2 तीमुथियुस 3:10 - सोरियाली नय्या नियम

¹⁰ लेकिन हे तीमुथियुस, तैं निकीकैं जाण छै कि मैं कि सिखूछूँ, और कसा तरीका ले जीछूँ, जीवन में म्योरो की मक्शद छै और म्योरो कसो विश्वास छै। और तैं जाण छै कि मैं धीरज राखछूँ, और सब लोगून प्रेम करछूँ, मैंले दुखून सहन करछ्य।

2 तीमुथियुस 3:10 Iomraidhean Croise

लूका 1:3

मैंले ले इन बातुन की ध्यान ले जाँच करछै, और मैंस यो निको लागछ कि मैं तुमून खिन उन बितिनाक का हुना का बातुन का अनुसार एक-एक करभेरन लिखूँ।

प्रेरितून का काम 11:23

बरनबास वाँ पुजभेरन यो वाँक लोगूनमें परमेश्वरै का अनुग्रह देखिभेरन खुश भ्योछ, और उन सबून उपदेश दीछो कि उन अपून पुर मनले परमेश्वर में भरोस करून खिन अटल रया।

प्रेरितून का काम 2:42

और उन प्रेरितून थैं शिक्षा पान में और संगति करून में और प्रभु भोज में, और विश्वासी लोग एक दगाड़ खाँछ्या, और आपस में मिलभेरन प्रार्थना करछ्या।

प्रेरितून का काम 20:18

जब उन वाँ पुजियान तब पौलुसले उनूनथैं क्योछ, “तुम जाणछा कि म्यारा आसिया प्रदेश में आईनाक पैल दिन भटे मैं तुमार दगाड़ कसीकैं रयूँ।

प्रेरितून का काम 26:4

“म्योरो चाल-चलन जवानी भटे म्यारा देशाक लोगून में और यरूशलम शैहर में जसो छ्यो, यो सब यहूदी जाणनान।

रोमियून 16:17

अब हे विश्वासी भाईयों, मैं तुमूनथैं बिनती करछूँ, की तुम लोगून भटे सतर्क और दूर रया, और उन उ शिक्षा का खिलाफ छन, जो तुमून मिल रैछ, और जो दुसारा लोगून का विश्वास में कमजोर हुनो और झगड़ा को कारण बनछो।

2 कुरिन्थियून 1:17

येक कारण जब मैंले यो योजना बनाईना की छी त क्या मैंले लापरवाही करछी? या जो करून चाछ्यूँ क्या दुनिया का लोगून की नियाती करून चाछ्यूँ, कि जो अब तक बात में “हाँ की हाँ” कुंनान; और बाद में “नै की नै” ले कर दीनान?

इफिसियून 4:14

अब भटे हमून बच्चान का नियाती ब्यवहार नै करून चैछो। येक कारण हमून कभै ले ध्वाकाबाज लोगून की झूठ्ठी शिक्षा में नै फसून चैछो, जो सच्ची लागनान। क्याखिनकि अब हम उन नावून की नियाती नाहातिन जिनून लहर अघिल-पछिल धक्का दीनान और हवा इथकैं-उथकैं घुमूछी।

फिलिप्पिन 2:20

येक कारण म्यारा नजरून में तीमुथियुस को जसो दुसोरो कोई आदिमी नाहातिन, जो सच्ची में मेरि जसी तुमेरि चिन्ता कर सकौ।

फिलिप्पिन 2:22

लेकिन तुम जाणछा कि तीमुथियुस ले खुद कसीकैं साबित करिना को छै। जस तरीका ले एक च्योलो अपून बबा का दगाड़ रूछो, उसीकैं सुसमाचार सुणून में फैलून में म्योरो दगड़ो दीछ।

1 थिस्सलुनीकियों 1:5

क्याखिनकि जब हमूनले यीशु मसीह का बारिमें सुसमाचार तुमून बाताछ, त तुमार पास केवल शब्दून मेंई नै बल्कि पवित्र आत्मा का सामर्थ द्वारा पुजछ्य, और तुमूले पुर भरोसा का दगाड़ विश्वास करछ्य। और तुम जाणछा कि जब हम तुमार दगाड़ रूछ्या त हमूनले कसीकैं अपूनो जीवन बिताछ जो तुमार भलाई खिन छ्यो।

1 तीमुथियुस 1:3

मैंले इफिसुस शैहर है मकिदुनिया प्रदेश खिन जान है पैलि तैंस हुकुम दीछ, कि तैं याँ रैभेरन उनून जो झूठ्ठी शिक्षा दीनान उनून बतौ की उन झूठ्ठी शिक्षा दीन बन्द करून।

1 तीमुथियुस 4:6

अगर तैं विश्वासी भाई-बैनिन लगातार याद दिलूनै रौ, कि जेको मैंले तैंस अल्ले-अल्ले हुकुम दी रैछ, और तैं विश्वास और सही शिक्षा का द्वारा मजबूत करि गैछै, जेको तैं पालन ले करछै, त तैं यीशु मसीह को निको सेवक बनले।

1 तीमुथियुस 6:11

लेकिन हे तीमुथियुस, तैं परमेश्वर की सेवा करून वालो आदिमी छै, तैं इन बातुन भटे दूर रौ, और सच्चाई ले जीवन जी जो परमेश्वर स आदर दीछो। मसीह में विश्वास कर और लोगून प्रेम कर। मुशकील हालातून में धीरज राख, और दुसारा लोगून का दयालु बनभेरन रौ।

2 तीमुथियुस 2:22

उन बुरा चीजून है अपूनास दूर राख जिनून जवान लोग करून चानान और जो साफ मन ले प्रभु की अराधना करनान, उनार दगाड़ धार्मिकता, विश्वास, प्रेम और शान्ति ले मेल-जोल बनाभेरन राँख।

2 तीमुथियुस 4:2

बखत बुरो या भलो हो तैं हर बखत परमेश्वरा का बचन को प्रचार कर खिन तैयार रौ। तैंस लोगून समझून चैछो कि उनूनले कि गलत करछ्य और उनार पापून खिन उनून डाँठ लागून चैछी। मगर धैर्याक दगाड़ सिखून चैछो और उत्साहित करून चैछो।

2 तीमुथियुस 4:3

क्याखिनकि इसो बखत आलो जब लोग सच्चो वचन स सुणून नी चाला, मगर अपूनी इच्छाक अनुसार उन इसा उपदेश दीन वालान खोजाला जो उन बातुन सिखाला जो उन सुणून चानान।

2 तीमुथियुस 4:7

जसीकैं एक निको सिपाई लड़ाई में लगातार लड़ाई लड़नै रूछो, उसीकैं मैंले उ काम पुरो करछ्य जो मसीह यीशु ले मैंस करून खिन दी रैछ्यो। और मसीह में म्योरो विश्वास हमेशा मजबूत रियोछ।

तीतुस 2:7

तैंस हमेशा भल काम करून चैछो, ताकि तैं दुसारा लोगून खिन उदारण बनौ। जब तैं विश्वासीन परमेश्वरा का बारिमें सिखूछै, त तैंस निका इरादा ले सिखून चैछो, जैले लोग तेरो आदर कर सकून।

इब्रानियों 13:9

किलैकी यीशु मसीह कभै नै बदलनो, तुमून इन सबै नय्या और अलग-अलग शिक्षान को पालन नै करून चैनो जो तुमून गलत बाटान में ली जानान। किलैकी तुमार मनून खिन यो निकोछ कि परमेश्वरा का अनुग्रह का द्वारा मजबूत बना, नै कि उन नियमून का मानना का द्वारा जो खानाका बारिमें छन, खाना-पीना सम्बन्धी प्रार्थनान का द्वारा केको भलो नै भ्यो।

2 पतरस 3:11

यो पक्का छै कि परमेश्वर सब चीजून इसीकैं नाश कर द्योलो, त तुम जरूर जाछा कि तुमून कसो ब्यवहार करूनो चैछो। तुमोरो ब्यवहार सच्चो हुन चैछो और जो केले तुम करछा उले परमेश्वरेस खुश करा।