2 तीमुथियुस 3:16 - सोरियाली नय्या नियम

¹⁶ पुरो पवित्रशास्त्र परमेश्वरा का प्रेरणा द्वारा लिखीना को छै। यो लोगून सिखून खिन, डाट-फटकार लगून खिन, गलतिन सुधारून खिन और उनून सिखून खिन हमून खिन फैदामन्द छै।

2 तीमुथियुस 3:16 Iomraidhean Croise

मत्ती 13:52

यीशु ले उनूनथैं क्योछ, “येक कारण हरेक मूसा का नियम सिखून वालान जो स्वर्ग राज्य का बारिमें शिक्षा पा रैछ, उ घरा का मालिका का समान छै, जो अपून भण्डार भटे नय्या और पुरानी चीजून निकालछो।”

मत्ती 21:42

यीशु ले उनूनथैं क्योछ, क्या तुमूले कभे पवित्रशास्त्र में यो नै पढ़योई कि, जो ढूंगास मिसत्रीले बेकार समझछ्य, उई बेकार ढ़ुगा कुनिया ढूंगो है ग्यो? यो प्रभु का तरफ भटे भ्योछ, जो हमरि नजरून में कतुक अद्धभुत छै।

मत्ती 22:43

फिर यीशु ले उनूनथैं पुछ्छै, “त दाऊद मसीहा स प्रभु किलैं कुंछो?

मत्ती 26:54

अगर मैं इसो करछूँ त, पवित्रशास्त्र में लिखीना की बात कसीकैं पुरी होलि जेको हुनो जरूरी छै?

मत्ती 26:56

यो सब येक कारण हुन मर्योछ कि पवित्रशास्त्र में जो लिखीना को छै; उ पुरो है जौ। तब सब शिष्य यीशुस छोड़िभेरन भाजि जानान

मरकुस 12:24

तब यीशु ले उनूनथैं क्योछ, “क्या तुम यो कारण ले भूल में नै पड़िग्या? क्याखिनकि तुम नै जाणना पवित्रशास्त्र कि कुंछो, और नै परमेश्वरे की सामर्थ स जाणना।

मरकुस 12:36

पवित्र आत्माले दाऊद राजा का द्वारा क्योछ, ‘प्रभु ले म्यारा प्रभु थैं क्योछ, म्यारा दैन तरफ बैठ जब तक कि मैं त्यारा बैरिन त्यारा खुटान का चौकी नै कर द्यूँलो।’

यहूना 10:35

और तुम जाणछा कि पवित्रशास्त्र में बदलाव नै करि जा सकूनो। येक कारण उनून ईश्वर क्योछ, जिनारा पास परमेश्वरो को बचन पुजछै।

यहूना 3:20

क्याखिनकि जो बुराई करछ्यो, उ उज्याल है बैर राखछो, और उज्याल में उछो, इसो नै हो कि उक कामून में दोष लगाई जौ।

प्रेरितून का काम 1:16

“हे विश्वासी भाईयो, पवित्र आत्मा ले भौत बखत पैलि राजा दाऊद का द्वारा यहूदाका बारिमें पैलि भटे कईनाकों छ्यो, यो यहूदा यीशु स पकड़ून वाला लोगून की अगुवाई करून वालान में भटे एक छ्यो। यो जरूरी छ्यो कि उक बारिमें पवित्रशास्त्र में लिखीना की बात पुरी हो।

प्रेरितून का काम 18:25

उले यीशुक बारिमें सुण रॉखछ्यो और येक बारिमें भौत उत्सुक है भेरन दुसरान ले सिखूछ्यो, पर उ केवल यहूनाकि बपतिस्मा की बात जाण छ्यो।

प्रेरितून का काम 20:20

और जो-जो बात तुमेरि भलाई का छ्या, उनून मैंले तुमून बतून में कभै के झिझक नै करि। बल्कि मैं सब लोगून का बीच में और घर-घर जाभेरन उन बातुन का बारिमें सिखूनै रयूँ।

प्रेरितून का काम 20:27

क्याखिनकि मैले तुमूनथैं केले नै लुकायो और तुमून पुरी बात बता रैछ जो परमेश्वर चाँछ्या की तुम जाणौ।

प्रेरितून का काम 28:25

उन आपस में यो बात में सहमत नै भ्या, त पौलुसा का यो एक बात कुना ले न्हैग्या, “पवित्र आत्मा ले परमेश्वरा का संदेश दिनवाला यशायाह जरियाले तुमार पुरखानथैं ठीक क्योछ।”

रोमियून 15:4

जतुक बात पैलिक पवित्रशास्त्र में लिखी ग्यान, उन हमरि शिक्षा खिन लिखीनाका छन, ताकि हम उ शिक्षा ले धीरज और हिम्मत मिलनै रौ, यो तरीका ले हम अपूनी आश बनाईना की राखा, कि परमेश्वरे ले जो वादा करिनाको छ्यो, उ करोलो।

रोमियून 2:20

और बुद्धीहीनून सिखून वाला, और उन लोगून को गुरू छूँ, जो परमेश्वर में अब तक नान्तिन छन। और तुमून भरोस छै की मूसा का नियम-कानून हुना का कारण तुमून सब कुछ पुर रीतिले पत्तो छै और जो तुम कुँछा उ बिलकुल सच्ची छै।

रोमियून 3:2

होई एक यहूदी हुन में भौत फैद छै। सबून जरूरी है पैलि त यो की यहूदी लोगून मूसा और परमेश्वरा का संदेश दिनवाला लोगून को लेख दी ग्योछ।

रोमियून 4:23

और “यो विश्वास उ खिन धर्मी गिनी ग्योछ,” नै केवल उ खिन लिख रैछ,

1 कुरिन्थियून 12:7

हमून में भटे हरेक स एक इसी काबिलियत दी जांछी जो पवित्र आत्मा की मौजूदगी स बतूछी ताकि हम अपून दगड़िया विश्वासीन की मद्दत करा।

गलातियों 3:8

पवित्रशास्त्र में भौत बखत पैलि यो लिखी कि ग्योछ, परमेश्वर गैर-यहूदी लोगून विश्वास का द्वारा धर्मी ठैहरालो, योई कारण छै कि पवित्रशास्त्र में, जब परमेश्वरे ले पैलि अब्राहम स सुसमाचार बताछ त उले उथैं क्योछ, कि “त्यारा द्वारा, मैं यो संसारा का सब लोगून आशीष द्यूलो।”

2 तीमुथियुस 2:25

और जो लोग बिरोध करनान, उनुस उले भौत प्रेम ले समझून चैछो, हो सकछो शायद परमेश्वर उनून पापून भटे मन फिरूना को और मसीह का बारिमें सच्चाईस जाणना को मौका दे।

2 तीमुथियुस 4:2

बखत बुरो या भलो हो तैं हर बखत परमेश्वरा का बचन को प्रचार कर खिन तैयार रौ। तैंस लोगून समझून चैछो कि उनूनले कि गलत करछ्य और उनार पापून खिन उनून डाँठ लागून चैछी। मगर धैर्याक दगाड़ सिखून चैछो और उत्साहित करून चैछो।

इब्रानियों 11:1

विश्वास यो बातो में भरोसा करून छै कि हमून पक्का उई मिलोलो जैकी हम आश करनू और यो विश्वास करून जैस नै देख सकना उन सच्ची में छन।

इब्रानियों 3:7

येक कारण जसीकैं पवित्र आत्मा पवित्रशास्त्र में कुंछो, “अगर आज तुम परमेश्वरे की आवाज सुणछा,

इब्रानियों 4:12

किलैकी परमेश्‍वर का बचन जीवित और असरदार छै, और उ द्वी धारी तलवार है ले ज्यादा तेज छै, जो हमार भितर आभेरन हमेरि आत्मा, प्राण, जोड़ून और गुदा-गुदा स भेद दीछो, और यो हमार मनै की इच्छान और बिचारून परखछो।