इफिसियून 1:10 - सोरियाली नय्या नियम

¹⁰ जब यो योजना स पुर करना को बखत आलो, त परमेश्वर स्वर्ग और धरतीका सबै चीज मसीहाक अधीन कर द्योलो, ताकि मसीहा उनूनमें राजा करोलो।

इफिसियून 1:10 Iomraidhean Croise

मत्ती 25:32

और संसार का सब जातिक लोग उक सामुनि जामा करि जाला; और जसीकैं ग्वाला भेड़ून बाकरान भटे अलग करछो; उसीकैं मैंले उन लोगून एक-दुसारा भटे अलग करोलो।

मरकुस 1:15

उले लोगूनथैं क्योछ, “उ बखत आ चूकि ग्योछ, परमेश्वर हरेक लोगून में राज्य करोलो, येक कारण अपून पापून खिन पश्चताप करा और सुसमाचार में विश्वास करा।”

1 कुरिन्थियून 10:11

लेकिन यो सब बात, जो उनूनमें भ्यान, एक चेतावनी का नियाती छी; और उ हमून चेतावनी दीन खिन लिखीना का छन, जो यो संसार का अंत बखत में रून मर्यान।

1 कुरिन्थियून 11:3

लेकिन मैं चाछूँ कि तुम एक बात जाण ली कि हरेक आदिमी को खोरो मसीह छै, और एक स्यैनि को खोरो उको घरवालो छै, और मसीह को खोरो परमेश्वर छै।

गलातियों 4:4

लेकिन जब सही बखत आछ जैकी योजना परमेश्वर ले बनाईना छी, त परमेश्वर ले खुद अपून च्याला का यो संसार में भेजछ्य, और उले आदिमी रूप में जन्म लीछ। उ एक यहूदी परिवार में पैद भ्योछ और मूसा का नियम-कानून का पालन करछ्यो।

इफिसियून 1:22

और परमेश्वर ले सब चीजून मसीह का अधिकार में कर दीयान; और ऊस विश्वास करून वालान की भलाई खिन हरेक चीजून में मुखिया ठैहरा दीछ।

इफिसियून 2:15

मसीह ले अपूनी मौत का द्वारा मूसा नियम-कानून की सब विधिन खतम कर दीछ। ताकि उ यहूदी और गैर-यहूदी लोगून का बीच शान्ति लिया सको और इसीकैं तरह एक नय्या समूह बना सको।

इफिसियून 3:15

वह एक छै जो विश्वासीन का पुर परिवार को पिता छै जो स्वर्ग में छै और धरती में छै।

इफिसियून 3:2

तुम लोगून ले जरूर सुण होलो, कि परमेश्वर ले अपून अनुग्रह का द्वारा तुमून सुसमाचार सुणूना की मैंस जिमेदारी दी रैछ।

कुलुस्सियून 1:16

क्याखिनकि यो उई मसीह छै, जेले पुर संसारा का चीजून बुन खिन परमेश्वरा का दगाड़ काम करछ्य, चाहे उ स्वर्ग की हो या धरती की, देखीना का या अनदेखीना का, क्या सिंहासन, क्या प्रभुता, क्या प्रधानता, क्या अधिकार, और सब चीज उक द्वारा उ खिन बनाई ग्यान।

कुलुस्सियून 1:20

मसीह ले सूली में खून बगाछ और अपूनो प्राण दीयान, उक द्वारा परमेश्वर ले अपून और सब चीजून का बीच में मेल-मिलाप की शुरूवाद करछ्य, कि मसीह का द्वारा सब चीजून को चाहे धरती में हो या चाहे स्वर्ग में हो अपून दगाड़ मेल कर लीछ।

कुलुस्सियून 3:11

उमें नै त यूनानी और यहूदी का बीच फरक रियो, नै यहूदी का बीच, नै खतना, नै खतना रहित, नै परदेशी, नै जंगली, नै दास और नै गुलाम रियो, केवल मसीह सबून है महान छै, जो हम सबून में रूछो।

इब्रानियों 1:2

लेकिन इन आखरी दिनून में हमूनथैं अपून च्याला का द्वारा बात कर्यान। परमेश्वरेले अपून च्याला द्वारा पुरी संसार बनाछ और ऊस सब चीजून को वारिस ठैहराछ।

इब्रानियों 11:40

किलैकी परमेश्वरा का पास सिर्फ उनून खिन नै, बल्कि हमून खिन ले एक बड़िया योजना छै। परमेश्वर उनून सिर्फ हमार दगाड़ मिलाभेरन सिद्ध बनूनो चाछो।

इब्रानियों 9:10

किलैकी उन सिर्फ लोगून का खान-पीना का बारिमें और भौतसा नान-धुना का नियमून का बारिमें बतुनान जिनारा द्वारा लोगून को शरीर तै साफ हो जाछो। यो जरूरी छ्यो कि इन नियमून तब तक पुर करि जानो जब तक कि परमेश्वर लोगून का दगाड़ एक नय्या वादा नै करनो।

1 पतरस 1:20

यो संसारे स बनून है पैलि, परमेश्वरेले पैलि है यो तय करिनाको छ्यो कि यीशु मसीह यो संसारो को मुक्तिदाता होलो। लेकिन उ तुमेरि मद्दत करून खिन इन अंतिम दिनून में यो संसार में आछ।

प्रकाशितवाक्य 5:9

उन यो गीत मेम्ना मतलब यीशु मसीह का बारिमें गान मरेछ्या, “यो किताब की मोहर तोड़ून और यैस खोलना को अधिकार त्यारा पास छै। किलैकी तैंस मार डाली ग्योछ और तैंले अपून खून ले हर गोत्र, भाषा, लोग और राज्य है परमेश्वर खिन लोगून मोल लीछ।”