2 तीमुथियुस 4:1 - सोरियाली नय्या नियम

¹ जब यीशु मसीह राजा की नियाती राज्य करून खिन आलो, उ ज्यून और मरिन द्वीवै लोगून को न्याय करोलो। येक कारण मैं मसीह और परमेश्वर स गवाह मानभेरन तैस भौत प्रेम ले हुकुम दीछूँ,

2 तीमुथियुस 4:1 Iomraidhean Croise

मत्ती 16:27

जब आदिमी को च्योलो अपून स्वर्गदूतुका दगाड़ अपून बबा का महिमा में आलो, उ बखत उ हरेक स उक कामून का अनुसार फल द्योलो।

लूका 19:12

और उनूनले क्योछ, “एक धनी आदिमी दूर देश खिन ग्योछ, कि ताकि राजपद पाभेरन आपस लौट अ।

लूका 19:15

जब उ राजपद पाभेरन वापस लौट आछ, त इसो भ्योछ कि उले अपून दासून जिनून उले धन दी राखछ्यो, उनून अपून पास बुलाछ, ताकि मालूम करो, कि इनूनले लेन-देन भटे कि-कि कमै रैछ।

लूका 23:42

यो कैभेरन उले यीशु थैं क्योछ, “हे यीशु, जब तुम अपून राज्य में राज हो भेरन आला, तब तुम मैंस याद कर्या।”

प्रेरितून का काम 10:42

और उले हमून हुकुम दीछ, कि सब लोगून में प्रचार करा और गवाही दीया, कि यीशु उई छै जैस परमेश्वरे ले ज्यून और मरिना को न्याय करन खिन ठैरा रैछ।

प्रेरितून का काम 17:31

परमेश्वर ले एक दिन ठैरा रैछ, “जै दिन उन पैलि भटे अपून ठैराईनाका उ च्यालाक जरियाले धरतिक धर्मोको न्याय करला। जैस उनूनले यो काम खिन ठैरा रैछ, और ऊस मरिन में भटे दुबाँरा ज्यून करभेरन अपून यो बातोको सबूत लै दी राखछ्य।”

रोमियून 2:16

यो सब उ दिन होलो जब परमेश्वर यीशु मसीहक द्वारा म्यारा जरियाले सुणाईना को सुसमाचाराक अनुसार लोगून का गुप्त विचारून को ले न्याय कराला।

कुलुस्सियून 3:4

जब मसीह, जो तुमून नय्या जीवन दीछो, जब उ यो संसार में वापस आलो, तब तुमूले उक दगाड़ आला और तुम उकी महिमा में भागीदार होला।

2 थिस्सलुनीकियों 2:8

तब उ दुष्ट प्रगट होलो, जैस प्रभु यीशु अपून मुँखा का फूँके ले मार डालोल, और अपूना उना का तेज ले भस्म कर द्योलो।

1 तीमुथियुस 5:21

परमेश्वर, और यीशु मसीह, और चुनिना का स्वर्गदूतून का सामुनि जाणिभेरन मैं तैंस हुकुम दीछूँ, कि तैं बिना भेद-भाव इन बातुन माना कर, और कोई काम भेद-भाव ले जन कर।

2 तीमुथियुस 1:10

लेकिन अब हमार मुक्तिदाता यीशु मसीह आ ग्यान, और उले हमून में अपूनो अनुग्रह करछ्य, जैले मौत की ताकत स नाश कर दीछ और सुसमाचारा का द्वारा हमून अनन्त जीवन को बाट दिखाछ।

2 तीमुथियुस 2:14

जो बात मैंले तैंस बाता राख्यान इन उनून विश्वासी लोगून बार-बार बतूनै रौ, और परमेश्वर स एक गवाह का रूप में राखभेरन, तैंस उनून चेतावनी दीनी चैछी कि उन शब्दून का मतलब स लीभेरन बाद-बिबाद जन करून, इसा तरीका को बिबाद करना ले कोई ले फैदा नै हुनो, लेकिन सुणन वाला लोगून को भौत नुकशान हुछो।

2 तीमुथियुस 4:18

और प्रभु मैंस हरेक बुर कामून भटे छुड़ालो। उ मैंस सुरक्षित अपून स्वर्ग राज्य में पुजालो। उकी महिमा हमेशा-हमेशा हुनै रौ। आमीन।

2 तीमुथियुस 4:8

अब प्रभु ले मैं खिन ईनाम राखिना को छै, क्याखिनकि मैं इसो जीवन जी छै जो ऊस खुश करछो। हमोरो प्रभु यीशु मसीह जो सच्चाई ले न्याय करछो, उ मैंस उ दिना ईनाम द्योलो जब उ न्याय करून खिन वापस आलो। मगर यो ईनाम सिर्फ मैंस नी द्योलो बल्कि उनून सबून ले जो वफादारी का दगाड़ प्रभु उनाको इंतजार करून मर्यान।

तीतुस 2:13

हम इसीकैं ब्यवहार करनू जब हम उ दिनो को इन्तजार करूनमर्यान, जैकी हमून आश छै, उ दीन जब यीशु मसीह, जो हमोरो महान परमेश्वर मुक्तिदाता छै, अपूनी पुरी महिमा का दगाड़ संसार में वापस आलो।

1 पतरस 1:7

इन परेशानीन को मक्शद यो दिखूनो छै कि क्या तुम सच्ची में परमेश्वर में भरोसा करछा। यीशु मसीह में तुमोरो विश्वास सुनो है ज्यादा कीमती छै। जसीकैं नाश हुन वाला सुना स आग में परखी जाछो और शुद्ध करि जाछो, उसिकैं अगर तुमोरो विश्वास परीक्षान का द्वारा परखी जाना का बाद ले मजबूत रूछो, त यो उ दिन तुमून भौत बड़ाई और महिमा और सम्मान दिलालो जब यीशु मसीह फिर वापस आलो।

1 पतरस 4:5

लेकिन एक दिन उन जरूर परमेश्वरा का सामुनि न्याय खिन ठाड़ होला, और परमेश्वर उनूनमें भटे हरेक स उनार द्वारा धरती में करिना का कामून का बारिमें पुछोलो। परमेश्वर ज्यूना और मरिनाका लोगून को न्याय करोलो।

1 पतरस 5:4

जब यीशु मसीह दुबारा वापस आलो, जो कि हमोरो प्रधान ग्वाला का नियाती छै, तब तुमून एक सुन्दर मुकुट दीई जालो जो कभै ले अपूनी चमक नी खोलो।

2 पतरस 1:11

और यो कि परमेश्वर उ राज्य में बड़ी खुशी ले तुमोरो स्वागत करलो जाँ यीशु मसीह छै, जो हमोरो प्रभु और हमोरो मुक्तिदाता छै, और उ हमेशा खिन राजा का रूप में राज्य करोलो।

2 पतरस 1:17

हम उ पवित्र पहाड़ में उक दगाड़ छ्या जब उले पिता परमेश्वरा का द्वारा सम्मान और महिमा दी गैछी। त हमूले उ बखत परमपिता परमेश्वरै की तरफ भटे यो आवाज सुणछ्य, “यो म्येरो प्रिय च्योलो छै, जै भटे मैं खुश छूँ। हमूले खुद स्वर्ग भटे ऊँन वाली यो आवाज स सुणछ्य।”

1 यहूना 2:28

येक कारण हे नान्तिनो, मसीह का दगाड़ बनिना रौ; कि जब उ दुबारा आलो त हमून हिम्मत मिलेलि, और हम मसीह उन में उक सामुनि शर्मिदा नी हूँला।

प्रकाशितवाक्य 1:7

सुणा, उ बादलून का दगाड़ ऊँनवालो छै; और हरेक आदिमी ऊस देखाला, जो लोग उकी मौत खिन जिम्मेदार छ्या, उन ले ऊस ऊँन देखाला। संसारा का सब लोग जोरले रोला जब उन ऊस देखाला। होई, इसो होलो! आमीन।