2 तीमुथियुस 4:2 - सोरियाली नय्या नियम

² बखत बुरो या भलो हो तैं हर बखत परमेश्वरा का बचन को प्रचार कर खिन तैयार रौ। तैंस लोगून समझून चैछो कि उनूनले कि गलत करछ्य और उनार पापून खिन उनून डाँठ लागून चैछी। मगर धैर्याक दगाड़ सिखून चैछो और उत्साहित करून चैछो।

2 तीमुथियुस 4:2 Iomraidhean Croise

लूका 7:23

धन्य छन उन जो म्यारा बारिमें शक नै करना।

लूका 7:4

तब उन यीशु का पास आयान, और उथैं भौत बिनती करभेरन कुन लाग्यान, उ इसो लायक छै कि तैं उ खिन यो कर।

लूका 9:60

यीशु ले क्योछ, “जो लोग आत्मिक रूप ले मरिना छन, उनून अपून मुरदा दफनून दी।” लेकिन तैं जाभेरन परमेश्वरा का राज्य का बारिमें बतौ।

प्रेरितून का काम 13:5

और सलमीस शैहर में पुजभेरन यहूदी लोगून का सभाघर में जाभेरन परमेश्वरको बचन लोगून सुणून; लाग्यान। और यहूना मरकुस उनेरि मद्दत करून खिन उनार दगाड़ छ्यो।

प्रेरितून का काम 16:13

सबताक दिन हम नगराक फाटक का भ्यार नदी का किनार यो समझभेरन ग्या की वाँ यहूदीन की प्रार्थना करना की जाग होलि। हम बैठभेरन उन स्यैनिनथैं जो जाम छ्या, बात-चीत करून लाग्यान।

प्रेरितून का काम 20:7

हफ्ताका पैल दिन हम प्रभु भोज खान खिन जाम भयाँ। क्याखिनकि पौलुस दुसारा दिन जानवालो छ्यो, येक कारण पौलुस अधरात तलक वाँ प्रचार करनै र्योछ।

प्रेरितून का काम 28:16

हम रोम शैहर में पुज्या, तो पौलुसैस यो अनुमति मिलगै कि उ पैहरा दीन वाला एक सिपाई का दगाड़ जाँ चाछो, वाँ रै सकछो।

रोमियून 10:15

और येहै पैलि की कोई जाभेरन उनून बता सकां, उ आदिमी स भेजि जानो चैछो, जसो पवित्रशास्त्र में लिख रैछ की, “उनार खुट कतुक निका छन, जो निको बातुन को सुसमाचार सुणूनान।”

रोमियून 12:12

जो आश हमार दगाड़ छै उक कारण खुश रौ; मुसीबत में धैर्य राखा, और हर बखत प्रार्थना करनै रौ।

गलातियों 6:6

जिन लोगून परमेश्वरा का वचने की शिक्षा दी जांछी, त उनोरो फर्ज बनछो, कि जो केले उनार पास छै, उनूनले लोगून का दगाड़ बाणून चैंछो जो उनून सिखीना को छै।

कुलुस्सियून 1:25

इन विश्वासीन की मण्डली खिन मैं तुमून खिन परमेश्वरा का द्वारा सौपी गै सेवा खिन सेवक चुनी ग्यू, कि परमेश्वरा का बचनो को पुरी तरीका ले प्रचार कर सकूँ।

कुलुस्सियून 4:3

और येक दगाड़ हमून खिन ले प्रार्थना करनै रया, कि परमेश्वर हमून खिन वचन सुणना को इसो द्वार खोलि द्यो, कि हम मसीह का उ भेद बता सकाँ जैका कारण में जेल में छूँ,

1 थिस्सलुनीकियों 1:6

तुमूनमें भौत दुख छ्यो लेकिन पवित्र आत्मा का द्वारा दीईना की खुशी दगाड़ तुमूले सुसमाचार स ग्रहण करछ्य। इसीकैं तुमूले हमोरो और प्रभु यीशु मसीह का नियाती जीवन जीन लाग गैछा।

1 थिस्सलुनीकियों 5:14

हे म्यारा विश्वासी भाईयों, हम तुमून समझुनू कि जो आलसी छन उनून चेतावनी दी, और जो लोग डरफोक छन उनून हिम्मत दीया, और जो विश्वास में कमजोर छन उनेरि मद्दत करा, और सबून का दगाड़ धीरज ले बर्ताव करा।

1 थिस्सलुनीकियों 5:20

परमेश्वरा का लोगून का द्वारा होईना की भविष्यवाणीन सुणभेरन अनादर जन करा।

1 तीमुथियुस 4:13

जब तक मैं नै उलो, तब तक विश्वासीन खिन पवित्रशास्त्र बचन पढ़ून उत्साहित करून खिन, और सिखून और समझून में लगातार लाग रौ।

1 तीमुथियुस 5:20

जो लोग पाप करनै रूनान, तैंस उन लोगून सब विश्वासीन का सामुनि डाँठ लगूनी चैछी, ताकि और विश्वासी ले पाप करूँ भटे डरून।

2 तीमुथियुस 2:21

उसीकैं अगर कोई विश्वासी अपून आपस इन बुरा कामून भटे अलग करोलो, और जैको जीवन पवित्र होलो, त उ भांणाका नियाती होलो जैस खास काम खिन इस्तमाल करि जाछो, येक कारण उको मालिका ऊस निका काम खिन इस्तमाल करोलो।

2 तीमुथियुस 2:25

और जो लोग बिरोध करनान, उनुस उले भौत प्रेम ले समझून चैछो, हो सकछो शायद परमेश्वर उनून पापून भटे मन फिरूना को और मसीह का बारिमें सच्चाईस जाणना को मौका दे।

2 तीमुथियुस 3:10

लेकिन हे तीमुथियुस, तैं निकीकैं जाण छै कि मैं कि सिखूछूँ, और कसा तरीका ले जीछूँ, जीवन में म्योरो की मक्शद छै और म्योरो कसो विश्वास छै। और तैं जाण छै कि मैं धीरज राखछूँ, और सब लोगून प्रेम करछूँ, मैंले दुखून सहन करछ्य।

तीतुस 1:13

और क्रेते का लोगून का बारिमें यो बात अब ले सच्ची छै। येक कारण उनून कड़ी चेतावनी दीनै रौ, ताकि उ यीशु मसीह की सच्ची शिक्षा में विश्वास करून।

तीतुस 2:15

येक कारण तीतुस मैं चाछूँ कि तैं क्रेते का विश्वासीन यो बातुन सिखौ जो मैंले तैंस बताईना का छन। अपून लोगून मजबूत कर और जाँ जरूरी हो, वाँ उनूनमें सुधार कर, तैंस इसो करून में म्यारा तरफ भटे पुरो अधिकार छै, कोई ले तेरो निरादर नी कर सकोलो।

इब्रानियों 13:22

हे म्यारा विश्वासी भाईयो, मैं तुम थैं बिनती करछूँ, कि यो चिठ्ठी को संदेश की बातुन धैर्य ले सुणा, जो मैंले तुमून हौंसला दीन खिन लिखीनाक छन। मैंले तुमून यो चिठ्ठी में भौत ज्यादा बात नै लिख राँख्या।

प्रकाशितवाक्य 3:19

मैं जैस ले प्रेम करछूँ, ऊस मैं सिखूछूँ और सजा ले दीछूँ ताकि उन निका बन जून। येक कारण भलाई करून में लाग रौ, पापक काम करून बंद कर दे।