इफिसियून 2:2 - सोरियाली नय्या नियम

² उ बखत तुम यो संसारा का लोगून की नियाती जीन्दगी जी छ्या, जो परमेश्वर स नी जाण छ्या, और तुमूले उ शैतानो कि हुकमून को पालन करछ्य जो आकाश में भूतून में राजा करूनवाला प्रधान छै। जो अब उन लोगून का मनून में काम करूनमर्योछ।

इफिसियून 2:2 Iomraidhean Croise

मत्ती 11:19

लेकिन जब मैं आदिमी को च्योलो खान-पिनै आछ, और उन कुंनान, देखा, पेटू और पियक्कड़ लोगून को और चुंगी लिनवालो और पापिन को मित्र छै! हालाकि, एक आदिमी का काम यो साबित कराला की बुद्धिमान को छै।

मत्ती 13:22

और जो बी झाड़िन का बीच पड़ीनान छन, यो उन लोग का नियाती छन जिनूनले बचन तो सुणनान, पर यो जीन्दगी चिन्ता, और धन-दौलत और दुसारा चीजून को लालच परमेश्वरा का बचन में रूकावट डालछी। और उक जीन्दगी में बचन कै काम नै कर पानो।

मत्ती 13:38

गड़ो संसार लोग छन, निको बीज राज्य का लोग छन, और जंगली बीज बुराई करूनवाला की लोग छन।

मरकुस 4:19

पर यो जीन्दगी चिन्ता, और धन-दौलत और दुसारा चीजून को लालच परमेश्वरा का बचन में रूकावट डालछी। और उक जीन्दगी में बचन कै काम नै कर पानो।

लूका 16:8

तब उक मालिक ले उ बेमान मुन्सी की तारीफ करछ्य, कि उले बड़ी चालाकी ले काम करछ्य; क्याखिनकि यो संसाराका लोग अपून बखता का लोगून का दगाड़ ब्यवहार करून में ज्योतिका लोगून भटे ज्यादा चालाक छन।

लूका 22:31

“शमौन हे शमौन, देख शैतान ले परमेश्वर थैं आज्ञा माँग है छ, की तुम सबून परखो ताकि भलान बुरान भटे अलग कर सकों जसिकै किसान ग्यूँ स भुस भटे अलग करछो।

यहूना 12:31

अब उ बखत आग्योछ, जब परमेश्वर संसार में लोगून को न्याय करोलो, और यीशु यो संसारा का अधिकारी शैतान की ताकत स खतम कर द्योलो।

यहूना 13:2

यीशु और उक शिष्य रात को खानो खान मरैछ्या। शैतान ले पैलि भटे यीशु स ध्वाका दीन खिन शमौन को च्योलो यहूदा इस्करियोती का मन में ऊस गिरफ्तार करून वाली बात डाल चुकिनाको छ्यो।

यहूना 13:27

यहूदा ले रोटो को टुकूड़ो लीना का बाद, यीशु ले उथैं क्योछ, “तैं जो करून खिन जानमरेछै, ऊस जल्दी कर।” उ बखत यहूदा स शैतान अपून बश में कर लीछ।

यहूना 14:30

म्यारा पास तुमार दगाड़ बात करून खिन ज्यादा बखत नै बचियो, क्याखिनकि यो संसारो को अधिकारी शैतान ऊँन मरियोछ, और मैंमें उको कोई बश नाहतीनो।

यहूना 15:19

अगर तुम संसारा का लोगून की नियाती हुना, त संसारा का लोग अपून थैं प्रेम राखनान, लेकिन येक कारण कि तुम संसार में सम्बन्ध नै राखना, लेकिन मैंले तुमून संसार में भटे चुन ली है छ; येक कारण संसारा का लोग तुम खिन बैर राखाला।

यहूना 16:11

और न्याय का बारिमें ले यकीन दिलालो कि यो संसारा अधिकारी, मतलब शैतान स दोषी ठैराई ग्योछ।

यहूना 7:7

संसारा का लोग तुमार दगाड़ बैर नै कर सकूना, लेकिन उ मैं खिन बैर करनान, क्याखिनकि मैं उनार बारिमें में यो बात की गवै दी छूँ कि उक काम बुर छन।

यहूना 8:23

तब यीशु ले उनूनथैं क्योछ, तुमूनले यो संसार में जन्म ली रैछ, लेकिन मैं यो संसार को नाहातिनू।

यहूना 8:44

तुम अपून बबा शैतान भटे छा, और अपून बबा मरजी स पुरो करून चाछा। उ त शुरू भटे हत्यारो छै, और उको सच्चाई भटे केले लीन-दिन नाहातिन; जब उ झूठ बोलछो, अपून स्वभाव कारण बोलछो, क्याखिनकि उ झूठ्ठो छै, बल्कि झूठ्ठो को बबा छै।

प्रेरितून का काम 19:35

तब उ नगराक मंत्री ले भीड़ स शांत करभेरन क्योछ, पुर संसारा का लोग जाणनाकि “हे इफसुस शैहरा का लोग महान देबी अरतिमिस का मंदिरे की देख-रैख करून मर्यान और उकी मूर्ति आकाश भटे खितीनाकी छी।

प्रेरितून का काम 5:3

पतरसले क्योछ, “हे हनन्याह! शैतान ले त्यारा मन में पवित्र आत्माथैं झूठ बोलना को बिचार डालछ्य। तैंले उकी किलैं सुणछ्य कि तैंले अपूनी बेचिना की जमीनाक दाम में भटे थ्वाड़ा हिस्सा अपून खिन राखले?

रोमियून 12:2

और यो संसाराक लोगून का नियाती जन बना, लेकिन तुमार मनाका पुर बदल जाना ले तुमोरो चाल-चलन ले बदलतनै जौ, कि जेलै तुम परमेश्वर की निकी और ग्रहणयोग्य, और सिद्ध इच्छाकी खोज करनै रौ।

1 कुरिन्थियून 5:10

यो नै, कि तुम बिलकुल यो संसाराक ब्यभिचारीन, या लोभीन, या ध्वाका दीन वालान, या मूर्तिपूजकून की संगति जन करा; क्याखिनकि यो दशा में त तुमून संसार में भटे निकल जानो पड़ूनो।

1 कुरिन्थियून 6:11

तुमूनमें भटे ले पैलि कुछ लोग इसो जीवन जी छ्या, क्याखिनकि तुम प्रभु यीशु मसीहक नाम ले और हमार परमेश्वरा का आत्मा ले तुमार पापून धो दीछ, और तुमून पवित्र और धर्मी बनाछ।

2 कुरिन्थियून 4:4

यो संसारो को ईश्वर शैतान ले उन अविश्वासीन की बुद्धि स अंधो कर दी है छै, जैका कारण उन मसीह का सुसमाचार और उकी महिमा का बारिमें नै समझ सकना कि मसीह परमेश्वरो को स्वरूप छै।

गलातियों 1:4

हमार पिता परमेश्वरा का इच्छा का अनुसार मसीह यीशु ले अपूनास हमार पापून का कारण बलिदान कर दीछ, ताकि उ हमून उन बुरी ताकतून भटे आजाद करौ जो आज संसार में काम करनान।

इफिसियून 1:21

वाँ परमेश्वर ले ऊस पुरी हकुमत, अधिकार, और प्रभुता और हरेक का मलिमें राजा करूना को अधिकार दी रैछ, और उकी पदवी हरेक अधिकारी की पदवी है मलि छै जो नै केवल यो लोक में, बल्कि उनवाला लोक में ले रौली,

इफिसियून 2:11

येक कारण याद करा कि, तुम जन्म भटे गैर-यहूदी छा, यहूदी लोगून ले तुमार यो कैभेरन मजाक उड़ाछ कि तुम खतना नै करूना लेकिन उनार यो रीति केवल उनार शरीरून में कर जाँछी।

इफिसियून 2:13

एक बखत छ्यो जब तुम परमेश्वर से भौत दूर छ्या, पर अब परमेश्वर तुमून यीशु मसीह का खून का द्वारा अपून पास लीभेरन आछ।

इफिसियून 2:3

हम ले उनेरि नियाती जीन्दगी जी छ्या, और अपून पापी आदतून की इच्छान पुरो करछ्या, और जो ले हमरि बुरी इच्छा और बिचार हमून थैं करून चाँछ्या हम उक अनुसार जीन्दगी जी छ्या और दुसारा लोगून की नियाती आदतून ले बुरा छ्या, और परमेश्वरा को क्रोधा का बश में छ्या।

इफिसियून 4:17

येक कारण उ अधिकार का दगाड़ जो प्रभु ले मैंस दी रैछ, मैं तुमून यो बतूछूँ कि, तुम अविश्वासी लोगून का नियाती बेकारा का बिचारून का दगाड़ अपूनी जीन्दगी जन जीया।

इफिसियून 4:22

अपून पुराना पापी आदतून और अपून पुराना जीन्दगी जीना का तरीका स छोड़ दी, जो वासना और ध्वाका ले भ्रष्ट छन।

इफिसियून 5:6

उन लोगून का द्वारा मूर्ख जन बना जो इन पापून खिन बहाना बनूना की कोशिश करनान। क्याखिनकि इनी कामून का कारण परमेश्वरो को क्रोध हुकुम नै मानूनवालान में भड़कछो।

इफिसियून 5:8

क्याखिनकि तुम उन लोगून की नियाती छ्या, जो अन्धकार में रूनान, लेकिन अब प्रभु में उज्यालो छा, येक कारण उज्याला का सन्तान का नियाती जीन्दगी जीआ।

कुलुस्सियून 1:21

ये है पैलि तुम लोग परमेश्वर भटे दूर छ्या। तुम परमेश्वरा का दुश्मन छ्या क्याखिनकि तुमारा बिचार और तुमारा काम बुरा छ्या।

2 तीमुथियुस 4:10

क्याखिनकि देमास ले यो संसार का चीजून है प्रेम करछ्य, और मैंस छोड़भेरन थिस्सलुनीके शैहरा का तरफ खिन न्हैग्यो। और विश्वासी भाई क्रेसकेंस ले गलातिया प्रदेशा का तरफ खिन न्हैग्यो, और तीतुस दलमतिया प्रदेश तरफ खिन न्हैग्यो।

याकूब 1:27

हमार पिता परमेश्वरा का सामुनि नजर में साफ और सच्ची भक्ति यो छै कि अनाथून और विध्वाऊन का दुखून में उनोरो ख्याल राँखा, और अपूनास यो संसाराक बुर कामून भटे बचाभेरन राँखा।

याकूब 1:7

अगर तुमून में कोई इसो हो त उ यो नै समझौ कि मैंस प्रभु भटे के मिलोलो।

याकूब 4:4

हे विश्वासघाती लोगो, क्या तुम नै जाणना, कि संसारे की चीजून भटे मित्रता करून परमेश्वर भटे बैर करून छै? येक कारण जो कोई संसारो को मित्र हुन चाछो, उ अपून परमेश्वरो को बैरी बनछो।

1 पतरस 1:14

परमेश्वरा का हुकुमून को पालन करा जसीकैं निका नान्तिना अपून बबा का हुकुमून माननान। उन बुरा कामून जन करा जिनून तुम तब करना की इच्छा राखछ्या, जब तुम परमेश्वरा का सत्य स नी जाण छ्या।

1 पतरस 4:3

किलैकी पैलि तुमूनले अपूनो बखत गैर-विश्वासी लोगून का दगाड़ बुरा काम करभेरन बर्बाद कर दीछ। जैले लुचपन की बुरी इच्छा, नशा में मतवाला हुनो, रंगरलियाँ, पियक्कड़पन, और मूर्ति पूजा जैले परमेश्वर नफरत करछो।

2 पतरस 2:14

उन हरेक स्यैनि का दगाड़ व्यभिचार करून चानान, जैस उन देखनान। उन पाप करनाको मौको खोजनै रूनान उन-उन लोगून ध्वाका दीनान जिनोरो मसीह में विश्वास कमजोर छै, और उन उनून पाप का तरफ लिजानान। उनेरि ज्यादा है ज्यादा चीजून प्राप्त करना को हमेशा बढ़नै रून वाली इच्छा का कारण परमेश्वर उनून दण्ड द्योलो।

1 यहूना 3:10

येलेई परमेश्वर की सन्तान और शैतान की सन्तान की पछयाण हुछी, कि जो कोई धार्मिकता काम करूछो और अपून भाई स थैं प्रेम राँखछो, उ परमेश्वर सन्तान छै।

1 यहूना 3:8

जो कोई लगातार पाप करछो, उ शैतान का तरफ भटे छै, क्याखिनकि शैतान शुरू भटे पाप करनै आर्योछ; परमेश्वरो को च्योलो येक कारण आछ, कि शैताना का कामून नाश करो।

1 यहूना 4:4

हे नान्तिनो, तुमले परमेश्वरा का बारिमें झूठ्ठा संदेश दीन वाला लोगून में जीत पाछ, क्याखिनकि पवित्र आत्मा जो तुमून में छै, उ शैतान है जो यो संसार में राजा करछो उ है महान छै।

1 यहूना 5:19

हम जाणनू, कि हम परमेश्वर भटे छा, और पुरो संसार उ शैताना का वश में छै।

1 यहूना 5:4

क्याखिनकि जो कोई परमेश्वर की सन्तान छै, उ संसार में जीत हासिल करछो। उ जीत, जो संसार स हरा दीछी, उ हमोरो विश्वास छै।

प्रकाशितवाक्य 12:9

येक कारण ऊस और उक दुष्ट दूतून धरती में खित दीछ। यो ठूलो अजगर, उई छै जो भौत पैलि स्याँपा का रूप में दिखाई दीछ, जैस शैतान या दोष लगून वालो ले कुंनान। यो उई छै जो यो संसारा का लोगून ध्वाका दीनै आर्योछ।

प्रकाशितवाक्य 13:14

भौत लोग उ दुसारा जानवरक चमत्कारा का कामून देखभेरन ध्वाका खा ग्या जो पैला जानवरै की शक्ति ले देखूछ्यो। दुसारा जानवरक द्वारा लोगून थैं कयी ग्यो उन उ पैला जानवरै की पूजा करून खिन एक मूर्ति बना, जो तलवारै घायल करि गेछ्यो, लेकिन उ फिर चंगो हो गेछ्यो।

प्रकाशितवाक्य 13:8

संसारा का सब लोग उकी पूजा करून लाग्यान। सिर्फ उनी लोगून ले उकी पूजा नै करि जिनारा नाम संसारा बनून है पैलि जीवन की किताब में लिखीना का छ्या। यो जीवन की किताब उ मेम्ना की किताब छै जैस बलिदान का रूप मारिना को छ्यो।

प्रकाशितवाक्य 16:17

सतूँ स्वर्गदूत ले, जो ले उ कटोर में छ्यो ऊस हवा में खड़िया दीछ। और मैंले, स्वर्ग का मन्दिर का भितर भटे परमेश्वरा का सिंहासन में भटे कैसे जोरले यो कुंन सुणछ्य, “पुरो हो ग्यो!”

प्रकाशितवाक्य 20:2

और उले उ अजगरस, मतलब पुरान स्यापस जैस शैतान ले कयी जाछो, झपटभेरन पकड़ लीछ। उले ऊस बाँदि भेरन गैरा गड्डा में खिती दीछ, और द्वार बन्द कर दीछ और उमें मुहर लगा दीछ ताकि ऊस एक हजार साल खोलि नै जौ। येक कारण, उ दौरान, शैतान एक हजार साल तक लोगून ध्वाका नै दी सको। उक बाद, ऊस फिर थ्वाड़ा देर खिन आजाद करि जालो।