इफिसियून 1:12 - सोरियाली नय्या नियम

¹² हम, यहूदी पैलि का लोग छा जिनूनले मसीहा में आश राखछै, और हमून येक कारण चुनी ग्योछ ताकि हम परमेश्वरे की महिमा और तारीफ करा।

इफिसियून 1:12 Iomraidhean Croise

यहूना 14:1

तुमोरो मन परेशान और बैचेन नै हो, तुम परमेश्वर में विश्वास राखा और मैंमें ले विश्वास राखा।

इफिसियून 1:6

येक कारण हम उक अद्धभुत अनुग्रह खिन उकी महिमा करा, जो उले हमून मुफ्त में दी दीछ। किलैंकी हम उक प्रिय च्यालाका दगाड़ जुड़िनाका छै।

इफिसियून 2:7

परमेश्वर ले इसो येक कारण करछ्य ताकि उनवाला दिनून में उ संसारा का लोगून दिखा सको कि उको अनुग्रह कतुक महान छै। जो कुछ ले उले हमून खिन करछ्य हमून यो अनुग्रह दिखाई ग्योछ जो मसीह यीशु का दगाड़ एक छै।

इफिसियून 3:21

उकी महिमा विश्वासीन की मण्डली में और यीशु मसीह में पीढ़ी भटे पीढ़ी तक हमेशा-हमेशा हुनै रौ। आमीन।

2 थिस्सलुनीकियों 2:13

हे म्यारा विश्वासी भाईयों, हमोरो तुमून खिन परमेश्वरा का सामुनि हमेशा धन्यवाद दीनो सही छै। तुम प्रभु का प्रिय छा क्याखिनकि परमेश्वर ले दुनिया का बनून है पैलि भटे पवित्र आत्मा का द्वारा पाप भटे अलग करभेरन और सच्ची में तुमार विश्वास का कारण उद्धार खिन तुमून चुन लीछ।

2 तीमुथियुस 1:12

मैं येक कारण जेल में ले इन दुखून सहन करून मरयू कि मैं लोगून यीशु मसीह का बारिमें सुसमाचार को प्रचार करछूँ। लेकिन मैं शरमानू नै, क्याखिनकि मैं मसीह स जाणछूँ; जैमें मैं विश्वास करछ्य, और मैंस पक्को विश्वास छै कि मसीह उ दिन तक जब तक उ वापस नी आलो, मसीह उ दिन तक मेरि धरोहर की रक्षा करून में पुर तरीका ले सामर्थी छै।

याकूब 1:18

उले अपूनी इच्छाक अनुसार हमून सच्चाई का बचनाक द्वारा नय्या जीवन दी रैछ, ताकि हम परमेश्वरा का द्वारा बनाईनाक हरेक चीज में सबून है खास हिस्सा छा, जसो कि फसलो को पैलो हिस्सा हुछो।

1 पतरस 1:21

जो केले मसीह ले करिना को छै उक कारण तुम अब परमेश्वर में विश्वास करछा। और तुमूले अपूनो विश्वास और आश परमेश्वर में राखिना की छै किलैकी उले मसीह स मरिनान में भटे ज्यूनो कर दीछ और ऊस महिमा दीछ।