2 तीमुथियुस 3:8 - सोरियाली नय्या नियम

⁸ इन झूठ्ठा शिक्षक छन, जो मसीह का बारिमें सच्ची बात बतून है रोकना की कोशिश करनान, जसीकैं यन्नेस और यम्ब्रेस ले मूसा को विरोध करछ्य, उसीकैं उनेरि बुद्धि ले भ्रष्ट हो गैछ। और उन सच्ची में मसीह में विश्वास नै करना।

2 तीमुथियुस 3:8 Iomraidhean Croise

प्रेरितून का काम 15:24

हमूले सुण रैछ कि हमार याँ का थ्वाड़ा लोग तुमार आपस आयान, जिनून हमूनले अधिकार नी दीईना को छ्यो, उनून अपूना बातुन ले तुमून घबरा दीछ, और तुमारा मन स उलझन में डाल दीछ।

रोमियून 1:28

किलैंकी जब उनूनले परमेश्वरे स अपनून मूर्खता समझछै, त परमेश्वरे ले लै उनून सब बुर काम करून खिन उनार बुर मनाक बश में छोड़ दीछ।

रोमियून 16:18

क्याखिनकि इस लोग हमार प्रभु यीशु मसीह का नाहातिन, लेकिन अपून फैदा खिन सेवा करनान, और इन लोग चिकनी-चुपड़ी बात करभेरन सीधा-सादा मनाका लोगून बहका दीनान।

इफिसियून 4:14

अब भटे हमून बच्चान का नियाती ब्यवहार नै करून चैछो। येक कारण हमून कभै ले ध्वाकाबाज लोगून की झूठ्ठी शिक्षा में नै फसून चैछो, जो सच्ची लागनान। क्याखिनकि अब हम उन नावून की नियाती नाहातिन जिनून लहर अघिल-पछिल धक्का दीनान और हवा इथकैं-उथकैं घुमूछी।

1 तीमुथियुस 1:19

तैंस मसीह में विश्वास में बनिना को रून चैछो और साफ जमीर हुन चैछो। कुछ लोगून ले अपून जमीर स खराब कर हालछ्य और उनूले मसीह में विश्वास करना की अपूनी योग्यता स नाश कर हालछ्य, ठीक उसीकैं जसीकैं एक जहाज टकराभेरन नाश हो जाछो।

1 तीमुथियुस 4:2

यो झूठ्ठा कपटी उई छन, जो इन झूठ्ठी शिक्षान सिखूनान। क्याखिनकि जो उनोरो जमीर सही और गलतो को फरक करछो उ मर चुक ग्योछ, जसीकैं कि कोई गरम लूवा ले उनून दागी ग्यो हो।

1 तीमुथियुस 6:5

इसा लोगून का बीच में हमेशा झगाड़ा पैद हुछो, जिनेरि बुद्धि भ्रष्ट हो गै, और उन सच्चाई नै समझ पान, और उन सोचनान कि परमेश्वर की सेवा करून धनवान हुना को तरीका छै।

2 तीमुथियुस 4:15

तैले अपून आपस उ है बचा राखै, क्याखिनकि उले हमरि मसीह शिक्षा का बातुन को भौत विरोध करछ्य।

तीतुस 1:10

मैं यो येक कारण कुछूँ, क्याखिनकि भौत लोग सही शिक्षा को बिरोध करनान, उन जो बक-बक करनान और दुसरान ध्वाका दीन सिखूनान। खास करभेरन उन यहूदीन का बारिमें जो सच्ची में विश्वासी बन ग्यान।

तीतुस 1:16

उन झूठ्ठी शिक्षा दीन वाला कुंनान कि हम परमेश्वर स जाणनू, लेकिन उन अपून काम ले दिखूनान कि उन जाणना। क्याखिनकि उन नफरत ले भरिना का छन और हुकुम नै मानून वाला छन और उन कोई ले भल काम करून योग्य नाहातिन।

2 पतरस 2:14

उन हरेक स्यैनि का दगाड़ व्यभिचार करून चानान, जैस उन देखनान। उन पाप करनाको मौको खोजनै रूनान उन-उन लोगून ध्वाका दीनान जिनोरो मसीह में विश्वास कमजोर छै, और उन उनून पाप का तरफ लिजानान। उनेरि ज्यादा है ज्यादा चीजून प्राप्त करना को हमेशा बढ़नै रून वाली इच्छा का कारण परमेश्वर उनून दण्ड द्योलो।

1 यहूना 2:18

हे नान्तिनो, यो आखिरी बखत छै; जब मसीह फिर है वापिस आलो और जसो तुमूले सुणिना को छै, कि मसीह विरोधी उनवालो छै, उक अनुसार अब ले भौत मसीहा का विरोधी आ ग्यान; येले हम जाणनू कि यो मसीह वापस उना बखत छै।

1 यहूना 4:1

हे प्रिय दगाड़ियो, हरेक आदिमी में विश्वास जन करा, जो पवित्र आत्मा का द्वारा बोलना को दवा करछो; लेकिन उनून परखा, कि उन परमेश्वराका तरफ भटे छनी या नाहातिन, क्याखिनकि भौत झूठ्ठो संदेश दिनवाला लोग यो संसार में छन।

प्रकाशितवाक्य 2:20

लेकिन मैंस त्यारा बारिमें थ्वाड़ा शिकायत छन। तुम उ स्यैनि इजेबेल स झूठ्ठी शिक्षा फैलून दीछा। उ कुछी कि उ एक भविष्यद्वक्तिन छै, लेकिन अपूनी शिक्षान ले उ म्यारा लोगून व्यभिचार का पापून में शामिल हुन खिन और मूर्तिन चढ़ाई जानवालो खानो खानखिन भरमूनान।

प्रकाशितवाक्य 2:6

लेकिन एक निकी बात छै जो तै करछै। उ यो छै कि तै नीकुलइयून का द्वारा सिखाई जानवाला बुरा कामून भटे नफरत करछै, ठीक उसीकैं जसकैं मैं नफरत करछूँ।