2 तीमुथियुस 4:7 - सोरियाली नय्या नियम

⁷ जसीकैं एक निको सिपाई लड़ाई में लगातार लड़ाई लड़नै रूछो, उसीकैं मैंले उ काम पुरो करछ्य जो मसीह यीशु ले मैंस करून खिन दी रैछ्यो। और मसीह में म्योरो विश्वास हमेशा मजबूत रियोछ।

2 तीमुथियुस 4:7 Iomraidhean Croise

लूका 11:28

लेकिन यीशु ले उथैं क्योछ, धन्य छन जो परमेश्वरो को वचन सुणनान और माननान।

लूका 8:15

और जो बी निकी भूमि में पड़ीयान, यो उन लोगून की नियाती छन, जो बचनून सुणभेरन भल मन मानभेरन पक्का विश्वासी बननान।

यहूना 17:6

“मैंले तेरो नाम उन शिष्यून में प्रगट करछ्य, कि तैं को छै, जिनून तैंले संसार में मैंस दीयान, उन त्यारा छ्या और तैंले उनून मैंस दीयान और उनूनले त्यारा शिक्षान को पालन करछै।

यहूना 4:34

यीशु ले उनूनथैं क्योछ, “म्येरो खानो परमेश्वर की इच्छा का पालन करछो जैले मैंस भेज रैछ, और उक काम स पुरो करून छै जो उले मैंस सौंप रैछ।

प्रेरितून का काम 13:25

और जब यहूना अपूनी सेवा पुरी करून में छ्यो, त उले क्योछ, “तुम मैंस कि समझछा? मैं मसीह नाहातिनू। लेकिन सुणा! म्यारा बाद उनवाला छै, उ मैं है भौत महान छै और मैं त उक जूत्ताको तानो ले खोलना को लायक नाहातिनू।”

प्रेरितून का काम 20:24

पर मेरि नजर में मेरि जीन्दगी की के कीमत नाहातिन, मैं बश यो काम पुर करून चाँछू जो प्रभु यीशु ले मैंस सौंप रैछ, कि जो मैंले अनुग्रह का सुसमाचार में गवाही दीन खिन प्रभु भटे मैंस मिल रैछ।

गलातियों 2:2

मैं वाँ गयूँ क्याखिनकि परमेश्वरे ले मैंस वाँ जान खिन क्योछ; और जब मैं वाँ जाईना को छ्यूँ त मैं वाँ अगुवान थैं ऐकला में मिल्यूँ, और उनून उ सुसमाचारा का बारिमें बताछ जो मैं गैर-यहूदीन का बीच में प्रचार कर छयूँ, ताकि इसो नै हो, कि जो मैं करूनो जारी राख छ्यूँ, उको कै परिनाम नी होलो।

फिलिप्पिन 1:30

और तुमून ऊसोई दुख उठून ले छै जसो तुमूले मैंस उठून ले देख रैछ, जब मैं तुमार दगाड़ फिलिप्पी शैहर में छ्यूँ, और जिन दुखून का बारिमें तुम सुणछा जो मैंस जेल में ऐल ले छन।

1 तीमुथियुस 1:18

हे म्यारा च्याला तीमुथियुस, मैं तैंस जो यो हुकुम दीन मरयू, मैं तैंस उन बातुन याद दिलून खिन कुछूँ, जो पैलि दिनून में त्यारा बारिमें जो भविष्यवाणी करिना की छी। तैंस उन झूठ्ठा शिक्षकून का खिलाफ सुसमाचार की सच्चाई खिन बड़िया तरीका ले लड़ून खिन बचन को प्रयोग एक हथियार का नियाती करून चैछो।

1 तीमुथियुस 6:12

जसीकैं एक बड़िया सिपाई लड़ाई में लड़ूनो नै छोड़नो, उसीकैं तैंस ले परमेश्वर में विश्वास करून और उक हुकमून को पालन करून कभै नै छोड़ूनो चैछो। ताकि तैं अपून ईनाम का रूप में अनन्त जीवन पा सका, जै खिन तैं बुलाई ले गैछै। जब भौत लोगून का सामुनि तैंले कईना को ले छ्यो कि तैं मसीह में विश्वास कर छै।

1 तीमुथियुस 6:20

हे तीमुथियुस, तैं पक्को कर जो परमेश्वर ले तैंस दी रैछ तैं उई करनै रौ। और उन लोगून की जन सुण जो हमेशा बेकार की बात करनै रूनान, जेले परमेश्वर स आदर नै मिलनो, और बेकार में बिरोध करनान और कुंनान, कि यो ज्ञान छै, लेकिन सच्ची में यो नाहातिनी।

2 तीमुथियुस 1:14

यीशु मसीह का बारिमें सुसमाचार की रखवाली कर जो परमेश्वरे ले तैंस दीईना को छ्यो, पवित्र आत्मा का मद्दत ले जो हमून में रूछो।

2 तीमुथियुस 3:10

लेकिन हे तीमुथियुस, तैं निकीकैं जाण छै कि मैं कि सिखूछूँ, और कसा तरीका ले जीछूँ, जीवन में म्योरो की मक्शद छै और म्योरो कसो विश्वास छै। और तैं जाण छै कि मैं धीरज राखछूँ, और सब लोगून प्रेम करछूँ, मैंले दुखून सहन करछ्य।

प्रकाशितवाक्य 3:10

तैले म्यारा संदेश मानछ्य ताकि जब तै दुख उठालै त ऊस बड़ा धैर्य का दगाड़ सहन कर सके। योई कारण, मैं उ ठूली परीक्षा का बखत तेरि रक्षा करूलो। जो यो संसाराक सब लोगून में आलो।

प्रकाशितवाक्य 3:8

मैं जाणछूँ कि तै कि करछै, तै कसी मेहनत करछै और कभै हार नै माननै, सुण मैं यो ले जाणछूँ कि तैमें सिर्फ थ्वाड़ा क्षमता छै, लेकिन फिरले तैंले मेरि कईना की बातुन में विश्वास करछ्य और तैले इन बात भटे मना नै कर्यो कि तै मैंमें विश्वास करछै। येक कारण इसो के छै जो एक इसो द्वार जसो छै जैस मैंले तैखिन खोल दीछ, जैस कोई ले बंद नै कर सकूनो।

प्रकाशितवाक्य 6:11

उनूनमें भटे हरेक स एक सफेद कपाड़ा दीई ग्यो। और परमेश्वरेले उनूनथैं क्योछ, “एल आराम करा, किलैकी आजि ले तुमार कुछ दगड़िया और तुमार विश्वासी भाई छन जिनून तुमार नियाती मार डाली जालो। जब मारी जानवालान की संख्या पुरी हो जालि, तभै मैं बदला ल्यूलो।”