इफिसियून 1:7 - सोरियाली नय्या नियम

⁷ यीशु ले अपूनो खून बगा भेरन बलिदान दीछ, ताकि हम छुटकार पा सकां, जैको मतलब यो छै, की अब हमार पाप माफ हो ग्यान। परमेश्वरा का अनुग्रह भौते महान छै जो उले हमून में दिखाछ।

इफिसियून 1:7 Iomraidhean Croise

मत्ती 20:28

जसीकैं मैं आदिमी को च्योलो अपूनी सेवा करून खिन यो संसार में नै आरयूँ। बल्कि मैं दुसरान की सेवा करून खिन आरयूँ। येक कारण आरयूँ कि मैं अपूनी जान की कीमत दीभेरन भौतून लोगून का पापून है बचुन खिन आरयूँ।”

मत्ती 26:28

क्याखिनकि यो म्येरो नय्या वाचा को खून छै जो भौतून का पापून की माफी खिन बगाई जाछो।

मत्ती 6:12

जसीकैं हमूले अपून अपराधीन माफ करनू, उसीकैं तैंले हमार अपराधून माफ कर।

मरकुस 14:24

तब यीशु ले उनूनथैं क्योछ, “यो कटोर में अंगूरो को रस म्येरो खून छै, म्येरो खून बलिदान का रूप में भौतून लोगून का पापून खिन बगाई जाछो। यो उ नय्या वाचा स पुरो करछो जो परमेश्वर ले भौत लोगून खिन कर रैछ।

लूका 1:77

और परमेश्वरा का लोगून का पापून माफ करना का द्वारा उनून मुक्ति का बारिमें ज्ञान द्योलो।

लूका 24:47

और यरूशलम शैहर भटे लीभेरन सब जातिन में पापून की माफी खिन पश्चताप करना को सुसमाचार को प्रचार उक नामेंले करि जालो।

यहूना 20:23

जिन लोगून का पाप तुम माफ करला, उनार पाप माफ करि जाला, और जिनारा पाप तुम माफ नी करला उनार पाप माफ नी करि जाला।”

प्रेरितून का काम 10:43

उनार बारिमें सब परमेश्वरो को संदेश दिनवालान ले गवाही दीछ कि जो लै उमें भरोस राखाला, उनुस उनार जरियाले पापून कि माफी मिलेली।

प्रेरितून का काम 2:38

तब पतरसले उनून जबाब दीछ, “तुम लोग पश्चताप करा। तुमून में भटे हरेक आदिमी अपून-अपून पापून की माफी खिन यीशु मसीह का नामले बपतिस्मा ली। इसकैं तुम पवित्र आत्मा को बरदान मिलोलो।

प्रेरितून का काम 20:28

तुम सब लोग अपूनो ख्याल राखा और उ दलको ले जैक देख-भाल करून खिन पवित्र आत्मा ले तुमून चुन रैछ। की तुम परमेश्वरा का विश्वासीन की सबै मण्डलीन की देख-भाल करा जैस यीशु ले खुद अपूनो खून दीभेरन छुड़ै रैछ।

प्रेरितून का काम 3:19

येक कारण पश्चताप करा और परमेश्वरा का तरफ लौट आ, जेलै तुमार पाप माफ करि जून, तब परमेश्वरा का तरफ भटे शान्ति को दिन आला।

रोमियून 2:4

क्या तैं परमेश्वरे की भलाई, और शहनशीलता, और दया स तुच्छ जाण छै? क्या तैं यो नै समझनै की परमेश्वरे की भलाई तैंस पापून भटे पश्चाताप करना का बारिमें सिखूछी?

रोमियून 3:24

लेकिन परमेश्वरा का अनुग्रह ले यीशु मसीहा का द्वारा हमार पापून की सजा भटे बचिया, और हमार के करि बिना परमेश्वर घोषित करछो की हम धर्मी छै।

रोमियून 3:25

परमेश्वरे ले यीशु मसीह स हमून खिन सूली में बलिदान हुन खिन भेजछै, और मसीह ले अपूनो बलिदान येक कारण दीछ ताकि उमें विश्वास करभेरन हम परमेश्वरा नजिक आ सकां। भौत पैलि परमेश्वरे ले यो बतून खिन करछै की उ धीरज राखून में और पापिन माफ करून में सही छ्यो। येले यो ले पत्तो हुछो की परमेश्वर सही छै, जब मसीह में विश्वास करून वालान धर्मी ग्रहण करछो।

रोमियून 9:23

उले इसो येक कारण करछय किलैंकी उ देखून चाँछ्या, की उ कतुक महान छै जब उले उन लोगून में दया करछ्य जिनून उले अपूनी महिमा में भागीदार हुनखिन पैलिक चुन रैछ।

1 कुरिन्थियून 1:30

लेकिन परमेश्वर ले तुमून यीशु मसीह का दगाड़ एकजुट करिना को छै, और मसीह का द्वारा हमून अपूनो ज्ञान दीछो। परमेश्वरेले हमून उक नजरून में धर्मी बनूछो। मसीह का द्वारा हमून पवित्र बनाई जानू, और उ हमून पापून भटे छुटकारा दीछो।

2 कुरिन्थियून 8:9

तुम हमार प्रभु यीशु मसीह को अनुग्रह जाणछा, कि उ अमीर होभेरन ले तुमून खिन कंगाल बनग्यो ताकि उक कंगाल हुना तुम अमीर हो ज्या।

इफिसियून 1:14

पवित्र आत्मा एक बयाना का नियाती छै जो हमून पुरो भरोसा दिलूछो, कि परमेश्वर हमून उ बिरासत द्योलो जैको उले वादा कर रैछ और यो ले कि उले हमून अपून लोग हुन खिन खरीद ली हैछ ताकि हम उकी महिमा और तारीफ करा।

इफिसियून 1:18

मैं यो ले प्रार्थना करछूँ कि उ सच्चाई समझून में तुमेरि मद्दत करोलो, और उ आशा जो तुमून दी गैछ, जब परमेश्वर ले तुमून चुन छ्ये। ताकि तुम जाण सका कि उ आशीष कतुक महान और महिमामय छन जिनोरो वादा परमेश्वर ले अपूनो लोगून थैं करिना को छै।

इफिसियून 1:6

येक कारण हम उक अद्धभुत अनुग्रह खिन उकी महिमा करा, जो उले हमून मुफ्त में दी दीछ। किलैंकी हम उक प्रिय च्यालाका दगाड़ जुड़िनाका छै।

इफिसियून 1:8

जो दया स परमेश्वरे ले पुरो ज्ञान और समझा का दगाड़ हमून में दिखाछ।

इफिसियून 2:4

लेकिन परमेश्वर भौत दयालु छै; अपून उ महान प्रेमा का कारण जैले उले हमूनथैं प्रेम करछ्य,

इफिसियून 2:7

परमेश्वर ले इसो येक कारण करछ्य ताकि उनवाला दिनून में उ संसारा का लोगून दिखा सको कि उको अनुग्रह कतुक महान छै। जो कुछ ले उले हमून खिन करछ्य हमून यो अनुग्रह दिखाई ग्योछ जो मसीह यीशु का दगाड़ एक छै।

इफिसियून 3:16

मैं प्रार्थना करछूँ कि, उ अपूनी महिमा का उन खजाना भटे तुमून यो दान दे जैकी कोई सीमा नाहातिन। उकी आत्मा तुमून शक्ति दे, ताकि तुम भितर भटे मजबूत होज्या।

इफिसियून 3:8

मैं परमेश्वरा का सब लोगून में सबून है नानो छूँ। लेकिन परमेश्वरो को अनुग्रह मैंमें भ्योछ, और मैं गैर-यहूदी लोगून सुसमाचार सुणू, कि मसीह भटे हमून जो आशीष मिलछी, उ हमार समझ है भ्यार छै।

फिलिप्पिन 4:19

और म्योरो परमेश्वर ले अपूनो उ धन का अनुसार जो महिमा सहित मसीह यीशु में छै तुमेरि हरेक कमी पुरो करोलो।

कुलुस्सियून 1:14

अपूनो च्याला का बलिदान का द्वारा परमेश्वर ले हमून शैतान की शक्ति भटे आजाद करछ्य और हमार पापून माफ करछ्य।

कुलुस्सियून 1:27

परमेश्वर ले यो फैसला लीछ कि उक लोग कीमती और महिमा वाली गुप्त रहस्य स जाण सकूँन, जो सब लोगून खिन उक पास छै। यह गुप्त रहस्य मसीह खुद छै जो तुमून में रूछो, केवल उई महिमा खिन हमरि एकमात्र उमीद छै।

कुलुस्सियून 2:13

और उले तुमून ले, जो अपून अपराधून, और खतना का नियाती तुमार बुरा स्वभाव काटि नै ग्योछ, परमेश्वर ले हमार सब पापून माफ करभेरन मसीह का दगाड़ ज्यून करछ्य।

कुलुस्सियून 2:2

मैं इसो येक कारण करछूँ, ताकि तुमोरो विश्वास मजबूत हो जौ, और मैं चाछूँ कि उनून पुरो भरोसा हो क्याखिनकि उनून परमेश्वरो को गुप्त रहस्य की पुरी समझ छै, जो खुद मसीह छै।

1 तीमुथियुस 2:6

मसीह ले पाप और मौत की शक्ति भटे सब लोगून छुड़ून खिन दाम दीभेरन अपून आपस बलिदान कर दीछ, उक बलिदानले ठीक बखत में यो बात को सबूत छ्यो कि परमेश्वर सब लोगून पाप भटे बचुन चांछ्यो।

तीतुस 2:14

यीशु मसीह ले अपून आपस हमून खिन सूली में बलिदान कर दीछ ताकि हमून हर प्रकार का बुराई भटे छुड़ा ले और हमून पापून भटे आजाद करभेरन अपून खिन एक इसी प्रजा बना ले जो भल काम करून खिन पुर जोश दगाड़ तैयार रौ।

तीतुस 3:6

हमोरो मुक्तिदाता यीशु मसीहा ले जो उक द्वारा परमेश्वर ले पवित्र आत्मा दी रैछ, ताकि उ हमूथैं सामर्थ का काम करा सको।

इब्रानियों 9:22

मूसा का नियम-कानून कुंछो कि लगभग हर चीज स खून छिड़क भेरन साफ करि जान चैछो। खून बगाये बिना, परमेश्वर लोगून उनार पापून खिन माफ नै कर सकनो।

1 पतरस 2:24

जब मसीह मरछ्य, त उले हमार पापून अपून मलिमें लीभेरन अपूनास सूली में बलिदान कर दीछ। उले इसो येक कारण करछ्य ताकि हम पाप करून छोड़ द्या और सही तरीका ले जीवन जीनो शुरू करा, और उन घौन का कारण जो उले सहन कर्यान, हम चंगा हो ग्या।

1 पतरस 3:18

मैं यो कुछूँ कि मसीहले ले हमार पापून का कारण दुख उठाछ और मर ग्यो। उ सिर्फ एक बार मरछ्य और इसो दुबारा करना की जरूरत नाहातिन। उ एक धर्मी आदिमी छ्यो जो पापी लोगून खिन मर ग्यो ताकि उ हमून परमेश्वरा का पास ल्या सको। उनूनले उक शरीर स त मार डालछ्य लेकिन ऊस पवित्र आत्मा का सामर्थ ले फिर ज्यूनो कर दी ग्योछ।

1 यहूना 2:12

हे नन्तिनो, मैं तुमून येक कारण लिखछूँ, कि यीशु मसीह का नाम ले तुमार पाप माफ भ्यान।

1 यहूना 2:2

और उलेई हमार पापून की माफी खिन अपूनो बलिदान दीछ, और केवल हमून खिन नै बल्कि पूरा संसारा का लोगून का पापून खिन ले अपूनो दीछ।

1 यहूना 4:10

हमोरो प्रेम परमेश्वर खिन सच्चो नाहातिन, लेकिन परमेश्वरो को प्रेम हमून खिन सच्चो छै। येक कारण परमेश्वर हमार पापून की माफी खिन अपून च्याला स बलिदान हुन खिन भेजछ्य।

प्रकाशितवाक्य 14:4

यो उन छन जो पवित्र जीवन जीनान। यो उन लोगून का जसा छन जिनूनले एक बार ले नाजायज रिश्ता नै बनायो और नै इनूनले कभै कोई चीज की पूजा करछ्य, यो सिर्फ मेम्ना की पूजा करनान जाँ काँई मेम्ना जाछो, इन लोग उक पछिल जानान। यो उन छन जो धरती में सब लोगून है अलग करि ग्यान। जसकैं लोग अपून गाड़ान फसल को निको हिस्सा परमेश्वर स दीनान उसीकैं यो लोग ले अपून जीवन स पुरी पवित्रता का दगाड़ परमेश्वर और मेम्ना स दीनान।

प्रकाशितवाक्य 5:9

उन यो गीत मेम्ना मतलब यीशु मसीह का बारिमें गान मरेछ्या, “यो किताब की मोहर तोड़ून और यैस खोलना को अधिकार त्यारा पास छै। किलैकी तैंस मार डाली ग्योछ और तैंले अपून खून ले हर गोत्र, भाषा, लोग और राज्य है परमेश्वर खिन लोगून मोल लीछ।”