इफिसियून 1:8 - सोरियाली नय्या नियम

⁸ जो दया स परमेश्वरे ले पुरो ज्ञान और समझा का दगाड़ हमून में दिखाछ।

इफिसियून 1:8 Iomraidhean Croise

मत्ती 11:19

लेकिन जब मैं आदिमी को च्योलो खान-पिनै आछ, और उन कुंनान, देखा, पेटू और पियक्कड़ लोगून को और चुंगी लिनवालो और पापिन को मित्र छै! हालाकि, एक आदिमी का काम यो साबित कराला की बुद्धिमान को छै।

रोमियून 11:33

ओहो! परमेश्वरो को दया को धन और बुद्धि और ज्ञान कतुक गंभीर छन, कोई ले उक फैसला को बखान नै कर सकना; और नै कोई उक बाटा स समझ सकना।

रोमियून 5:15

लेकिन आदमो को पाप उ बरदानाक नियाती नाहातिन जो परमेश्वर हमून अपून अनुग्रह दीछो। किलैंकी एक आदिमी को पाप भौत लोगून खिन मौत लीभेरन आछ। लेकिन परमेश्वरे की दया और धार्मिकता को बरदान जो उले हमून दीछ, उकी कीमत भौत लोगून खिन उहै कई ज्यादा छै। और यीशु मसीह ले एक आदिमी का रूप में अपून दया ले जो करछय, उले येस पुर करछ्य।

1 कुरिन्थियून 2:7

लेकिन जो ज्ञान की हम बात करनू, उ ज्ञान परमेश्वरो को ज्ञान छै जो लुकीना को छ्यो। अब तक कोई ले येस नी जाण छ्यो। लेकिन संसाराक बनून है पैलि उले अपून ज्ञान ले फैसला करिना को छ्यो कि हम उकी महिमा में भागीदार हूला।

इफिसियून 1:11

येक अलावा, किलैंकी हम मसीहाक दगाड़ एकता में छा, हमून परमेश्वर भटे बिरासत मिल रैछ, किलैंकी उले हमून पैलिक भटे चुनिनाको छ्यो, और उकी योजना का अनुसार सब चीज काम करनान।

इफिसियून 1:7

यीशु ले अपूनो खून बगा भेरन बलिदान दीछ, ताकि हम छुटकार पा सकां, जैको मतलब यो छै, की अब हमार पाप माफ हो ग्यान। परमेश्वरा का अनुग्रह भौते महान छै जो उले हमून में दिखाछ।

इफिसियून 1:9

परमेश्वरे ले उई करछ्य, जो उले गुप्त राखिना को छ्यो, और हमून उ गुप्त योजना का बारिमें बातछ जैस उले पैलि मसीहक द्वारा पुरो करना को फैसला लीछ।

इफिसियून 3:10

इसीकैं, परमेश्वरो को मक्शद छ्यो कि अब विश्वासी की मण्डली का द्वारा, परमेश्वरो को ज्ञान उन प्रधानून में और अधिकारीन में जो आकाश में छन, उनूनमें प्रगट करि जौ।

कुलुस्सियून 2:3

योई उई छै जो बुद्धि और ज्ञान को पछयाण करूछो जो कि उ खजाना कि नियाती छै जो लुकीना को छ्यो।

प्रकाशितवाक्य 5:12

उन जोर-जोर की आवाज ले गाँ छ्या, “धन्य छै उ मेम्‍ना जैस मार दीई ग्यो, उ महिमा का योग्य छै। उको अधिकार महान छै। उको ज्ञान गैरो छै। उ भौत शक्तिशाली छै और उ भौत धनवान छै। आ हम उको आदर और स्तुति करा।”