2 तीमुथियुस 4:10 - सोरियाली नय्या नियम

¹⁰ क्याखिनकि देमास ले यो संसार का चीजून है प्रेम करछ्य, और मैंस छोड़भेरन थिस्सलुनीके शैहरा का तरफ खिन न्हैग्यो। और विश्वासी भाई क्रेसकेंस ले गलातिया प्रदेशा का तरफ खिन न्हैग्यो, और तीतुस दलमतिया प्रदेश तरफ खिन न्हैग्यो।

2 तीमुथियुस 4:10 Iomraidhean Croise

मत्ती 12:32

जो कोई ले आदिमी का च्याला का बिरोध केले बात कलो, उको अपराध माफ करि जालो, लेकिन जो कोई पवित्र आत्मा का बिरोध बुरो बोलोलो, परमेश्वर उकी यो गलती नै यो लोक में और नै उना वाला युग में माफ करोलो।

मत्ती 26:56

यो सब येक कारण हुन मर्योछ कि पवित्रशास्त्र में जो लिखीना को छै; उ पुरो है जौ। तब सब शिष्य यीशुस छोड़िभेरन भाजि जानान

लूका 14:33

इसीकैं तुमूनमें भटे अपून सब कुछ छोड़ दे, तो उ म्येरो शिष्य बन सकछो।

लूका 16:13

येक कारण मैं तुमूनथैं सच्ची कुछूँ, कि “कोई दास द्वी मालिकून की सेवा नै करि सकनो, क्याखिनकि उ त एक्का दगाड़ बैर और दुसरा का दगाड़ प्रेम राखोलो; या एक्का दगाड़ मिल रौलो और दुसरा स तुच्छ जाणोलो। उसीकैं तुम परमेश्वर और धन-दौलत द्वीवैन की सेवा नै कर सकना।”

लूका 17:32

हमार पूर्वज लूत कि स्यैनि स याद राख्या, कि उक दगाड़ की भ्योछ।

प्रेरितून का काम 13:13

पौलुस और उक दगड़ियान ले पाफुस टापू भटे समुन्द्री जहाज में सफर शुरू करछ्य, और पंफूलिया प्रदेशा का पिरगा शैहर में आयान; और यहूना मरकुस उनून छोड़भेरन यरूशलम शैहर खिन वापस आग्यो।

प्रेरितून का काम 15:38

लेकिन पौलुसले ऊस अपून दगाड़ लीजानो ठीक नै समझो क्याखिन उ पंफूलिया प्रदेश में अधूरो काम छोड़भेरन न्हैगै छ्यो।

प्रेरितून का काम 16:6

और उन फ्रूगिया और गलातिया प्रदेशून में भटे होभेरन ग्यान, किलैकी पवित्र आत्मा ले उनून आसिया प्रदेश में परमेश्वरे की बचन को प्रचार करून खिन रोकछ्य।

प्रेरितून का काम 17:1

फिर पौलुस और सिलास अम्फिपुलिस और अपुल्लोनिया शैहरून भटे होभेरन थिस्सलुनीके का शैहर में आयान, जाँ यहूदीन को एक सभा-घर छ्यो।

प्रेरितून का काम 17:11

इन लोग त थिस्सलुनी का शैहरा का यहूदीन है भला छ्या और उनूनले भौत लालसा ले वचन मानछ्य, और हरेक दिन पवित्रशास्त्र में खोजनै रूछ्या जो पौलुसले उनून सिखाछ उ बात वाँ छनी या नाहातिन।

प्रेरितून का काम 17:13

लेकिन जब यो बात को पत्तो थिस्सलुनी यहूदीन चलछ्य, कि पौलुस बिरीया नगर मेंले परमेश्वरोको बचन सुणूछो तब उन वाँ आभेरन ले लोगून भड़कून लाग्यान।

प्रेरितून का काम 18:23

अन्ताकिया नगर में थ्वाड़ा बखत रैभरेन उ वाँ भटे न्हैग्यो और नगर-नगर सफर करनै सबै गलातिया और फ्रूगिया प्रदेशा का सब शिष्यून विश्वास में मजबूत करनै र्यो।

2 कुरिन्थियून 2:13

मैंले अपून विश्वासी भाई तीतुस स तुमार तरफ भटे समाचार लियून नै देख्यो, येक कारण त्रोआस शैहरा का विश्वासीन भटे विदा होभेरन मैं अपून विश्वासी भाई तीतुस स खोजून खिन मकिदुनिया प्रदेश में वापस आयू।

2 कुरिन्थियून 7:6

लेकिन दुखी लोगून शान्ति दीन वालो परमेश्वरेले तीतुस स हमार या भेजभेरन हमून शान्ति दीछ।

2 कुरिन्थियून 8:16

परमेश्वरोको धन्यबाद हो, जैले तुमार बारिमें उई चिन्ता तीतुस का मन डालछ्य, जो मैंमें छी।

2 कुरिन्थियून 8:23

अगर कोई तीतुस का बारिमें पुछो, त उ म्येरो दगड़िया, और तुमून खिन म्येरो सहकर्मी छै, और अगर हमार विश्वासी भाईन का बारिमें पुछून, त उन विश्वासी की मण्डली खिन भेजिना का और मसीह को सम्मान करनान।

2 कुरिन्थियून 8:6

येक कारण हमूले तीतुस स समझाछ, कि जसो उले पैलि शुरू करिना को छ्यो, ऊसोई तुमार बीच में यो दान का काम स पुर ले कर ली।

गलातियों 1:2

मैं यो चिठ्ठी गलातिया प्रदेश की पुर विश्वासी मण्डली का उन विश्वासी भाईन का तरफ भटे लिखूनमरयूँ जो म्यारा दगाड़ छन।

फिलिप्पिन 2:21

क्याखिनकि सब अपून फैदा की खोज में रूनान, लेकिन उन यीशु मसीह का कईना का बातुन का बारिमें चिन्ता नै करना।

1 तीमुथियुस 6:10

क्याखिनकि धन को लोभ सब प्रकार कि बुराईन को जड़ छै, जैस हासिल करून खिन कुछ लोग विश्वास भटे भटक भेरन अपून आपस कई प्रकारा का दुखून में डाल दीनान।

1 तीमुथियुस 6:17

यो संसारा का धनवानून हुकुम दे कि उन घमंडी नै बनून और अपून धन में भरोसा नै राखून, जो हमार सुख खिन सब कुछ ईमानदारी ले हमून दीछो।

2 तीमुथियुस 1:15

तैं जाण छै, कि आसिया प्रदेशा का सब विश्वासी लोगून ले मैंस छोड़ दी है छै, जिनून में फुगिलुस और हिरमुगिनेस ले छन।

2 तीमुथियुस 4:16

पैल बार जब रोम शैहरा का कचैरी में अपूनी सफाई दीन खिन गयूँ, तब म्यारा तरफ भटे बोलूनवालो कोई ले नी छ्यो, और सबून ले म्योरो दगोड़ो छोड़ दीछ। प्रार्थना करछूँ कि परमेश्वर यो बात खिन उनून माफ करौ।

तीतुस 1:4

मैं यो चिठ्ठी तीतुस खिन लिखूनमरयूँ। तैं म्यारा च्याला नियाती छै क्याखिनकि तैले मसीह में विश्वास करछै जसीकैं मैं करछूँ। मैं प्रार्थना करछूँ कि पिता परमेश्वर और हमोरो मुक्तिदाता यीशु मसीह तैंस अनुग्रह और दया, और शान्ति दीनै रून।

फिलेमोन 1:24

और मरकुस, अरिस्तर्खुस, देमास और लूका जो म्योरो दगड़िया प्रभु में काम करनान; यो सब तैंस नमस्कार कुंनान।

2 पतरस 2:15

उनूनले निका काम करून छोड़ दीयान, और उनूनले उसीकैं बुरा काम करून शुरू कर दीयान, जो कि बओर का च्याला बिलाम ले भौत बखत पैलि करिना को छ्यो। ऊस गलत काम करभेरन पैसा कमून निको लागछ्यो।