इफिसियून 2:3 - सोरियाली नय्या नियम

³ हम ले उनेरि नियाती जीन्दगी जी छ्या, और अपून पापी आदतून की इच्छान पुरो करछ्या, और जो ले हमरि बुरी इच्छा और बिचार हमून थैं करून चाँछ्या हम उक अनुसार जीन्दगी जी छ्या और दुसारा लोगून की नियाती आदतून ले बुरा छ्या, और परमेश्वरा को क्रोधा का बश में छ्या।

इफिसियून 2:3 Iomraidhean Croise

मरकुस 4:19

पर यो जीन्दगी चिन्ता, और धन-दौलत और दुसारा चीजून को लालच परमेश्वरा का बचन में रूकावट डालछी। और उक जीन्दगी में बचन कै काम नै कर पानो।

यहूना 1:13

उ नै त ईजा-बबा का इच्छा ले, नै शरीराक इच्छा ले, और नै एक आदिमी संतान प्राप्ती का इच्छा ले, लेकिन परमेश्वर की इच्छा उत्पन्न होईना का छै।

यहूना 8:44

तुम अपून बबा शैतान भटे छा, और अपून बबा मरजी स पुरो करून चाछा। उ त शुरू भटे हत्यारो छै, और उको सच्चाई भटे केले लीन-दिन नाहातिन; जब उ झूठ बोलछो, अपून स्वभाव कारण बोलछो, क्याखिनकि उ झूठ्ठो छै, बल्कि झूठ्ठो को बबा छै।

प्रेरितून का काम 14:16

उनूनले बितिनाक बखत में सब जाति का लोगून अपून-अपून बाँट में हिटून दीछ।

रोमियून 1:24

येक कारण परमेश्वरे ले उनून उनार मन कि अभिलाषानक अनुसार अशुद्धता खिन छोड़ दीयान, कि उन आपस में बुर कामून में अपून शरीरो को अनादर करून।

रोमियून 11:30

क्याखिनकि जसो गैर-यहूदी लोगून ले पैलि परमेश्वरा का हुकमो को पालन नै कर्यो, लेकिन इस्राएली लोगून को हुकमो को पालन नै करना ले, अब गैर-यहूदी लोगून में दया भैछ।

रोमियून 13:14

लेकिन प्रभु यीशु मसीह तुमोरो कवच बन जौ, और पापी स्वभाव की इच्छान पुर करना की कोशिश जन करा।

रोमियून 2:14

फिर गैर-यहूदी लोग जिनारा पास मूसा का नियम-कानून नाहातिन, उन स्वभाव है मूसा का नियम-कानून में लिखीना की बातुन करनान, तो मूसा का नियम-कानून उनार पास नै हुन पर ले उन यो साबित करनान की मूसा का नियम कानून उनार मनून में छन।

रोमियून 5:10

किलैंकी जब हम परमेश्वरा का दुश्मन छ्या, त परमेश्वरा का दगाड़ हमोरो मेल-मिलाप उक च्याला यीशु मसीहक मरना का द्वारा भ्योछ, अब परमेश्वरा का दगाड़ मेल-मिलाप हो जानाक बाद उक द्वारा जरूर हमोरो उद्धार होलो किलैकी मसीह ज्यूनो छै।

रोमियून 5:9

येक कारण हम परमेश्वरा का दगाड़ सही छा किलैंकी मसीह हमून खिन मरछै और हमार पापून खिन अपूनो खून बगाछ, त उ जरूर हमून परमेश्वरा का क्रोध भटे ले बचालो।

रोमियून 6:12

येक कारण पापी स्वभाव स अपून मलि में राज जन करून दी, ताकि अपून पापी स्वभाव का इच्छान का अधीन नै रौ।

रोमियून 7:18

क्याखिनकि मैं जाणछूँ, कि मैंमें मतलब म्यारा पापी स्वभाव में कोई ले निकी चीज वास नै करनी, निका काम करून खिन इच्छा त मैंमें छै लेकिन उ मैंमें नै हो पानि।

रोमियून 9:22

(परमेश्वरस अधिकार छै कि जिन लोगून उले बनाछ और उनार दगाड़ अपूनी इच्छा अनुसार जैस चाछ कर सकछो) परमेश्वर अपूनी रीस देखून चाँछ्या और हरेका खिलाफ अपूनी शक्ति प्रगट करून चाँछ्या जो नाश हुना का हकदार छन। लेकिन येका बजाय, उले धैर्य ले उनून सहछ।

1 कुरिन्थियून 4:7

को कुंछो तुम दुसारान है महान छा? जो कुछ ले तुमार पास छै उ परमेश्वरा का तरफ भटे दीईना को छै त तुमोरो उमें कैले घमण्ड करना को अधिकार नै बननो।

2 कुरिन्थियून 7:1

हे प्रिय विश्वासी भाईयो, जब परमेश्वरेले हमूनथैं यो वादा करछ्य, त आ हम अपून शरीर और मनस हर प्रकारा का बुराई भटे अपूनास दूर राखा, और परमेश्वरो को डर मानभेरन हमून पुर तरीका ले पवित्र जीवन जीना की कोशिश करून चैछी।

गलातियों 3:22

लेकिन पवित्रशास्त्र हमून यो देखूछो, कि हम सब पापी छा, ताकि परमेश्वर ले जो वादा करिना को छै, उ उन लोगून दी सकों जो यीशु मसीह में विश्वास करनान।

इफिसियून 2:2

उ बखत तुम यो संसारा का लोगून की नियाती जीन्दगी जी छ्या, जो परमेश्वर स नी जाण छ्या, और तुमूले उ शैतानो कि हुकमून को पालन करछ्य जो आकाश में भूतून में राजा करूनवाला प्रधान छै। जो अब उन लोगून का मनून में काम करूनमर्योछ।

इफिसियून 4:22

अपून पुराना पापी आदतून और अपून पुराना जीन्दगी जीना का तरीका स छोड़ दी, जो वासना और ध्वाका ले भ्रष्ट छन।

कुलुस्सियून 1:21

ये है पैलि तुम लोग परमेश्वर भटे दूर छ्या। तुम परमेश्वरा का दुश्मन छ्या क्याखिनकि तुमारा बिचार और तुमारा काम बुरा छ्या।

1 थिस्सलुनीकियों 4:13

हे म्यारा विश्वासी भाईयों, हम यो चाँनू कि तुम उन मरिना का विश्वासी का बारिमें जाणा कि उनार दगाड़ की होलो, और काँई इसो नै हो कि तुम दुसरान की नियाती शोक करा जिनून यो आश नाहातिन मरना का बाद ले जीवन छै।

1 थिस्सलुनीकियों 5:6

येक कारण प्रभु यीशु में विश्वास नै करन्यावाला लोगून की नियाती पड़ीना का नै रूँन, बल्कि जागनै और सर्तक रया।

1 तीमुथियुस 6:9

लेकिन जो धनवान बनूँ चाछो, उन सब तरीका का बुराई करून खिन आसानी ले ध्वाका खा जानान, और एक जानवर की नियाती फन्दा में फस जानान। उन उ चीजून करून चानान जो उनून खिन बेकार और खतरनाक छै और यो इच्छा उनून बर्बादी की तरफ ली जालि और नाश कर देली।

तीतुस 3:3

क्याखिनकि हम सब विश्वास में उन है पैलि मूर्ख और परमेश्वरा का हुकमून नै मानूनवाला छ्या, और लोगून थैं भटे ध्वाका खान वाला छ्या, और हम बुरी इच्छा और संसारा का चीजून का गुलाम छ्या, जसीकैं बैर-भाव और डाह करून में जीवन जी छ्या, और लोगून थैं नफरत करछ्या, और एक दुसारा भटे बैर राख छ्या।

1 पतरस 1:14

परमेश्वरा का हुकुमून को पालन करा जसीकैं निका नान्तिना अपून बबा का हुकुमून माननान। उन बुरा कामून जन करा जिनून तुम तब करना की इच्छा राखछ्या, जब तुम परमेश्वरा का सत्य स नी जाण छ्या।

2 पतरस 2:14

उन हरेक स्यैनि का दगाड़ व्यभिचार करून चानान, जैस उन देखनान। उन पाप करनाको मौको खोजनै रूनान उन-उन लोगून ध्वाका दीनान जिनोरो मसीह में विश्वास कमजोर छै, और उन उनून पाप का तरफ लिजानान। उनेरि ज्यादा है ज्यादा चीजून प्राप्त करना को हमेशा बढ़नै रून वाली इच्छा का कारण परमेश्वर उनून दण्ड द्योलो।

2 पतरस 2:18

जब झूठ्ठा शिक्षक लोगून शिक्षा दीनान, तो उन बेकार और घमण्ड ले भरिना क शब्दून को इस्तमाल करनान। उन लोगून बतुनान कि उन-उन बेशर्मी का कामून कर सकनान जो उनार शरीर करून चानान और उन लोगून फिर पाप करून खिन भरमा दीनान जो यैले-यैले इसा बुराई का जीवन ले बचभेरन निकलनान।

1 यहूना 2:16

क्याखिनकि जो कुछ संसार में छै, मतलब शरीर की पापी इच्छान पुर करून और चीजून देखून और ऊस पान की इच्छा राखून और जो उक पास छै उमें घमंड करून, पिता परमेश्वरा का तरफ भटे नै, लेकिन संसारा का तरफ भटे छै।

1 यहूना 2:8

फिरले जो हुकुम मैं तुमून लिखछूँ उ नय्या हुकुम छै; किलैकी येकी सच्चाई मसीह में और तुमून में दिखाई दीछी। क्याखिनकि अन्यारो खतम हुनै जानर्योछ और सच्चाई को उज्यालो ऐल चमकून लाग ग्योछ।