वासा का द्वारा परमेश्वरो को वादा हासिल करछ्य। इसो येक कारण हुछो ताकि वादा अनुग्रह ले हासिल हो। तब अब्राहम की सब संतानून को उ वादा पुरो हो सकछो। यो केवल उनून खिन नाहातिन जो मूसा का नियम-कानून का अधीन रूनान, बल्कि हरेक उ आदिमी खिन छै जो अब्राहमाक नियाती विश्वास में जीछो, जो हम सबून को पुरखा छन।

रोमियून 5:10

किलैंकी जब हम परमेश्वरा का दुश्मन छ्या, त परमेश्वरा का दगाड़ हमोरो मेल-मिलाप उक च्याला यीशु मसीहक मरना का द्वारा भ्योछ, अब परमेश्वरा का दगाड़ मेल-मिलाप हो जानाक बाद उक द्वारा जरूर हमोरो उद्धार होलो किलैकी मसीह ज्यूनो छै।

रोमियून 5:6

क्याखिनकि जब हम कमजोर छ्या, त मसीह उ बखत हम पापी लोगून खिन मरछै, जै बखत स परमेश्वरे ले चुनिनाको छ्यो।

रोमियून 5:8

लेकिन परमेश्वर हमून में अपून प्रेम की भलाई यो तरीका ले प्रकट करछो, की जब हम पापी छ्या तभै यीशु मसीह हमून खिन मरछै।

रोमियून 8:2

पवित्र आत्मा जो मसीह यीशुक तरफ भटे उछो और तुमून जीवन द्योलो और तुमून पाप और मौत भटे मुक्त करोलो।

2 कुरिन्थियून 13:14

मैं प्रार्थना करछूँ कि प्रभु यीशु मसीह को अनुग्रह और परमेश्वरो को प्रेम और पवित्र आत्मा की संगति तुम सब का दगाड़ हुनै रौ।

इफिसियून 2:1

पैलि जब तुमूले परमेश्वरा का तरफ भटे नय्या जीन्दगी नी पाईना को छ्यो; त तुम अपून बुरा काम और पापून का कारण तुम मरिना का लोगून का नियाती छ्या।

इफिसियून 2:8

क्याखिनकि जब तुमूनले विश्वास करछ्य त परमेश्वरले अपून अनुग्रह ले तुमोरो उद्धार करछ्य, और यो तुमेरि तरफ भटे नाहातिन, बल्कि परमेश्वरो को दान छै।

इफिसियून 5:14

येक कारण एक कहावत छै, जो यो बतूछी, “हे पड़ून वालों, जाग! और मुर्दान में भटे ज्यून हो जा; त मसीह अपूनो उज्यालो तुम में चमकालो।”

कुलुस्सियून 2:13

और उले तुमून ले, जो अपून अपराधून, और खतना का नियाती तुमार बुरा स्वभाव काटि नै ग्योछ, परमेश्वर ले हमार सब पापून माफ करभेरन मसीह का दगाड़ ज्यून करछ्य।

तीतुस 2:11

उन विश्वासीन इसीकैं सिखौ, किलैंकी परमेश्वर ले सब लोगून को पाप भटे उद्धार को बाटो दिखाभेरन अपूनो अनुग्रह उनूनमें करछ्य।

तीतुस 3:5

उनूनले हमून पापून का सजा भटे छुड़ाछ, यो हमार द्वारा करिना का भल कामून का कारण नै जो हमूले कर्यान, उले अपूनी दया का अनुसार, हमार पापून धोभेरन दूर कर्यान। और पवित्र आत्माक द्वारा हमून नय्या स्वभाव और नय्या जीवन दीछ।

प्रकाशितवाक्य 22:21

मैं प्रार्थना करछूँ कि प्रभु यीशु परमेश्वरा का लोगून में अनुग्रह करौ। आमीन।