2 तीमुथियुस 3:5 - सोरियाली नय्या नियम

⁵ उन इसो दिखावा कराला, जसीकैं उन परमेश्वरा का भक्त करनान, लेकिन उन परमेश्वर की सामर्थ स नी मानाला, इसा लोगून है बचभेरन रया।

2 तीमुथियुस 3:5 Iomraidhean Croise

मत्ती 7:15

परमेश्वरा का बारिमें झूठ्ठो संदेश दीन वाला लोगून है सतर्क रौ, जो भेड़ून का जसो भेष बनाभेरन तुमार पास ऊँनान, लेकिन उ असल में फाड़ खान वाला भेड़िया का जसा छन।

इफिसियून 4:14

अब भटे हमून बच्चान का नियाती ब्यवहार नै करून चैछो। येक कारण हमून कभै ले ध्वाकाबाज लोगून की झूठ्ठी शिक्षा में नै फसून चैछो, जो सच्ची लागनान। क्याखिनकि अब हम उन नावून की नियाती नाहातिन जिनून लहर अघिल-पछिल धक्का दीनान और हवा इथकैं-उथकैं घुमूछी।

2 थिस्सलुनीकियों 3:14

अगर कोई हमार यो चिठ्ठी का हुकमून नै मनो, त सबून पत्तो चलो, और उक दगाड़ संगति जन करा, जेले उ शर्मिदगी मैंहसुश करौ।

2 थिस्सलुनीकियों 3:6

हे म्यारा विश्वासी भाईयों, हम तुमून अपून प्रभु यीशु मसीह का अधिकार ले हुकुम दीनू, कि हरेक इसा विश्वासी भाईन है दूर रौ, जो आलसी छन और जो बात हमूले तुमून सिखायान ऊस नै माननो।

1 तीमुथियुस 4:7

लेकिन उन बेकार और पूर्वजून का झूठ्ठी कहानीन में अपूनो बखत बर्बाद जन करा, जेले परमेश्वरो को आदर नै मिलनो। बल्कि तुमून परमेश्वर स आदर दीन वाला जीवन खिन अपून आपस हमेशा सच्ची शिक्षा में बनिना को रून चैछो।

1 तीमुथियुस 4:8

शरीरो को ब्यायाम ले सिर्फ थ्वाड़ा फैदा हुछो, जब कि परमेश्वर की भक्ति को फैदा सब बातुन में छै। क्याखिनकि यो आदिमी स ईनाम दीना को वादा करछो जो हम ऐल दुनिया में छा और मरना का बाद ले।

1 तीमुथियुस 5:8

अगर कोई अपून रिश्तेदारून की और खास करभेरन अपून परिवार की देख-भाल नै करूनो, त उ अपून विश्वास में मुकर ग्योछ, और एक अविश्वासी है ले बुर बन ग्योछ।

1 तीमुथियुस 6:5

इसा लोगून का बीच में हमेशा झगाड़ा पैद हुछो, जिनेरि बुद्धि भ्रष्ट हो गै, और उन सच्चाई नै समझ पान, और उन सोचनान कि परमेश्वर की सेवा करून धनवान हुना को तरीका छै।

2 तीमुथियुस 2:16

संसारा का और बेकार का बातुन भटे दूर रौ, क्याखिनकि जो लोग इन बातुन में शामिल हुनान, उ परमेश्वर है दूर हो जानान।

2 तीमुथियुस 2:23

लेकिन मूर्खता और उटपटांग बहस भटे दूर रौ, क्याखिनकि तैं जाण छै कि येले झगाड़ा पैद हुनान।

तीतुस 1:16

उन झूठ्ठी शिक्षा दीन वाला कुंनान कि हम परमेश्वर स जाणनू, लेकिन उन अपून काम ले दिखूनान कि उन जाणना। क्याखिनकि उन नफरत ले भरिना का छन और हुकुम नै मानून वाला छन और उन कोई ले भल काम करून योग्य नाहातिन।

तीतुस 3:10

तैंस कम है कम द्वी बार उन लोगून चेतावनी दीन चैछी जो विश्वासीन की मण्डली में फुट डालनान, कि उन इसो करून बन्द करून। दुसारा बार चेतावनी दीन का बाद उनून है कोई सम्बन्ध जन राँखा।