2 तीमुथियुस 2:5 - सोरियाली नय्या नियम

⁵ यो एक और उदारण छै, जब कोई खिलाड़ी खेल-कूद में भाग लीछो, जब तक खेल का नियमून को पालन नै करूनो, उ तब तक ईनाम नै जीत सकूनो।

2 तीमुथियुस 2:5 Iomraidhean Croise

लूका 13:24

तुम परमेश्वरा का राज्य में सकरा द्वार भटे प्रवेश करना कि कोशिश करा, क्याखिनकि मैं तुमूनथैं सच्ची कुछूँ, कि भौत सारा लोग छन जो उ भटे प्रवेश करून त चाला लेकिन उन प्रवेश नी कर सकाला।

फिलिप्पिन 1:15

यो सच्ची छै कि थ्वाड़ा लोग जलन और झगड़ा का कारण मसीह को सुसमाचार को प्रचार निका इरादा ले करनान।

कुलुस्सियून 1:29

येक कारण मैं उकी उ सामर्थ का अनुसार मन लगाभेरन जो मैंस मसीह का द्वारा मिलछी, और म्यारा भितर काम करछी।

इब्रानियों 12:4

जब तुम बुराईन की ताकतून का खिलाफ संघर्ष करछा त तुमून ले इसी लड़ाई नै लड़ी, कि तुमेरि मौत होज्यौ।

इब्रानियों 2:7

पिता परमेश्वर तैले आदिमी स सिर्फ थ्वाड़ा बखत खिन स्वर्गदूतून है थ्वाड़ा कम शक्ति का दगाड़ बनाछ, तैले ऊस एक राजा नियाती महिमा और सम्मान दीछ, और ऊस अपून हातुन का कामून में अधिकार दीछ।

इब्रानियों 2:9

लेकिन हम यीशु स देखनू! ऊस थ्वाड़ा बखत खिन स्वर्गदूतून है थ्वाड़ा कम कर दी ग्योछ, ताकि परमेश्वरा का अनुग्रह ले उ सबून खिन मर ज्यो। और येक कारण उले दुख उठाछ और मरग्यो, संसारा का सब लोगून खिन मरग्यो। परमेश्वर ले ऊस महिमा और आदर दीछ।

याकूब 1:12

धन्य छै उ आदिमी, जो परीक्षा में मजबूत बनिना को रूछो; क्याखिनकि जब उ परीक्षा स पार कर लीछो त ऊस अनन्त जीवन को मुकुट मिलोलो, जैस दिना को वादा परमेश्वर ले अपून प्रेम करूनवाला लोगून खिन करिना को छै।

1 पतरस 5:4

जब यीशु मसीह दुबारा वापस आलो, जो कि हमोरो प्रधान ग्वाला का नियाती छै, तब तुमून एक सुन्दर मुकुट दीई जालो जो कभै ले अपूनी चमक नी खोलो।

प्रकाशितवाक्य 2:10

उन दुखून भटे जन डर जो तैंस मिलाला। शैतान तुम में भटे थ्वाड़ा लोगून जेलखान में डालून वाला छै ताकि उ तुमेरि परीक्षा कर सको। तुम दस दिनून तक भौत मुसीबतून में रौला। पर मैंमें विश्वास करूनो कभै नी छोड़ला, चाहे तुमून मरनोई क्याखिन नै पड़ो, किलैकी मैं तुमून तुमेरि जीत को ईनामा का रूप में अनन्त जीवन द्यूलो।

प्रकाशितवाक्य 3:11

मैं जल्दी ऊँनवाला छूँ; येक कारण जो विश्वास तेरो मैंमें छै, ऊस कभै जन छोड़े, ताकि कोई ले तेरो मुकुट छड़ा नै ले।

प्रकाशितवाक्य 4:4

उ सिंहासन का चारू तरफ चौबीस और सिंहासन छन। और इन सिंहासनून में चौबीस प्राचीन सफैद कपाड़ा पैन भेरन बैठिना का छन, और उनार ख्वारान में सुनाक मुकुट छन।