2 तीमुथियुस 3:13 - सोरियाली नय्या नियम

¹³ लेकिन दुष्ट लोग और उन ध्वाकाबाज लोग और ले ज्यादा बुरा काम कराला। उन लोगून ध्वाका द्याला और खुद ले दुसरान थैं है ध्वाका खाला।

2 तीमुथियुस 3:13 Iomraidhean Croise

2 कुरिन्थियून 6:8

जब लोग हमून तुच्छ जाणनान, और दुसरान बतुनान कि हम बुरा लोग छा या निका लोग छा या हम कपटी समझी ग्या, लेकिन हम सच्ची बोलनू।

1 तीमुथियुस 4:1

पवित्र आत्मा साफ कुंछो कि आखरी दिनून में कुछ लोग मसीह की शिक्षान छोड़भेरन शैतान कि शिक्षान में मन लगाभेरन विश्वास भटे बहक जाला।

2 तीमुथियुस 3:8

इन झूठ्ठा शिक्षक छन, जो मसीह का बारिमें सच्ची बात बतून है रोकना की कोशिश करनान, जसीकैं यन्नेस और यम्ब्रेस ले मूसा को विरोध करछ्य, उसीकैं उनेरि बुद्धि ले भ्रष्ट हो गैछ। और उन सच्ची में मसीह में विश्वास नै करना।

तीतुस 3:3

क्याखिनकि हम सब विश्वास में उन है पैलि मूर्ख और परमेश्वरा का हुकमून नै मानूनवाला छ्या, और लोगून थैं भटे ध्वाका खान वाला छ्या, और हम बुरी इच्छा और संसारा का चीजून का गुलाम छ्या, जसीकैं बैर-भाव और डाह करून में जीवन जी छ्या, और लोगून थैं नफरत करछ्या, और एक दुसारा भटे बैर राख छ्या।

2 पतरस 2:20

जब लोगून ले प्रभु यीशु मसीह स अपून प्रभु और मुक्तिदाता मान हलछ्यो, तब प्रभु ले उनून यो संसारै की बुराई भटे बचा हलछ्यो। लेकिन अब एक बार फिर उन बुरा कामून में फंस ग्यान और उन बुरा काम अब उनून अपून वश में करनान, येक कारण अब मसीह स अस्वीकार कर दिनाका बाद उनेरि दशा उनार विश्वासी बनून है पैलिक दशा है ले बुरी हो गै।

2 पतरस 3:3

सबून है जरूरी बात, तुमून पतो हुन चैछो कि मसीह का वापस उनाक पैलि आखरी अन्तिम दिनून में इसा लोग होला जो तुमोरो मजाक उड़ाला किलैकी तुम विश्वास करछा कि मसीह दुबारा वापस आलो। उन आदत ले मजबूर बुरा काम कराला जो उनून खुश करनान।

प्रकाशितवाक्य 12:9

येक कारण ऊस और उक दुष्ट दूतून धरती में खित दीछ। यो ठूलो अजगर, उई छै जो भौत पैलि स्याँपा का रूप में दिखाई दीछ, जैस शैतान या दोष लगून वालो ले कुंनान। यो उई छै जो यो संसारा का लोगून ध्वाका दीनै आर्योछ।

प्रकाशितवाक्य 13:14

भौत लोग उ दुसारा जानवरक चमत्कारा का कामून देखभेरन ध्वाका खा ग्या जो पैला जानवरै की शक्ति ले देखूछ्यो। दुसारा जानवरक द्वारा लोगून थैं कयी ग्यो उन उ पैला जानवरै की पूजा करून खिन एक मूर्ति बना, जो तलवारै घायल करि गेछ्यो, लेकिन उ फिर चंगो हो गेछ्यो।

प्रकाशितवाक्य 18:23

उक रात अन्यारा होला, याँ तक कि एक दीया ले नी जलोलो। और ब्योलो और ब्योलि की खुशी की आवाज नी होलि। इसो येक कारण होलो किलैकी उक ब्यापारीन ले, जो पुर संसार में सबून है ठूला छ्या अपून जादू-टोना ले सब जाति का लोगून ध्वाका दीछ।